ಕರ್ನಾಟಕ ರಕ್ಷಣಾ ವೇದಿಕೆ (ಕರವೇ) ಗುಳೇದಗುಡ್ಡದಲ್ಲಿ ಟಾಟಾ ಸಂಸ್ಥೆಯ ವಿದ್ಯುತ್ ವಿತರಣಾ ಕೇಂದ್ರದ ಖಾಸಗೀಕರಣಕ್ಕೆ ವಿರೋಧ ವ್ಯಕ್ತಪಡಿಸಿದೆ. ಸೋಮವಾರ, ಕರವೇ ಕಾರ್ಯಕರ್ತರು ಪಟ್ಟಣದ ಹೆಸ್ಕಾಂ ಅಧಿಕಾರಿ ಮಹಾಂತೇಶ ಬಾದವಾಡಗಿ ಅವರಿಗೆ ಮನವಿ ಸಲ್ಲಿಸಿ, ಖಾಸಗೀಕರಣದ ಪರವಾನಗಿಯನ್ನು ರದ್ದುಗೊಳಿಸಿ ವಿದ್ಯುತ್ ವಿತರಣೆಯನ್ನು ಸರ್ಕಾರದ ಸ್ವಾಮ್ಯದಲ್ಲಿಯೇ ಮುಂದುವರಿಸುವಂತೆ ಆಗ್ರಹಿಸಿದರು. ಕರವೇ ತಾಲೂಕು ಅಧ್ಯಕ್ಷ ರವಿ ಅಂಗಡಿ ಈ ಸಂದರ್ಭದಲ್ಲಿ ಮಾತನಾಡಿ, ಟಾಟಾ ಸಂಸ್ಥೆಯು ವಿದ್ಯುತ್ ನಿಯಂತ್ರಣ ಆಯೋಗಕ್ಕೆ ವಿತರಣಾ ಕೇಂದ್ರದ ಖಾಸಗೀಕರಣಕ್ಕೆ ಅರ್ಜಿ ಸಲ್ಲಿಸಿದೆ ಎಂದು ತಿಳಿಸಿದರು. ಅವರು, ಸರ್ಕಾರವು ಗ್ರಾಹಕರ, ರೈತರ ಮತ್ತು ನೇಕಾರರ ಹಿತದೃಷ್ಟಿಯಿಂದ ಖಾಸಗೀಕರಣ ನಿರ್ಧಾರವನ್ನು ಕೈಬಿಟ್ಟು ಮೊದಲಿನಂತೆ ವಿದ್ಯುತ್ ವಿತರಣೆಯನ್ನು ಸರ್ಕಾರದ ಸ್ವಾಮ್ಯದಲ್ಲಿ ಮುಂದುವರಿಸಬೇಕು ಎಂದು ಒತ್ತಾಯಿಸಿದರು. ಖಾಸಗಿ ಕಂಪನಿಗಳು ಲಾಭದ ಉದ್ದೇಶದಿಂದ ಕಾರ್ಯನಿರ್ವಹಿಸುವುದರಿಂದ, ವಿದ್ಯುತ್ ಬೆಲೆ ಮತ್ತು ಸೇವಾದರದಲ್ಲಿ ಏರಿಕೆಯಾಗಿ ಸಾಮಾನ್ಯ ಜನರಿಗೆ ಹಾಗೂ ಬಡವರಿಗೆ ತೊಂದರೆಯಾಗುತ್ತದೆ ಎಂದು ಅಂಗಡಿ ಎಚ್ಚರಿಸಿದರು. ಅಲ್ಲದೆ, ನೇಕಾರರ ಪಾವರ್ ಲೂಮ್ ಮಗ್ಗಗಳಿಗೆ ಮತ್ತು ರೈತರ ನೀರಾವರಿ ಯೋಜನೆಗಳಿಗೆ ಸರ್ಕಾರ ನೀಡುತ್ತಿರುವ ಉಚಿತ ವಿದ್ಯುತ್ ಹಾಗೂ ರಿಯಾಯಿತಿ ವಿದ್ಯುತ್ ನಿಂತುಹೋಗಿ, ನೇಕಾರರು ಮತ್ತು ರೈತರು ಸಂಕಷ್ಟಕ್ಕೆ ಸಿಲುಕಬೇಕಾಗುತ್ತದೆ ಎಂದು ಆತಂಕ ವ್ಯಕ್ತಪಡಿಸಿದರು. ಸರ್ಕಾರವು ವಿದ್ಯುತ್ ಪ್ರಸರಣವನ್ನು ಖಾಸಗಿಯವರಿಗೆ ನೀಡುವ ನಿರ್ಣಯವನ್ನು ಕೈಬಿಡದಿದ್ದರೆ, ಕರ್ನಾಟಕ ರಕ್ಷಣಾ ವೇದಿಕೆಯಿಂದ ಉಗ್ರ ಪ್ರತಿಭಟನೆ ಮಾಡುವುದು ಅನಿವಾರ್ಯವಾಗುತ್ತದೆ ಎಂದು ಕರವೇ ಎಚ್ಚರಿಸಿದೆ. ಈ ಸಂದರ್ಭದಲ್ಲಿ ಡಾ.ವಿ.ಎ. ಬೆನಕನಾಳ, ಶ್ರೀಕಾಂತ ಹುನಗಂದ, ರಫೀಕ್ ಕಮಾನಗಾರ, ಶೇಖಣ್ಣ ತಾಂಡೂರ, ಸೋಮಶೇಖರ ಕಲ್ಬುರ್ಗಿ, ಪ್ರವೀಣ ದೇವಗಿರಕರ, ಸೋಮಶೇಖರ ಜವಳಗಿ, ಹೆಸ್ಕಾಂ ಎಸ್.ಓ. ಶ್ರೀಧರ ಮಾಲಗಿತ್ತಿ, ಮಹಿಬೂಬ ಕಂಟ್ರಾಕ್ಟರ್, ಭದ್ರು ಪರಗಿ, ಮುನ್ನಾ ಕೊಣ್ಣೂರ, ಮುತ್ತು ಮಿಟ್ಟಲಕೋಡ, ಆಯಿಷಾ ಸೂಳಿಭಾವಿ, ಕಿರಣ ರಾಠೋಡ, ಸಂಗು ಬೂಥನಾಳ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.

