চৰাইদেউ জিলাৰ মাইবেলাস্থিত লাকুৱা তাপ বিদ্যুৎ কেন্দ্ৰত বুধবাৰে প্ৰায় অৰ্ধ শতাধিক অস্থায়ী ঠিকা ভিত্তিক শ্ৰমিকে নিজৰ প্ৰাপ্য আদায়ৰ দাবীত আমৰণ অনশন কাৰ্যসূচী ৰূপায়ণ কৰিছে। পুৱা ৯ বজাৰ পৰা তাপ বিদ্যুৎ কেন্দ্ৰটোৰ মহাপ্ৰবন্ধকৰ কাৰ্যালয়ৰ সন্মুখত বিভিন্ন দাবী সম্বলিত বেনাৰ আৰু প্লেকাৰ্ড লৈ এই প্ৰতিবাদী কাৰ্যসূচী চলাইছে শ্ৰমিকসকলে। তেওঁলোকৰ মূল দাবীবোৰৰ ভিতৰত আছে প্ৰাপ্য বেতন আদায়, মজুৰি বৃদ্ধি আৰু ঠিকা শ্ৰমিকসকলৰ বাবে সু-ব্যৱস্থা গ্ৰহণ। আসাম ষ্টেট আউটচ’চ পাৱাৰ ৱকাছ ইউনিয়নৰ লাকুৱা শাখা সমিতিয়ে এই দাবীসমূহ পূৰণৰ বাবে দীৰ্ঘদিন ধৰি বিভিন্ন সময়ত প্ৰতিবাদী কাৰ্যসূচী ৰূপায়ণ কৰি আহিছিল। পূৰ্বতে ২০২৪ চনৰ ১৬ ছেপ্টেম্বৰত এনেকুৱা অনিৰ্দিষ্টকালীন আমৰণ অনশন কাৰ্যসূচী ঘোষণা কৰা হৈছিল, যিটো লাকুৱা তাপ বিদ্যুৎ কেন্দ্ৰৰ মহাপ্ৰবন্ধকৰ হস্তক্ষেপত বৰ্ডৰ উৰ্দ্ধতম কৰ্তৃপক্ষৰ সৈতে আলোচনাৰ পিছত সাময়িকভাবে স্থগিত ৰখা হৈছিল। কিন্তু অতি পৰিতাপৰ বিষয় যে আলোচনাৰ এক বছৰ ন-মাহ উকলি যোৱাৰ পিছতো এতিয়ালৈকে বৰ্ডৰ উৰ্দ্ধতম কৰ্তৃপক্ষই কোনো ব্যৱস্থা গ্ৰহণ নকৰিলে, যাৰ ফলত শ্ৰমিকসকল ক্ষোভিত হৈ পুনৰ প্ৰতিবাদ কৰিবলৈ বাধ্য হৈছে। আজিৰ এই প্ৰতিবাদী কাৰ্যসূচীৰ ফলত কেন্দ্ৰটোত কাম-কাজ অচল হৈ পৰিছে। শ্ৰমিকসকলে সংবাদ মাধ্যমৰ জৰিয়তে সকীয়াই দিছে যে যদিহে বিভাগীয় কৰ্তৃপক্ষই অনাগত দিনত কোনো ব্যৱস্থা গ্ৰহণ নকৰে, তেন্তে তেওঁলোকে অনিৰ্দিষ্ট কাললৈ অনশন কাৰ্যসূচী অব্যাহত ৰাখিব।

Sonari News

সোণাৰি, চৰাইদেউ, অসম•

8 hrs ago

চৰাইদেউ জিলাৰ মাইবেলাস্থিত লাকুৱা তাপ বিদ্যুৎ কেন্দ্ৰত বুধবাৰে প্ৰায় অৰ্ধ শতাধিক অস্থায়ী ঠিকা ভিত্তিক শ্ৰমিকে নিজৰ প্ৰাপ্য আদায়ৰ দাবীত আমৰণ অনশন কাৰ্যসূচী ৰূপায়ণ কৰিছে। পুৱা ৯ বজাৰ পৰা তাপ বিদ্যুৎ কেন্দ্ৰটোৰ মহাপ্ৰবন্ধকৰ কাৰ্যালয়ৰ সন্মুখত বিভিন্ন দাবী সম্বলিত বেনাৰ আৰু প্লেকাৰ্ড লৈ এই প্ৰতিবাদী কাৰ্যসূচী চলাইছে শ্ৰমিকসকলে। তেওঁলোকৰ মূল দাবীবোৰৰ ভিতৰত আছে প্ৰাপ্য বেতন আদায়, মজুৰি বৃদ্ধি আৰু ঠিকা শ্ৰমিকসকলৰ

বাবে সু-ব্যৱস্থা গ্ৰহণ। আসাম ষ্টেট আউটচ’চ পাৱাৰ ৱকাছ ইউনিয়নৰ লাকুৱা শাখা সমিতিয়ে এই দাবীসমূহ পূৰণৰ বাবে দীৰ্ঘদিন ধৰি বিভিন্ন সময়ত প্ৰতিবাদী কাৰ্যসূচী ৰূপায়ণ কৰি আহিছিল। পূৰ্বতে ২০২৪ চনৰ ১৬ ছেপ্টেম্বৰত এনেকুৱা অনিৰ্দিষ্টকালীন আমৰণ অনশন কাৰ্যসূচী ঘোষণা কৰা হৈছিল, যিটো লাকুৱা তাপ বিদ্যুৎ কেন্দ্ৰৰ মহাপ্ৰবন্ধকৰ হস্তক্ষেপত বৰ্ডৰ উৰ্দ্ধতম কৰ্তৃপক্ষৰ সৈতে আলোচনাৰ পিছত সাময়িকভাবে স্থগিত ৰখা হৈছিল। কিন্তু অতি পৰিতাপৰ বিষয় যে

আলোচনাৰ এক বছৰ ন-মাহ উকলি যোৱাৰ পিছতো এতিয়ালৈকে বৰ্ডৰ উৰ্দ্ধতম কৰ্তৃপক্ষই কোনো ব্যৱস্থা গ্ৰহণ নকৰিলে, যাৰ ফলত শ্ৰমিকসকল ক্ষোভিত হৈ পুনৰ প্ৰতিবাদ কৰিবলৈ বাধ্য হৈছে। আজিৰ এই প্ৰতিবাদী কাৰ্যসূচীৰ ফলত কেন্দ্ৰটোত কাম-কাজ অচল হৈ পৰিছে। শ্ৰমিকসকলে সংবাদ মাধ্যমৰ জৰিয়তে সকীয়াই দিছে যে যদিহে বিভাগীয় কৰ্তৃপক্ষই অনাগত দিনত কোনো ব্যৱস্থা গ্ৰহণ নকৰে, তেন্তে তেওঁলোকে অনিৰ্দিষ্ট কাললৈ অনশন কাৰ্যসূচী অব্যাহত ৰাখিব।