लातूर येथील सहकार भवनास "स्व. अजितदादा पवार सहकार भवन, लातूर" असे नाव देण्यात यावे, अशी मागणी राष्ट्रवादी काँग्रेसचे प्रदेश संघटक सचिव तथा उदगीर येथील स्वर्गीय रामचंद्र पाटील तळेगावकर खरेदी विक्री संघाचे चेअरमन भरत चामले यांनी केली आहे. त्यांनी याबाबतचे निवेदन सार्वजनिक बांधकाम मंत्री तथा लातूर जिल्ह्याचे पालकमंत्री ना. शिवेंद्रसिंहराजे भोसले आणि सहकार मंत्री ना. बाबासाहेब पाटील यांच्याकडे सादर केले आहे. भरत चामले यांनी निवेदनात नमूद केले आहे की, लातूरचे सहकार भवन हे जिल्ह्यातील सहकार चळवळीचे महत्त्वाचे केंद्र आहे. सहकार क्षेत्राच्या विकासासाठी स्व. अजितदादा पवार यांनी केलेले कार्य, सहकारी संस्थांना दिलेले मार्गदर्शन आणि सहकार चळवळ बळकट करण्यासाठी दिलेले योगदान पाहता त्यांच्या कार्याचा गौरव होणे गरजेचे आहे. या नामकरणामुळे नव्या पिढीला अजितदादांच्या कार्याचा आदर्श डोळ्यासमोर ठेवून काम करण्याची प्रेरणा मिळेल आणि सहकार क्षेत्रात काम करताना एक नवी ऊर्जा मिळेल. या मागणीचा सकारात्मक विचार करून सरकारने आवश्यक तो शासन निर्णय घ्यावा, अशी विनंती त्यांनी केली आहे. हे निवेदन सादर करताना जिल्हा परिषदेचे उपाध्यक्ष दयानंद सुरवसे, माजी महापौर विक्रांत गोजमगुंडे आणि राष्ट्रवादी काँग्रेसचे प्रदेश सरचिटणीस बबन भोसले यांच्यासह इतर मान्यवर उपस्थित होते.

Laxman Ugile

उदगीर, लातूर, महाराष्ट्र•

5 hrs ago

लातूर येथील सहकार भवनास "स्व. अजितदादा पवार सहकार भवन, लातूर" असे नाव देण्यात यावे, अशी मागणी राष्ट्रवादी काँग्रेसचे प्रदेश संघटक सचिव तथा उदगीर येथील स्वर्गीय रामचंद्र पाटील तळेगावकर खरेदी विक्री संघाचे चेअरमन भरत चामले यांनी केली आहे. त्यांनी याबाबतचे निवेदन सार्वजनिक बांधकाम मंत्री तथा लातूर जिल्ह्याचे पालकमंत्री ना. शिवेंद्रसिंहराजे भोसले आणि सहकार मंत्री ना. बाबासाहेब पाटील यांच्याकडे सादर केले आहे. भरत चामले यांनी निवेदनात नमूद केले आहे की, लातूरचे सहकार भवन हे जिल्ह्यातील सहकार चळवळीचे महत्त्वाचे केंद्र आहे. सहकार क्षेत्राच्या विकासासाठी स्व. अजितदादा पवार यांनी केलेले कार्य, सहकारी संस्थांना दिलेले मार्गदर्शन आणि सहकार चळवळ बळकट करण्यासाठी दिलेले योगदान पाहता त्यांच्या कार्याचा गौरव होणे गरजेचे आहे. या नामकरणामुळे नव्या पिढीला अजितदादांच्या कार्याचा आदर्श डोळ्यासमोर ठेवून काम करण्याची प्रेरणा मिळेल आणि सहकार क्षेत्रात काम करताना एक नवी ऊर्जा मिळेल. या मागणीचा सकारात्मक विचार करून सरकारने आवश्यक तो शासन निर्णय घ्यावा, अशी विनंती त्यांनी केली आहे. हे निवेदन सादर करताना जिल्हा परिषदेचे उपाध्यक्ष दयानंद सुरवसे, माजी महापौर विक्रांत गोजमगुंडे आणि राष्ट्रवादी काँग्रेसचे प्रदेश सरचिटणीस बबन भोसले यांच्यासह इतर मान्यवर उपस्थित होते.