ಹುಚ್ಚೇಶ ಮಲ್ಲಪ್ಪ ಯಂಡಿಗೇರಿ

ಗೂಳೇದಗುಡ್ಡ, ಬಾಗಲಕೋಟೆ, ಕರ್ನಾಟಕ•

17 hrs ago

ಕರ್ನಾಟಕ ರಕ್ಷಣಾ ವೇದಿಕೆ (ಕರವೇ) ಗುಳೇದಗುಡ್ಡದಲ್ಲಿ ಟಾಟಾ ಸಂಸ್ಥೆಯ ವಿದ್ಯುತ್ ವಿತರಣಾ ಕೇಂದ್ರದ ಖಾಸಗೀಕರಣಕ್ಕೆ ವಿರೋಧ ವ್ಯಕ್ತಪಡಿಸಿದೆ. ಸೋಮವಾರ, ಕರವೇ ಕಾರ್ಯಕರ್ತರು ಪಟ್ಟಣದ ಹೆಸ್ಕಾಂ ಅಧಿಕಾರಿ ಮಹಾಂತೇಶ ಬಾದವಾಡಗಿ ಅವರಿಗೆ ಮನವಿ ಸಲ್ಲಿಸಿ, ಖಾಸಗೀಕರಣದ ಪರವಾನಗಿಯನ್ನು ರದ್ದುಗೊಳಿಸಿ ವಿದ್ಯುತ್ ವಿತರಣೆಯನ್ನು ಸರ್ಕಾರದ ಸ್ವಾಮ್ಯದಲ್ಲಿಯೇ ಮುಂದುವರಿಸುವಂತೆ ಆಗ್ರಹಿಸಿದರು. ಕರವೇ ತಾಲೂಕು ಅಧ್ಯಕ್ಷ ರವಿ ಅಂಗಡಿ ಈ ಸಂದರ್ಭದಲ್ಲಿ ಮಾತನಾಡಿ, ಟಾಟಾ ಸಂಸ್ಥೆಯು ವಿದ್ಯುತ್ ನಿಯಂತ್ರಣ ಆಯೋಗಕ್ಕೆ ವಿತರಣಾ ಕೇಂದ್ರದ ಖಾಸಗೀಕರಣಕ್ಕೆ ಅರ್ಜಿ ಸಲ್ಲಿಸಿದೆ ಎಂದು ತಿಳಿಸಿದರು. ಅವರು, ಸರ್ಕಾರವು ಗ್ರಾಹಕರ, ರೈತರ ಮತ್ತು ನೇಕಾರರ ಹಿತದೃಷ್ಟಿಯಿಂದ ಖಾಸಗೀಕರಣ ನಿರ್ಧಾರವನ್ನು ಕೈಬಿಟ್ಟು ಮೊದಲಿನಂತೆ ವಿದ್ಯುತ್ ವಿತರಣೆಯನ್ನು ಸರ್ಕಾರದ ಸ್ವಾಮ್ಯದಲ್ಲಿ ಮುಂದುವರಿಸಬೇಕು ಎಂದು ಒತ್ತಾಯಿಸಿದರು. ಖಾಸಗಿ ಕಂಪನಿಗಳು ಲಾಭದ ಉದ್ದೇಶದಿಂದ ಕಾರ್ಯನಿರ್ವಹಿಸುವುದರಿಂದ, ವಿದ್ಯುತ್ ಬೆಲೆ ಮತ್ತು ಸೇವಾದರದಲ್ಲಿ ಏರಿಕೆಯಾಗಿ ಸಾಮಾನ್ಯ ಜನರಿಗೆ ಹಾಗೂ

