शिरूर/पुणे ती आली… तिने पाहिलं… अलगद उचललं… आणि घेऊन गेली! एकीकडे बिबट्याची दहशत, दुसरीकडे टाकळी भीमात सुखद पुनर्मिलन पुणे जिल्ह्यासह शिरूर तालुक्यात जिथे रोज बिबट्याच्या हालचालींमुळे शेतकरी आणि नागरिक भीतीच्या सावटाखाली वावरत आहेत,मात्र याच शिरूर तालुक्यातील टाकळी भीमा परिसरात निसर्गाने एक वेगळाच दिलासा देणारा क्षण दाखवला... रात्र शांत होती… शेतशिवारात अंधार पसरलेला होता… आणि अचानक ती आली… थांबली. पाहिलं. क्षणभर आजूबाजूला नजर फिरवली… आणि मग अलगद आपल्या बछड्याला उचललं. थोडं पुढे नेलं. पुन्हा परत आली. दुसरं पिल्लू उचललं. आणि अंधारात नाहीशी झाली. हा प्रसंग कुठल्याही चित्रपटातील नव्हता.तर शिरूर वनविभाग आणि निसर्ग वन्यजीव सामाजिक संस्थेच्या प्रयत्नातून घडलेला निसर्गाचा जिवंत क्षण होता. शिरूर तालुक्यातील टाकळी भीमा येथे उसतोड सुरू असताना बिबट्याचे दोन बछडे आढळून आले होते. त्यानंतर वनविभाग व निसर्ग वन्यजीव सामाजिक संस्थेच्या वतीने या बछड्यांना सुरक्षित ठेवण्यात आले. बछड्यांना हात न लावता, परिसरात रात्री शांतता राखत त्यांच्या आईला परत येण्याची संधी देण्यात आली.त्या ठिकाणी लावलेल्या ट्रॅप कॅमेऱ्यात रात्रीच्या सुमारास बिबट मादी येऊन आपल्या दोन्ही बछड्यांना सुरक्षितपणे उचलून सुरक्षितस्थळी घेऊन जात असल्याचे स्पष्टपणे कैद झाले. एकीकडे रोज बिबट्याची दहशत, शेतशिवारात भीतीचे वातावरण,आणि दुसरीकडे कोणताही संघर्ष न होता, कोणतीही हानी न होता घडलेले हे सुखद पुनर्मिलन. या घडलेल्या प्रसंगातून समाजाला एक महत्त्वाचा संदेश मात्र मिळतो, घाई, गोंधळ आणि अनावश्यक हस्तक्षेप टाळला, तर निसर्गही आपली जबाबदारी स्वतः पार पाडतो.. टाकळी भीमाच्या शेतशिवारात त्या रात्री केवळ बिबट मादीच आपल्या बछड्यांसह निघून गेली नाही,तर भीतीच्या वातावरणात आशेचा एक क्षण मागे ठेवून गेली,असेच म्हणावे लागेल.

Sachin Reporter Pune

Reporter शिरूर, पुणे, महाराष्ट्र•

4 days ago

शिरूर/पुणे ती आली… तिने पाहिलं… अलगद उचललं… आणि घेऊन गेली! एकीकडे बिबट्याची दहशत, दुसरीकडे टाकळी भीमात सुखद पुनर्मिलन पुणे जिल्ह्यासह शिरूर तालुक्यात जिथे रोज बिबट्याच्या हालचालींमुळे शेतकरी आणि नागरिक भीतीच्या सावटाखाली वावरत आहेत,मात्र याच शिरूर तालुक्यातील टाकळी भीमा परिसरात निसर्गाने एक वेगळाच दिलासा देणारा क्षण दाखवला... रात्र शांत होती… शेतशिवारात अंधार पसरलेला होता… आणि अचानक ती आली… थांबली. पाहिलं. क्षणभर आजूबाजूला नजर फिरवली… आणि मग अलगद आपल्या बछड्याला उचललं. थोडं पुढे नेलं. पुन्हा परत आली. दुसरं पिल्लू उचललं. आणि अंधारात नाहीशी झाली. हा प्रसंग कुठल्याही चित्रपटातील नव्हता.तर शिरूर वनविभाग आणि निसर्ग वन्यजीव सामाजिक संस्थेच्या प्रयत्नातून घडलेला निसर्गाचा जिवंत क्षण होता. शिरूर तालुक्यातील टाकळी भीमा येथे उसतोड सुरू असताना बिबट्याचे दोन बछडे आढळून आले होते. त्यानंतर वनविभाग व निसर्ग वन्यजीव सामाजिक संस्थेच्या वतीने या बछड्यांना सुरक्षित ठेवण्यात आले. बछड्यांना हात न लावता, परिसरात रात्री शांतता राखत त्यांच्या आईला परत येण्याची संधी देण्यात आली.त्या ठिकाणी लावलेल्या ट्रॅप कॅमेऱ्यात रात्रीच्या सुमारास बिबट मादी येऊन आपल्या दोन्ही बछड्यांना सुरक्षितपणे उचलून सुरक्षितस्थळी घेऊन जात असल्याचे स्पष्टपणे कैद झाले. एकीकडे रोज बिबट्याची दहशत, शेतशिवारात भीतीचे वातावरण,आणि दुसरीकडे कोणताही संघर्ष न होता, कोणतीही हानी न होता घडलेले हे सुखद पुनर्मिलन. या घडलेल्या प्रसंगातून समाजाला एक महत्त्वाचा संदेश मात्र मिळतो, घाई, गोंधळ आणि अनावश्यक हस्तक्षेप टाळला, तर निसर्गही आपली जबाबदारी स्वतः पार पाडतो.. टाकळी भीमाच्या शेतशिवारात त्या रात्री केवळ बिबट मादीच आपल्या बछड्यांसह निघून गेली नाही,तर भीतीच्या वातावरणात आशेचा एक क्षण मागे ठेवून गेली,असेच म्हणावे लागेल.