यवतमाळच्या महागाव तालुक्यात काही दिवसांपूर्वी अवैध देशी दारूविक्री, हातभट्ट्या, मटका आणि सट्ट्याविरुद्ध पोलीस प्रशासनाने धडक मोहीम राबवली होती, ज्यामुळे बेकायदेशीर धंदे करणाऱ्यांचे धाबे दणाणले होते. मात्र, ५ जुलै २०२६ नंतर पोलिसांच्या या कारवायांना अचानक ब्रेक लागल्याने तालुक्यातील अनेक गावांमध्ये हे अवैध धंदे पुन्हा बिनधास्तपणे सुरू झाल्याचा आरोप नागरिकांकडून केला जात आहे. दिवसाढवळ्या सुरू असणाऱ्या या बेकायदेशीर व्यवहारांमुळे सर्वसामान्य नागरिकांमध्ये तीव्र नाराजी पसरली आहे. पोलीस प्रशासनाच्या या भूमिकेमुळे आता तालुक्यात विविध प्रश्न उपस्थित केले जात आहेत. ही कारवाई नेमकी कोणाच्या दबावामुळे थांबली, की काही प्रभावशाली घटकांच्या अभयामुळे अवैध धंद्यांना मोकळे रान मिळाले आहे, अशी चर्चा रंगू लागली आहे. कायद्याचा धाक संपल्याची भावना निर्माण झाल्याने नागरिक आणि सामाजिक कार्यकर्त्यांमध्ये अस्वस्थता वाढली आहे. या अवैध धंद्यांमुळे सामाजिक वातावरण बिघडत असून तरुण पिढी व्यसनाच्या विळख्यात अडकत चालल्याची गंभीर चिंता सामाजिक कार्यकर्त्यांनी व्यक्त केली आहे. महागावात कायद्याचे राज्य राहावे आणि पोलिसांवरील विश्वास अबाधित राहावा, यासाठी तत्काळ विशेष धडक मोहीम राबवून या अवैध व्यवसायांचे समूळ उच्चाटन करावे, अशी जोरदार मागणी आता सर्व स्तरांतून केली जात आहे.

Shaikh irfan Shaikh isa

उमरखेड, यवतमाळ, महाराष्ट्र•

2 hrs ago

यवतमाळच्या महागाव तालुक्यात काही दिवसांपूर्वी अवैध देशी दारूविक्री, हातभट्ट्या, मटका आणि सट्ट्याविरुद्ध पोलीस प्रशासनाने धडक मोहीम राबवली होती, ज्यामुळे बेकायदेशीर धंदे करणाऱ्यांचे धाबे दणाणले होते. मात्र, ५ जुलै २०२६ नंतर पोलिसांच्या या कारवायांना अचानक ब्रेक लागल्याने तालुक्यातील अनेक गावांमध्ये हे अवैध धंदे पुन्हा बिनधास्तपणे सुरू झाल्याचा आरोप नागरिकांकडून केला जात आहे. दिवसाढवळ्या सुरू असणाऱ्या या बेकायदेशीर व्यवहारांमुळे सर्वसामान्य नागरिकांमध्ये तीव्र नाराजी पसरली आहे. पोलीस प्रशासनाच्या या भूमिकेमुळे आता तालुक्यात विविध प्रश्न उपस्थित केले जात आहेत. ही कारवाई नेमकी कोणाच्या दबावामुळे थांबली, की काही प्रभावशाली घटकांच्या अभयामुळे अवैध धंद्यांना मोकळे रान मिळाले आहे, अशी चर्चा रंगू लागली आहे. कायद्याचा धाक संपल्याची भावना निर्माण झाल्याने नागरिक आणि सामाजिक कार्यकर्त्यांमध्ये अस्वस्थता वाढली आहे. या अवैध धंद्यांमुळे सामाजिक वातावरण बिघडत असून तरुण पिढी व्यसनाच्या विळख्यात अडकत चालल्याची गंभीर चिंता सामाजिक कार्यकर्त्यांनी व्यक्त केली आहे. महागावात कायद्याचे राज्य राहावे आणि पोलिसांवरील विश्वास अबाधित राहावा, यासाठी तत्काळ विशेष धडक मोहीम राबवून या अवैध व्यवसायांचे समूळ उच्चाटन करावे, अशी जोरदार मागणी आता सर्व स्तरांतून केली जात आहे.