यवतमाळ जिल्ह्यातील उमरखेड तालुक्यात सिंधगि, चालगनीसह अनेक गावांमध्ये ट्रेझर बोटी वापरून रेतीचा अवैध उपसा सर्रास सुरू आहे. या गंभीर प्रकारावर महसूल प्रशासन गप्प असल्याने प्रशासनाच्या भूमिकेवर प्रश्नचिन्ह निर्माण झाले आहे. नागरिकांनी कलेक्टर साहेबांनी यात लक्ष घालण्याची मागणी केली आहे.

Post by Nandkumar Motiram Totewad

राष्ट्रवादी काँग्रेस पक्षाच्या २७ व्या वर्धापन दिनानिमित्त कळमनुरी तालुक्यातील आखाडा बाळापूर येथे ११ जून रोजी वृक्षारोपण कार्यक्रम आयोजित करण्यात आला होता. या कार्यक्रमांतर्गत पोलीस ठाण्यात वृक्षारोपण करण्यात आले, तसेच आठवडी बाजारामध्ये लावलेल्या झाडांना टँकरद्वारे पाणी पुरवण्यात आले. या प्रसंगी राष्ट्रवादी काँग्रेस पक्षाचे सरचिटणीस बाबुराव वानखेडे, पत्रकार विनायक हेंद्रे, पर्यावरण मित्र मधुकर चेटप, राष्ट्रवादी युवक जिल्हा उपाध्यक्ष बालाजी जाधव, सुभाष ठमके, शहराध्यक्ष श्याम खाडे, युवक शहराध्यक्ष शेख मोहम्मद, आखाडा बाळापूर सर्कल प्रमुख शेख अकबर, युवक उपाध्यक्ष राजू पाटेकर, दत्ता तोडके, खंडू तोडके, युवक तालुका उपाध्यक्ष शेख रफिक, अल्पसंख्यांक तालुकाध्यक्ष शेख नजीर यांच्यासह राष्ट्रवादी काँग्रेस पक्षाचे पदाधिकारी आणि कार्यकर्ते मोठ्या संख्येने उपस्थित होते.

लोक स्वराज्य आंदोलनाने एस सी आरक्षण वर्गीकरण तात्काळ लागू करण्याच्या मागणीसाठी रस्त्यावर 'लॉन्ग मार्च' काढला आहे. या 'लॉन्ग मार्च'मध्ये हजारो संख्येने नागरिकांनी आपली उपस्थिती दर्शवत ही मागणी तातडीने पूर्ण करण्याची मागणी केली.

यवतमाळ जिल्ह्यातील घाटंजी तालुक्यात येणाऱ्या मानोली, घोटी आणि खडका या गावांमधून जाणाऱ्या जिल्हा महामार्गाच्या रस्त्याचे काम रखडलेल्या अवस्थेत आहे. या रस्त्यावर जागोजागी मोठे खड्डे पडले असून, त्यामुळे सातत्याने अपघाताच्या घटना घडत आहेत. रस्त्याच्या या दुरवस्थेमुळे आणि रखडलेल्या कामामुळे संतप्त झालेल्या वंचित बहुजन आघाडीने आता रस्त्यावर उतरून आंदोलन पुकारले आहे. त्यांनी सार्वजनिक बांधकाम विभागाला निवेदन देत, या रखडलेल्या रस्त्याची कामे तात्काळ पूर्ण करण्याची मागणी केली आहे. घाटंजी तालुक्यातील जिल्हा महामार्गाच्या रस्त्याची झालेली ही दुर्दशा लक्षात घेता, वंचित बहुजन आघाडीने या मुद्द्यावर आक्रमक भूमिका घेतली आहे.

नांदेड जिल्ह्यातील सोनखेड येथील पेट्रोल पंपावर किरकोळ कारणावरून झालेल्या वादातून साजिद अली या तरुणाची हत्या करण्यात आली आहे. या घटनेचे सीसीटीव्ही फुटेज आता समोर आले आहे. हे फुटेज व्हायरल झाल्यानंतर पिरबुऱ्हाण नगर परिसरात संतापाची तीव्र लाट उसळली आहे. या घटनेचा निषेध करण्यासाठी स्थानिक नागरिकांनी बंद पाळला. परिस्थिती अधिक चिघळू नये यासाठी पोलिसांनी परिसरात अतिरिक्त बंदोबस्त तैनात केला असून, घटनेचा पुढील तपास पोलिसांकडून सुरू आहे.

मोफत वाळू उपलब्ध होत नसल्याने घरकुलांचे स्वप्न वाळूतच अडकले असल्याची तीव्र खंत व्यक्त करण्यात आली आहे. घरकुल योजनेच्या लाभार्थ्यांनी मोफत वाळूच्या मागणीसाठी थेट जिल्हाधिकाऱ्यांकडे एल्गार पुकारला आहे.

न्यूज मराठी 24×7 लाईव्ह टीव्हीवर परभणी जिल्ह्याच्या महत्त्वपूर्ण घडामोडी संक्षिप्त स्वरूपात पाहण्याची संधी उपलब्ध आहे. या माध्यमातून प्रेक्षकांना जिल्ह्यातील ताज्या घडामोडींची माहिती त्वरित मिळू शकेल.

Post by Nandkumar Motiram Totewad