काश्मीरमध्ये भीषण अपघात; बस दरीत कोसळून १५ ठार, अनेक जखमी काश्मीरमध्ये भीषण अपघात; बस दरीत कोसळून १५ ठार, अनेक जखमी; बघा भयानक फोटो उधमपूर जिल्ह्यात सोमवारी (दि. २० एप्रिल २०२६) सकाळी प्रवाशांनी भरलेली बस खोल दरीत कोसळून भीषण अपघात झाला. या दुर्घटनेत किमान १५ जणांचा जागीच मृत्यू झाला असून २० हून अधिक प्रवासी गंभीर जखमी झाले आहेत. मृतांचा आकडा वाढण्याची भीती व्यक्त करण्यात येत आहे. मिळालेल्या माहितीनुसार, ही बस रामनगर येथून उधमपूरकडे जात होती. सकाळी सुमारे १० वाजण्याच्या सुमारास रामनगर-उधमपूर मार्गावरील कागोर्ट गावाजवळील तीव्र वळणावर चालकाचे वाहनावरील नियंत्रण सुटले. त्यानंतर बस थेट खोल दरीत कोसळली. दगडांवर आदळल्यामुळे बसचा अक्षरशः चुराडा झाला. अपघाताची माहिती मिळताच स्थानिक नागरिक, पोलीस व लष्कराचे पथक तातडीने घटनास्थळी दाखल झाले. बचावकार्य युद्धपातळीवर सुरू असून जखमींना जवळच्या रुग्णालयात उपचारासाठी हलवण्यात आले आहे. काही गंभीर जखमींना एअरलिफ्ट करण्याची व्यवस्था करण्यात येत आहे. केंद्रीय मंत्री डॉ. जितेंद्र सिंह यांनी जिल्हाधिकारी व प्रशासनाशी संपर्क साधून परिस्थितीचा आढावा घेतला असून सर्वतोपरी मदत करण्याचे आश्वासन दिले आहे. दरम्यान, या भीषण दुर्घटनेमुळे परिसरात शोककळा पसरली असून प्रशासनाकडून अपघाताच्या नेमक्या कारणांचा सखोल तपास सुरू करण्यात आला आहे.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

काश्मीरमध्ये भीषण अपघात; बस दरीत कोसळून १५ ठार, अनेक जखमी काश्मीरमध्ये भीषण अपघात; बस दरीत कोसळून १५ ठार, अनेक जखमी; बघा भयानक फोटो उधमपूर जिल्ह्यात सोमवारी (दि. २० एप्रिल २०२६) सकाळी प्रवाशांनी भरलेली बस खोल दरीत कोसळून भीषण अपघात झाला. या दुर्घटनेत किमान १५ जणांचा जागीच मृत्यू झाला असून २० हून अधिक प्रवासी गंभीर जखमी झाले आहेत. मृतांचा आकडा वाढण्याची भीती व्यक्त करण्यात येत आहे. मिळालेल्या माहितीनुसार, ही बस रामनगर येथून उधमपूरकडे जात होती. सकाळी सुमारे १० वाजण्याच्या सुमारास रामनगर-उधमपूर मार्गावरील कागोर्ट गावाजवळील तीव्र वळणावर चालकाचे वाहनावरील नियंत्रण सुटले. त्यानंतर बस थेट खोल दरीत कोसळली. दगडांवर आदळल्यामुळे बसचा अक्षरशः चुराडा झाला. अपघाताची माहिती मिळताच स्थानिक नागरिक, पोलीस व लष्कराचे पथक तातडीने घटनास्थळी दाखल झाले. बचावकार्य युद्धपातळीवर सुरू असून जखमींना जवळच्या रुग्णालयात उपचारासाठी हलवण्यात आले आहे. काही गंभीर जखमींना एअरलिफ्ट करण्याची व्यवस्था करण्यात येत आहे. केंद्रीय मंत्री डॉ. जितेंद्र सिंह यांनी जिल्हाधिकारी व प्रशासनाशी संपर्क साधून परिस्थितीचा आढावा घेतला असून सर्वतोपरी मदत करण्याचे आश्वासन दिले आहे. दरम्यान, या भीषण दुर्घटनेमुळे परिसरात शोककळा पसरली असून प्रशासनाकडून अपघाताच्या नेमक्या कारणांचा सखोल तपास सुरू करण्यात आला आहे.