ऊस हार्वेस्टर मालकाकडून शेतकऱ्यावर अमानुष मारहाण ऊस हार्वेस्टर मालकाकडून शेतकऱ्यावर अमानुष मारहाण ! घनसावंगी तालुक्यातील घटना.. पैसे देऊनही रोख मागणी; डोळ्याखाली गंभीर दुखापत - केवळ एनसीआर नोंदीवर प्रकरण मिटवण्याचा आरोप ओमप्रकाश उढाण जालना जिल्ह्यातील घनसावंगी तालुक्यातील शेवगळ येथे ऊस तोडणीसाठी हार्वेस्टरचे पैसे दिल्यानंतरही रोख रकमेची मागणी करत शेतकऱ्यावर अमानुष मारहाण केल्याची धक्कादायक घटना मंगळवार, दि. १७ फेब्रुवारी रोजी दुपारी सुमारे ४.४५ वाजता घडली. या प्रकरणी शेतकरी गौतम हरिदास अटकळ (वय ३५, रा. शेवगळ, ता. घनसावंगी, जि. जालना) यांनी घनसावंगी पोलीस ठाण्यात तक्रार दिली आहे. तक्रारीनुसार, अटकळ यांच्या शेवगळ शिवारातील गट क्रमांक ३१ मध्ये ऊस तोडणीसाठी हार्वेस्टर मशीन कार्यरत होते. संबंधित मशीन मालक सुदर्शन उद्धव शिंदे (रा. चापडगाव, ता. घनसावंगी) यांनी हार्वेस्टर खर्चाच्या नावाखाली नगदी रकमेची मागणी केली. अटकळ यांनी कारखान्याकडूनच कंत्राटदाराला संपूर्ण देयक दिले जाते, तसेच उचल रक्कम ऊस बिलातून वजा केली जाते; मग रोख पैसे का? असा प्रश्न उपस्थित केला. फोनपे व्यवहार न झाल्याने शेतकऱ्याने खिशातील १,००० रुपये रोख दिले व उर्वरित रक्कम देण्याचे सांगितले. यावरून वाद वाढला आणि आरोपीने शिवीगाळ करत शेतकऱ्याला जमिनीवर पाडून पोट, छाती व तोंडावर लाथाबुक्क्यांनी मारहाण केल्याचा आरोप आहे. या मारहाणीमध्ये डोळ्याखाली गंभीर जखम होऊन रक्तस्राव झाला. तसेच जिवे मारण्याची धमकी दिल्याचेही तक्रारीत नमूद आहे. घटनेवेळी उपस्थित असलेल्या भास्कर शेषराव लोंढे यांनाही शिवीगाळ व मारहाण केल्याचा आरोप आहे. याबाबत घनसावंगी पोलीस ठाण्यात भारतीय न्याय संहिता, २०२३ अंतर्गत कलम 115(2), 352 आणि 351(2) अन्वये असंज्ञेय अपराध (NCR) नोंदविण्यात आल्याची माहिती आहे. माहिती रात्री ९.३६ वाजता पोलीस ठाण्यात प्राप्त झाली. मात्र जखम, धमकी आणि मारहाणीचे स्वरूप गंभीर असताना केवळ एनसीआरवर प्रकरण मर्यादित ठेवणे हे आश्चर्यकारक असल्याची भावना ग्रामस्थांतून व्यक्त होत आहे.. ऊस तोडणी व हार्वेस्टर खर्चाबाबत कारखान्याकडून कंत्राटदाराला थेट देयक दिले जाते, अशी पद्धत असताना शेतकऱ्यांकडून रोख रकमेची मागणी कोणाच्या अधिकाराने केली जाते, हा प्रश्न उपस्थित होत आहे. संबंधित साखर कारखान्याने याबाबत अधिकृत भूमिका स्पष्ट करावी, अशी मागणी शेतकरी वर्गातून होत आहे. घटनेमुळे शेवगळ परिसरात संतापाचे वातावरण असून शेतकऱ्यांमध्ये असुरक्षिततेची भावना निर्माण झाली आहे. प्रशासनाने तत्काळ ठोस कारवाई करून शेतकऱ्यांचा विश्वास पुनर्स्थापित करावा, अशी अपेक्षा व्यक्त होत आहे. प्रतिक्रिया :- हा केवळ पैशांचा प्रश्न नाही; हा शेतकऱ्याच्या सन्मानाचा प्रश्न आहे. प्रशासनाने तात्काळ योग्य कलमांखाली गुन्हा दाखल करून निष्पक्ष चौकशी करावी. कारखाना प्रशासनाने करार व देयकांबाबत स्पष्ट भूमिका जाहीर करावी. शेतकऱ्यांकडून होणारी बेकायदेशीर वसुली त्वरित थांबवावी, - रामप्रसाद खरात, प्रदेश सरचिटणीस, राजीव गांधी पंचायत राज संघटना

