नांदेड (बिलोली): बिलोली तालुक्यातील सगरोळी येथील मांजरा नदी पात्रातून गेल्या अनेक दिवसांपासून मोठ्या प्रमाणात रेतीचा उपसा सुरू असल्याची माहिती समोर येत आहे. शासनाने दिलेल्या परवानगीच्या मर्यादेपेक्षा अधिक प्रमाणात रेती उपसा होत असून, दररोज रात्री-दिवस शेकडो हायवा व टिप्परच्या साहाय्याने तसेच पाच ते सहा मशीनद्वारे लाखो ब्रास रेती काढली जात असल्याची चर्चा परिसरात सुरू आहे. सगरोळी, गंजगाव आणि येसगी परिसरात मागील काही दिवसांपासून लाल रेतीचा मोठ्या प्रमाणावर उपसा सुरू असल्याचे नागरिक सांगत आहेत. शासनाने घालून दिलेल्या मर्यादा ओलांडून बेसुमारपणे रेती काढली जात असल्याचा आरोप होत असून ही रेती बिलोली, देगलूर, मुखेड, नायगाव, धर्माबाद, उमरी, भोकर या भागांसह तेलंगणा व कर्नाटक राज्यातही विक्रीसाठी पाठवली जात असल्याची चर्चा जनसामान्यात आहे. दरम्यान, रात्रंदिवस अवजड वाहनांची मोठ्या प्रमाणात ये-जा सुरू असल्याने परिसरातील नागरिकांमध्ये भीतीचे वातावरण निर्माण झाले आहे. या भागात मोठ्या प्रमाणात कामगार वर्ग वास्तव्यास असून अनेकजण रात्री उशिरापर्यंत या मार्गावरून ये-जा करतात. मात्र ओव्हरलोड रेती वाहतूक करणारे हायवा चालक वेगाने वाहने चालवत असल्याने अपघाताचा धोका वाढला असून स्थानिक वाहनचालकांना त्रास सहन करावा लागत असल्याचे नागरिकांचे म्हणणे आहे. याबाबत काही नागरिकांनी संबंधित तहसीलदार व प्रशासनाला अवैध रेती उपशाची माहिती दिल्याचे सांगितले जात असले तरी अद्याप कोणतीही ठोस कारवाई झालेली दिसत नाही, अशी नाराजी व्यक्त होत आहे. त्यामुळे शासनाच्या कोट्यवधी रुपयांच्या महसुलाचे नुकसान होत असल्याची चर्चा असून स्थानिक प्रशासनाच्या भूमिकेबाबत प्रश्नचिन्ह उपस्थित केले जात आहे. या प्रकरणाची दखल घेऊन जिल्हाधिकारी, विभागीय आयुक्त तसेच संबंधित वरिष्ठ अधिकाऱ्यांनी तातडीने चौकशी करून कारवाई करावी, अशी मागणी नागरिकांकडून होत आहे. तसेच मतदारसंघातील लोकप्रतिनिधींनीही या विषयाकडे लक्ष देऊन अधिवेशनात प्रश्न उपस्थित करावा व अवैध रेती माफियांवर कारवाई करावी, अशी अपेक्षा व्यक्त केली जात आहे."ताज्या स्थानिक अपडेटसाठी Follow करा आणि Share करायला विसरू नका! #NandedNews #NaygaonKunturUmri #BreakingNanded" #Nanded #NandedNews #MarathwadaNews #NandedUpdates #LocalNews

Nanded_7

Nanded, Maharashtra•

5 hrs ago

नांदेड (बिलोली): बिलोली तालुक्यातील सगरोळी येथील मांजरा नदी पात्रातून गेल्या अनेक दिवसांपासून मोठ्या प्रमाणात रेतीचा उपसा सुरू असल्याची माहिती समोर येत आहे. शासनाने दिलेल्या परवानगीच्या मर्यादेपेक्षा अधिक प्रमाणात रेती उपसा होत असून, दररोज रात्री-दिवस शेकडो हायवा व टिप्परच्या साहाय्याने तसेच पाच ते सहा मशीनद्वारे लाखो ब्रास रेती काढली जात असल्याची चर्चा परिसरात सुरू आहे. सगरोळी, गंजगाव आणि येसगी परिसरात मागील काही दिवसांपासून लाल रेतीचा मोठ्या प्रमाणावर उपसा सुरू असल्याचे नागरिक सांगत आहेत. शासनाने घालून दिलेल्या मर्यादा ओलांडून बेसुमारपणे रेती काढली जात असल्याचा आरोप होत असून ही रेती बिलोली, देगलूर, मुखेड, नायगाव, धर्माबाद, उमरी, भोकर या भागांसह तेलंगणा व कर्नाटक राज्यातही विक्रीसाठी पाठवली जात असल्याची चर्चा जनसामान्यात आहे. दरम्यान, रात्रंदिवस अवजड वाहनांची मोठ्या प्रमाणात ये-जा सुरू असल्याने परिसरातील नागरिकांमध्ये भीतीचे वातावरण निर्माण झाले आहे. या भागात मोठ्या प्रमाणात कामगार वर्ग वास्तव्यास असून अनेकजण रात्री उशिरापर्यंत या मार्गावरून ये-जा करतात. मात्र ओव्हरलोड रेती वाहतूक करणारे हायवा चालक वेगाने वाहने चालवत असल्याने अपघाताचा धोका वाढला असून स्थानिक वाहनचालकांना त्रास सहन करावा लागत असल्याचे नागरिकांचे म्हणणे आहे. याबाबत काही नागरिकांनी संबंधित तहसीलदार व प्रशासनाला अवैध रेती उपशाची माहिती दिल्याचे सांगितले जात असले तरी अद्याप कोणतीही ठोस कारवाई झालेली दिसत नाही, अशी नाराजी व्यक्त होत आहे. त्यामुळे शासनाच्या कोट्यवधी रुपयांच्या महसुलाचे नुकसान होत असल्याची चर्चा असून स्थानिक प्रशासनाच्या भूमिकेबाबत प्रश्नचिन्ह उपस्थित केले जात आहे. या प्रकरणाची दखल घेऊन जिल्हाधिकारी, विभागीय आयुक्त तसेच संबंधित वरिष्ठ अधिकाऱ्यांनी तातडीने चौकशी करून कारवाई करावी, अशी मागणी नागरिकांकडून होत आहे. तसेच मतदारसंघातील लोकप्रतिनिधींनीही या विषयाकडे लक्ष देऊन अधिवेशनात प्रश्न उपस्थित करावा व अवैध रेती माफियांवर कारवाई करावी, अशी अपेक्षा व्यक्त केली जात आहे."ताज्या स्थानिक अपडेटसाठी Follow करा आणि Share करायला विसरू नका! #NandedNews #NaygaonKunturUmri #BreakingNanded" #Nanded #NandedNews #MarathwadaNews #NandedUpdates #LocalNews