కౌతాళం మండల కేంద్రంలో రైతు సంఘం ఆధ్వర్యంలో నష్టదాయకమైన ఎరువుల యాప్‌ను వెంటనే రద్దు చేయాలని డిమాండ్ చేస్తూ తహసిల్దార్, వ్యవసాయ అధికారికి వినతిపత్రం సమర్పించారు. ఈ యాప్ వల్ల అనేక మంది రైతులకు తీవ్ర నష్టం కలుగుతోందని సంఘం ఆందోళన వ్యక్తం చేసింది. ఈ సందర్భంగా రైతు సంఘం జిల్లా ఉపాధ్యక్షులు కే. మల్లయ్య మాట్లాడుతూ, కేంద్ర ప్రభుత్వం అనువైన సమయం చూసి ఎరువుల ధరలను పెంచిందని ఆరోపించారు. రైతులు బాగుపడకూడదనే దురుద్దేశంతోనే ఎరువుల యాప్‌ను తీసుకొచ్చి, రైతులను దివాలా తీయించి, భూములను కార్పొరేట్ శక్తులకు అప్పగించాలని చూస్తోందని మల్లయ్య అన్నారు. ఎరువుల దుకాణదారులు యూరియా ఎరువులతో పాటు ఇతర ఎరువులను లింకు పెట్టి బలవంతంగా అంటగడుతున్నారని ఆయన పేర్కొన్నారు. మండలంలో చాలా మంది కౌలుకు భూములు సాగు చేస్తున్నారని, ఈ యాప్ వల్ల కౌలు రైతులకు ఎరువులు దొరకవని ఆయన ఆవేదన వ్యక్తం చేశారు. అలాగే, హంపి విరపాక్ష స్వామి దేవాలయం, రాఘవేంద్ర స్వామి దేవాలయం, మరియు గ్రామాల్లోని ఇతర దేవుళ్ల భూములను సాగు చేస్తున్న రైతులకు ఈ యాప్ ద్వారా ఎరువులు ఎలా అందిస్తారని మల్లయ్య వ్యవసాయ అధికారిని ప్రశ్నించారు. ఎరువుల యాప్‌ను రద్దు చేసి, పాత పద్ధతిలో ఎరువులను అందించాలని మల్లయ్య ప్రభుత్వాన్ని డిమాండ్ చేశారు. కౌలుకు భూములు చేస్తున్న రైతులకు, దేవాలయ భూములను సాగు చేస్తున్న వారికి, రీ-సర్వేలో పేర్లు తప్పిపోయిన రైతులందరికీ ఎరువులు అందజేయాలని రైతు సంఘం నాయకులు కోరారు. ఈ కార్యక్రమంలో రైతు సంఘం మండల కార్యదర్శి బి. ఈరన్నతో పాటు రైతు సంఘం నాయకులు సత్యప్ప, ఈరన్న, వెంకటేష్, చిన్న మారయ్య తదితరులు పాల్గొన్నారు.

రామ్మూర్తి కౌతాళం

Kowthalam, Kurnool•

2 hrs ago

కౌతాళం మండల కేంద్రంలో రైతు సంఘం ఆధ్వర్యంలో నష్టదాయకమైన ఎరువుల యాప్‌ను వెంటనే రద్దు చేయాలని డిమాండ్ చేస్తూ తహసిల్దార్, వ్యవసాయ అధికారికి వినతిపత్రం సమర్పించారు. ఈ యాప్ వల్ల అనేక మంది రైతులకు తీవ్ర నష్టం కలుగుతోందని సంఘం ఆందోళన వ్యక్తం చేసింది. ఈ సందర్భంగా రైతు సంఘం జిల్లా ఉపాధ్యక్షులు కే. మల్లయ్య మాట్లాడుతూ, కేంద్ర ప్రభుత్వం అనువైన సమయం చూసి ఎరువుల ధరలను పెంచిందని ఆరోపించారు. రైతులు బాగుపడకూడదనే దురుద్దేశంతోనే ఎరువుల యాప్‌ను తీసుకొచ్చి, రైతులను దివాలా తీయించి, భూములను కార్పొరేట్ శక్తులకు అప్పగించాలని చూస్తోందని మల్లయ్య అన్నారు. ఎరువుల దుకాణదారులు యూరియా ఎరువులతో పాటు ఇతర ఎరువులను లింకు పెట్టి బలవంతంగా అంటగడుతున్నారని ఆయన పేర్కొన్నారు. మండలంలో చాలా మంది కౌలుకు భూములు సాగు చేస్తున్నారని, ఈ యాప్ వల్ల కౌలు రైతులకు ఎరువులు దొరకవని ఆయన ఆవేదన వ్యక్తం చేశారు. అలాగే, హంపి విరపాక్ష స్వామి దేవాలయం, రాఘవేంద్ర స్వామి దేవాలయం, మరియు గ్రామాల్లోని ఇతర దేవుళ్ల భూములను సాగు చేస్తున్న రైతులకు ఈ యాప్ ద్వారా ఎరువులు ఎలా అందిస్తారని మల్లయ్య వ్యవసాయ అధికారిని ప్రశ్నించారు. ఎరువుల యాప్‌ను రద్దు చేసి, పాత పద్ధతిలో ఎరువులను అందించాలని మల్లయ్య ప్రభుత్వాన్ని డిమాండ్ చేశారు. కౌలుకు భూములు చేస్తున్న రైతులకు, దేవాలయ భూములను సాగు చేస్తున్న వారికి, రీ-సర్వేలో పేర్లు తప్పిపోయిన రైతులందరికీ ఎరువులు అందజేయాలని రైతు సంఘం నాయకులు కోరారు. ఈ కార్యక్రమంలో రైతు సంఘం మండల కార్యదర్శి బి. ఈరన్నతో పాటు రైతు సంఘం నాయకులు సత్యప్ప, ఈరన్న, వెంకటేష్, చిన్న మారయ్య తదితరులు పాల్గొన్నారు.