ಬಡವರಿಗೆ ತೊಂದರೆಯಾಗುತ್ತದೆ ಎಂದು ಅಂಗಡಿ ಎಚ್ಚರಿಸಿದರು. ಅಲ್ಲದೆ, ನೇಕಾರರ ಪಾವರ್ ಲೂಮ್ ಮಗ್ಗಗಳಿಗೆ ಮತ್ತು ರೈತರ ನೀರಾವರಿ ಯೋಜನೆಗಳಿಗೆ ಸರ್ಕಾರ ನೀಡುತ್ತಿರುವ ಉಚಿತ ವಿದ್ಯುತ್ ಹಾಗೂ ರಿಯಾಯಿತಿ ವಿದ್ಯುತ್ ನಿಂತುಹೋಗಿ, ನೇಕಾರರು ಮತ್ತು ರೈತರು ಸಂಕಷ್ಟಕ್ಕೆ ಸಿಲುಕಬೇಕಾಗುತ್ತದೆ ಎಂದು ಆತಂಕ ವ್ಯಕ್ತಪಡಿಸಿದರು. ಸರ್ಕಾರವು ವಿದ್ಯುತ್ ಪ್ರಸರಣವನ್ನು ಖಾಸಗಿಯವರಿಗೆ ನೀಡುವ ನಿರ್ಣಯವನ್ನು ಕೈಬಿಡದಿದ್ದರೆ, ಕರ್ನಾಟಕ ರಕ್ಷಣಾ ವೇದಿಕೆಯಿಂದ ಉಗ್ರ ಪ್ರತಿಭಟನೆ ಮಾಡುವುದು ಅನಿವಾರ್ಯವಾಗುತ್ತದೆ ಎಂದು ಕರವೇ ಎಚ್ಚರಿಸಿದೆ. ಈ ಸಂದರ್ಭದಲ್ಲಿ ಡಾ.ವಿ.ಎ. ಬೆನಕನಾಳ, ಶ್ರೀಕಾಂತ ಹುನಗಂದ, ರಫೀಕ್ ಕಮಾನಗಾರ, ಶೇಖಣ್ಣ ತಾಂಡೂರ, ಸೋಮಶೇಖರ ಕಲ್ಬುರ್ಗಿ, ಪ್ರವೀಣ ದೇವಗಿರಕರ, ಸೋಮಶೇಖರ ಜವಳಗಿ, ಹೆಸ್ಕಾಂ ಎಸ್.ಓ. ಶ್ರೀಧರ ಮಾಲಗಿತ್ತಿ, ಮಹಿಬೂಬ ಕಂಟ್ರಾಕ್ಟರ್, ಭದ್ರು ಪರಗಿ, ಮುನ್ನಾ ಕೊಣ್ಣೂರ, ಮುತ್ತು ಮಿಟ್ಟಲಕೋಡ, ಆಯಿಷಾ ಸೂಳಿಭಾವಿ, ಕಿರಣ ರಾಠೋಡ, ಸಂಗು ಬೂಥನಾಳ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.