पत्रकार ओमप्रकाश उढाण

घनसावंगी, जालना, महाराष्ट्र•

13 hrs ago

ऊस हार्वेस्टर मालकाकडून शेतकऱ्यावर अमानुष मारहाण ऊस हार्वेस्टर मालकाकडून शेतकऱ्यावर अमानुष मारहाण ! घनसावंगी तालुक्यातील घटना.. पैसे देऊनही रोख मागणी; डोळ्याखाली गंभीर दुखापत - केवळ एनसीआर नोंदीवर प्रकरण मिटवण्याचा आरोप ओमप्रकाश उढाण जालना जिल्ह्यातील घनसावंगी तालुक्यातील शेवगळ येथे ऊस तोडणीसाठी हार्वेस्टरचे पैसे दिल्यानंतरही रोख रकमेची मागणी करत शेतकऱ्यावर अमानुष मारहाण केल्याची धक्कादायक घटना मंगळवार, दि. १७ फेब्रुवारी रोजी दुपारी सुमारे ४.४५ वाजता घडली. या प्रकरणी शेतकरी गौतम हरिदास अटकळ (वय ३५, रा. शेवगळ, ता. घनसावंगी, जि. जालना) यांनी घनसावंगी पोलीस ठाण्यात तक्रार दिली आहे. तक्रारीनुसार, अटकळ यांच्या शेवगळ शिवारातील गट क्रमांक ३१ मध्ये ऊस तोडणीसाठी हार्वेस्टर मशीन कार्यरत होते. संबंधित मशीन मालक सुदर्शन उद्धव शिंदे (रा. चापडगाव, ता. घनसावंगी) यांनी हार्वेस्टर खर्चाच्या नावाखाली नगदी रकमेची मागणी केली. अटकळ यांनी कारखान्याकडूनच कंत्राटदाराला संपूर्ण देयक दिले जाते, तसेच उचल रक्कम ऊस बिलातून वजा केली जाते; मग रोख पैसे का? असा प्रश्न उपस्थित केला. फोनपे व्यवहार न झाल्याने शेतकऱ्याने खिशातील १,००० रुपये रोख दिले व उर्वरित रक्कम देण्याचे सांगितले. यावरून वाद वाढला आणि आरोपीने शिवीगाळ करत शेतकऱ्याला जमिनीवर पाडून पोट, छाती व तोंडावर लाथाबुक्क्यांनी मारहाण केल्याचा आरोप आहे. या मारहाणीमध्ये डोळ्याखाली गंभीर जखम होऊन रक्तस्राव झाला. तसेच जिवे मारण्याची धमकी दिल्याचेही तक्रारीत नमूद आहे. घटनेवेळी उपस्थित असलेल्या भास्कर शेषराव लोंढे यांनाही शिवीगाळ व मारहाण केल्याचा आरोप आहे. याबाबत घनसावंगी पोलीस ठाण्यात भारतीय न्याय संहिता, २०२३ अंतर्गत कलम 115(2), 352 आणि 351(2) अन्वये असंज्ञेय अपराध (NCR) नोंदविण्यात आल्याची माहिती आहे. माहिती रात्री ९.३६ वाजता पोलीस ठाण्यात प्राप्त झाली. मात्र जखम, धमकी आणि मारहाणीचे स्वरूप गंभीर असताना केवळ एनसीआरवर प्रकरण मर्यादित ठेवणे हे आश्चर्यकारक असल्याची भावना ग्रामस्थांतून व्यक्त होत आहे.. ऊस तोडणी व हार्वेस्टर खर्चाबाबत कारखान्याकडून कंत्राटदाराला थेट देयक दिले जाते, अशी पद्धत असताना शेतकऱ्यांकडून रोख रकमेची मागणी कोणाच्या अधिकाराने केली जाते, हा प्रश्न उपस्थित होत आहे. संबंधित साखर कारखान्याने याबाबत अधिकृत भूमिका स्पष्ट करावी, अशी मागणी शेतकरी वर्गातून होत आहे. घटनेमुळे शेवगळ परिसरात संतापाचे वातावरण असून शेतकऱ्यांमध्ये असुरक्षिततेची भावना निर्माण झाली आहे. प्रशासनाने तत्काळ ठोस कारवाई करून शेतकऱ्यांचा विश्वास पुनर्स्थापित करावा, अशी अपेक्षा व्यक्त होत आहे. प्रतिक्रिया :- हा केवळ पैशांचा प्रश्न नाही; हा शेतकऱ्याच्या सन्मानाचा प्रश्न आहे. प्रशासनाने तात्काळ योग्य कलमांखाली गुन्हा दाखल करून निष्पक्ष चौकशी करावी. कारखाना प्रशासनाने करार व देयकांबाबत स्पष्ट भूमिका जाहीर करावी. शेतकऱ्यांकडून होणारी बेकायदेशीर वसुली त्वरित थांबवावी, - रामप्रसाद खरात, प्रदेश सरचिटणीस, राजीव गांधी पंचायत राज संघटना