નલિયામાં ચાલી રહેલા ફોર લેન રોડના કામમાં ભારે બેદરકારી જોવા મળી રહી છે, જેના કારણે અબડા દાદા સર્કલથી બસ સ્ટેશન સુધીનો રસ્તો હવે મોતનો માર્ગ બની ગયો છે. રસ્તાની વચ્ચે ખોદકામ, તૂટેલા પથ્થરો અને ડામરના ઢગલા પડ્યા છે, પરંતુ R&B ડિપાર્ટમેન્ટની સૌથી મોટી ભૂલ એ છે કે ત્યાં એક પણ સાઇનિંગ બોર્ડ, રિફ્લેક્ટર, બેરિકેડ કે લાઇટની વ્યવસ્થા નથી. ઇલેક્ટ્રિક થાંભલાઓને સાઇડ પર ખસેડી દેવાયા છે, પરંતુ રાત્રે તે કાળા પડછાયા જેવા લાગે છે, જેના કારણે સામેથી આવતી ફોરવ્હીલની તેજ લાઇટમાં ડ્રાઇવરને કંઈ દેખાતું નથી. આવા અંધકારમાં બાઇકચાલકો સીધા ખાડામાં ખાબકવાનો ભય રહે છે. થોડા દિવસો પહેલાં જ એક સ્વિફ્ટ કાર રોડ વચ્ચે ખોદાયેલા ખાડામાં ખાબકી હતી, જેમાં મોટી દુર્ઘટના માંડ ટળી હતી, પરંતુ સવાલ એ છે કે ભાગ્ય હંમેશાં મદદ કરતું નથી. કોન્ટ્રાકટર આવી બેદરકારી કેમ કરી રહ્યો છે તે એક મોટો પ્રશ્ન છે, અને સ્થાનિક જાગૃત નાગરિકો, ભાજપના મોટા નેતાઓ, તેમજ પત્રકારો જેઓ રોજ આ જ રસ્તેથી પસાર થાય છે, તેમને આ બેદરકારી દેખાતી નથી કે તેઓ બોલવા માંગતા નથી તેવો આક્રોશ વ્યક્ત કરાયો છે. તંત્રને વિનંતી કરવામાં આવી છે કે અકસ્માત થાય તેની રાહ જોવાને બદલે તાત્કાલિક સાઇન બોર્ડ, રિફ્લેક્ટર, બેરિકેડ અને લાઇટની વ્યવસ્થા કરવામાં આવે, કારણ કે માણસના જીવથી મોટું કોઈ કામ નથી.

Vagadiya chintan dilipbhai

બોટાદ, બોટાદ, ગુજરાત•

1 hr ago

નલિયામાં ચાલી રહેલા ફોર લેન રોડના કામમાં ભારે બેદરકારી જોવા મળી રહી છે, જેના કારણે અબડા દાદા સર્કલથી બસ સ્ટેશન સુધીનો રસ્તો હવે મોતનો માર્ગ બની ગયો છે. રસ્તાની વચ્ચે ખોદકામ, તૂટેલા પથ્થરો અને ડામરના ઢગલા પડ્યા છે, પરંતુ R&B ડિપાર્ટમેન્ટની સૌથી મોટી ભૂલ એ છે કે ત્યાં એક પણ સાઇનિંગ બોર્ડ, રિફ્લેક્ટર, બેરિકેડ કે લાઇટની વ્યવસ્થા નથી. ઇલેક્ટ્રિક થાંભલાઓને સાઇડ પર ખસેડી દેવાયા છે, પરંતુ રાત્રે તે કાળા પડછાયા જેવા લાગે છે, જેના કારણે સામેથી આવતી ફોરવ્હીલની તેજ લાઇટમાં ડ્રાઇવરને કંઈ દેખાતું નથી. આવા અંધકારમાં બાઇકચાલકો સીધા ખાડામાં ખાબકવાનો ભય રહે છે. થોડા દિવસો પહેલાં જ એક સ્વિફ્ટ કાર રોડ વચ્ચે ખોદાયેલા ખાડામાં ખાબકી હતી, જેમાં મોટી દુર્ઘટના માંડ ટળી હતી, પરંતુ સવાલ એ છે કે ભાગ્ય હંમેશાં મદદ કરતું નથી. કોન્ટ્રાકટર આવી બેદરકારી કેમ કરી રહ્યો છે તે એક મોટો પ્રશ્ન છે, અને સ્થાનિક જાગૃત નાગરિકો, ભાજપના મોટા નેતાઓ, તેમજ પત્રકારો જેઓ રોજ આ જ રસ્તેથી પસાર થાય છે, તેમને આ બેદરકારી દેખાતી નથી કે તેઓ બોલવા માંગતા નથી તેવો આક્રોશ વ્યક્ત કરાયો છે. તંત્રને વિનંતી કરવામાં આવી છે કે અકસ્માત થાય તેની રાહ જોવાને બદલે તાત્કાલિક સાઇન બોર્ડ, રિફ્લેક્ટર, બેરિકેડ અને લાઇટની વ્યવસ્થા કરવામાં આવે, કારણ કે માણસના જીવથી મોટું કોઈ કામ નથી.