अहमदनगरमधील राहाता तालुक्यातील पिंपळस गावात महावितरण विभागाच्या अधिकारी आणि कर्मचाऱ्यांकडून वीज ग्राहकांची आर्थिक पिळवणूक होत असल्याचा गंभीर आरोप वंचित बहुजन आघाडीने केला आहे. जिल्हा संघटक दिपक (बाबू) कसबे यांच्या नेतृत्वाखाली प्रशासनाला दिलेल्या निवेदनात दोषींवर तात्काळ फौजदारी गुन्हे दाखल करण्याची मागणी करण्यात आली आहे. पिंपळस गावातील ग्राहकांच्या घरांत कोणतीही पूर्वसूचना किंवा संमती न घेता जुने मीटर काढून स्मार्ट मीटर बसवण्यात आले असून, मीटर बदलताना कोणताही पंचनामा करण्यात आला नसल्याचा दावा या निवेदनात करण्यात आला आहे. स्मार्ट मीटर बसवल्यानंतर वीज बिलांमध्ये अचानक मोठी वाढ झाल्याने सर्वसामान्य नागरिक आर्थिक संकटात सापडले आहेत. पूर्वी ५०० ते ६०० रुपयांपर्यंत येणारे वीज बिल आता २,००० रुपयांच्या पुढे जात असल्याची तक्रार ग्राहकांकडून होत आहे. तसेच, महावितरणच्या कार्यालयात वारंवार तक्रारी करूनही अधिकारी ग्राहकांना उलट दमदाटी करत असल्याचा आरोप करण्यात आला आहे. जुन्या आणि नवीन मीटरचा क्रमांक प्रणालीमध्ये एकच दाखवून ग्राहकांची दिशाभूल केली जात असून, यात सार्वजनिक मालमत्तेच्या व्यवस्थापनात अनियमितता असल्याचा संशय व्यक्त करण्यात आला आहे. या प्रकरणाची स्थानिक पातळीवर निष्पक्ष चौकशी करून दोषींवर कारवाई करावी, अशी मागणी वंचित बहुजन आघाडीने केली आहे. आगामी ७ दिवसांत कारवाई न झाल्यास राहाता येथील महावितरण कार्यालयासमोर तीव्र स्वरूपाचे आंदोलन छेडण्याचा इशारा देण्यात आला आहे. यावेळी रूपसाहेब बनसोडे, भारत भाऊ निकम, किशोर भाऊ पगारे, अनिल आवारे, शंकर दादा गायकवाड, जय भोसले आणि अनुराग निकम यांच्यासह आघाडीचे पदाधिकारी आणि नागरिक उपस्थित होते.

लाईव्ह अशोका टाईम्स

Political party office केज, बीड, महाराष्ट्र•

15 hrs ago

अहमदनगरमधील राहाता तालुक्यातील पिंपळस गावात महावितरण विभागाच्या अधिकारी आणि कर्मचाऱ्यांकडून वीज ग्राहकांची आर्थिक पिळवणूक होत असल्याचा गंभीर आरोप वंचित बहुजन आघाडीने केला आहे. जिल्हा संघटक दिपक (बाबू) कसबे यांच्या नेतृत्वाखाली प्रशासनाला दिलेल्या निवेदनात दोषींवर तात्काळ फौजदारी गुन्हे दाखल करण्याची मागणी करण्यात आली आहे. पिंपळस गावातील ग्राहकांच्या घरांत कोणतीही पूर्वसूचना किंवा संमती न घेता जुने मीटर काढून स्मार्ट मीटर बसवण्यात आले असून, मीटर बदलताना कोणताही पंचनामा करण्यात आला नसल्याचा दावा या निवेदनात करण्यात आला आहे. स्मार्ट मीटर बसवल्यानंतर वीज बिलांमध्ये अचानक मोठी वाढ झाल्याने सर्वसामान्य नागरिक आर्थिक संकटात सापडले आहेत. पूर्वी ५०० ते ६०० रुपयांपर्यंत येणारे वीज बिल आता २,००० रुपयांच्या पुढे जात असल्याची तक्रार ग्राहकांकडून होत आहे. तसेच, महावितरणच्या कार्यालयात वारंवार तक्रारी करूनही अधिकारी ग्राहकांना उलट दमदाटी करत असल्याचा आरोप करण्यात आला आहे. जुन्या आणि नवीन मीटरचा क्रमांक प्रणालीमध्ये एकच दाखवून ग्राहकांची दिशाभूल केली जात असून, यात सार्वजनिक मालमत्तेच्या व्यवस्थापनात अनियमितता असल्याचा संशय व्यक्त करण्यात आला आहे. या प्रकरणाची स्थानिक पातळीवर निष्पक्ष चौकशी करून दोषींवर कारवाई करावी, अशी मागणी वंचित बहुजन आघाडीने केली आहे. आगामी ७ दिवसांत कारवाई न झाल्यास राहाता येथील महावितरण कार्यालयासमोर तीव्र स्वरूपाचे आंदोलन छेडण्याचा इशारा देण्यात आला आहे. यावेळी रूपसाहेब बनसोडे, भारत भाऊ निकम, किशोर भाऊ पगारे, अनिल आवारे, शंकर दादा गायकवाड, जय भोसले आणि अनुराग निकम यांच्यासह आघाडीचे पदाधिकारी आणि नागरिक उपस्थित होते.