नेर शहरात पुन्हा चोरट्यांचा धुमाकूळ जमील कॉलनीत दोन घरफोड्या; पावणे चार लाखांचा मुद्देमाल लंपास शहरातील वळीसाव दर्याजवळील वळीसाव नगर परिसरातील जमील कॉलनीमध्ये अज्ञात चोरट्यांनी मध्यरात्री धाडसी घरफोडी करत दोन घरांतून तब्बल ३ लाख ७४ हजार ५०० रुपयांचा मुद्देमाल लंपास केल्याची घटना उघडकीस आली आहे. या घटनेमुळे परिसरात भीतीचे वातावरण निर्माण झाले असून नेर शहरात पुन्हा चोरट्यांनी डोके वर काढल्याची चर्चा सुरू झाली आहे. मिळालेल्या माहितीनुसार, हमीद खान अयुब खान (वय ४७) यांच्या घरात चोरट्यांनी जिन्यावरून प्रवेश करून कपाट फोडले. यात दहा ग्रॅम सोन्याचा हार, ४.५ ग्रॅम सोन्याची कर्णफुले, ३.५ ग्रॅम सोन्याची अंगठी, दहा ग्रॅम चांदीचे पैंजण तसेच रोख रक्कम असा एकूण १ लाख ४० हजार रुपयांचा ऐवज चोरून नेण्यात आला. यानंतर चोरट्यांनी शेजारी राहणारे शेख मुस्ताक यांच्या घराकडे मोर्चा वळवला. तेथेही जिन्यावरून घरात प्रवेश करून कपाट फोडण्यात आले. या घरातून दोन ग्रॅम सोन्याच्या बाळ्या व ३३ हजार रुपयांची रोख रक्कम असा मोठा मुद्देमाल लंपास करण्यात आला. दोन्ही चोरीच्या घटनांमुळे परिसरात एकच खळबळ उडाली असून नागरिकांमध्ये असुरक्षिततेची भावना निर्माण झाली आहे. घटनेची माहिती मिळताच उपविभागीय पोलीस अधिकारी डॉ. सिद्धेश्वर भोरे, नेर पोलीस स्टेशनचे ठाणेदार अनिल बेहराणी, सहाय्यक पोलीस निरीक्षक दामोदर वाघमारे यांनी घटनास्थळी भेट देऊन पाहणी केली. पोलीस कर्मचारी प्रकाश आडे, नितेश राठोड, आरिफ शेख हे पुढील तपास करीत आहेत.

Nilesh Wanjari

नेर, यवतमाळ, महाराष्ट्र•

4 hrs ago

नेर शहरात पुन्हा चोरट्यांचा धुमाकूळ जमील कॉलनीत दोन घरफोड्या; पावणे चार लाखांचा मुद्देमाल लंपास शहरातील वळीसाव दर्याजवळील वळीसाव नगर परिसरातील जमील कॉलनीमध्ये अज्ञात चोरट्यांनी मध्यरात्री धाडसी घरफोडी करत दोन घरांतून तब्बल ३ लाख ७४ हजार ५०० रुपयांचा मुद्देमाल लंपास केल्याची घटना उघडकीस आली आहे. या घटनेमुळे परिसरात भीतीचे वातावरण निर्माण झाले असून नेर शहरात पुन्हा चोरट्यांनी डोके वर काढल्याची चर्चा सुरू झाली आहे. मिळालेल्या माहितीनुसार, हमीद खान अयुब खान (वय ४७) यांच्या घरात चोरट्यांनी जिन्यावरून प्रवेश करून कपाट फोडले. यात दहा ग्रॅम सोन्याचा हार, ४.५ ग्रॅम सोन्याची कर्णफुले, ३.५ ग्रॅम सोन्याची अंगठी, दहा ग्रॅम चांदीचे पैंजण तसेच रोख रक्कम असा एकूण १ लाख ४० हजार रुपयांचा ऐवज चोरून नेण्यात आला. यानंतर चोरट्यांनी शेजारी राहणारे शेख मुस्ताक यांच्या घराकडे मोर्चा वळवला. तेथेही जिन्यावरून घरात प्रवेश करून कपाट फोडण्यात आले. या घरातून दोन ग्रॅम सोन्याच्या बाळ्या व ३३ हजार रुपयांची रोख रक्कम असा मोठा मुद्देमाल लंपास करण्यात आला. दोन्ही चोरीच्या घटनांमुळे परिसरात एकच खळबळ उडाली असून नागरिकांमध्ये असुरक्षिततेची भावना निर्माण झाली आहे. घटनेची माहिती मिळताच उपविभागीय पोलीस अधिकारी डॉ. सिद्धेश्वर भोरे, नेर पोलीस स्टेशनचे ठाणेदार अनिल बेहराणी, सहाय्यक पोलीस निरीक्षक दामोदर वाघमारे यांनी घटनास्थळी भेट देऊन पाहणी केली. पोलीस कर्मचारी प्रकाश आडे, नितेश राठोड, आरिफ शेख हे पुढील तपास करीत आहेत.