पुर्णा-ताडकळस मार्गावर स्विफ्ट डिझायर कार उलटली; चार तरुण गंभीर जखमी पुर्णा-ताडकळस मार्गावर स्विफ्ट डिझायर कार उलटली; चार तरुण गंभीर जखमी पुर्णा-ताडकळस मार्गावर हटकरवाडी शिवारात भरधाव अज्ञात वाहनाने कट मारल्यामुळे स्विफ्ट डिझायर कारचा भीषण अपघात होऊन चार तरुण गंभीर जखमी झाल्याची घटना शनिवारी रात्री सुमारे १०.३० वाजता घडली. या प्रकरणी पुर्णा पोलीस ठाण्यात नोंद करण्यात आली आहे. या अपघातात श्रीनिवास केदार पाथरकर, अनिकेत अविनाश कदम, मो. गौस आणि कुणाल अनिल डिकोंडवार (सर्व रा. पुर्णा) हे गंभीर जखमी झाले आहेत. केदार मल्लिकार्जुन अप्पा पाथरकर हे आपल्या मुलगा श्रीनिवास व त्याच्या मित्रांसह (एमएच २९ बीसी ५८९४) क्रमांकाच्या स्विफ्ट डिझायर कारने ताडकळसहून पुर्णेकडे येत होते. दरम्यान, समोरून भरधाव वेगाने येणाऱ्या अज्ञात ट्रकने अचानक कट मारल्याने चालकाचे नियंत्रण सुटले. ट्रकवरील तीव्र पांढऱ्या एलईडी लाईटमुळे समोरचे स्पष्ट दिसेनासे झाले. प्रसंगावधान राखत गाडी थांबवण्याचा प्रयत्न करूनही कार रस्त्याच्या कडेला जाऊन उलटली. या अपघातात चालक सुरक्षित राहिला असला तरी इतर चार जणांच्या डोक्याला व शरीराला गंभीर दुखापती झाल्या. अपघाताचा मोठा आवाज ऐकून परिसरातील शेतकऱ्यांनी तत्काळ घटनास्थळी धाव घेत जखमींना वाहनाबाहेर काढले व त्यांना पुर्णा ग्रामीण रुग्णालयात दाखल केले. या अपघातात कारचे सुमारे तीन लाख रुपयांचे नुकसान झाल्याचा प्राथमिक अंदाज आहे.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

पुर्णा-ताडकळस मार्गावर स्विफ्ट डिझायर कार उलटली; चार तरुण गंभीर जखमी पुर्णा-ताडकळस मार्गावर स्विफ्ट डिझायर कार उलटली; चार तरुण गंभीर जखमी पुर्णा-ताडकळस मार्गावर हटकरवाडी शिवारात भरधाव अज्ञात वाहनाने कट मारल्यामुळे स्विफ्ट डिझायर कारचा भीषण अपघात होऊन चार तरुण गंभीर जखमी झाल्याची घटना शनिवारी रात्री सुमारे १०.३० वाजता घडली. या प्रकरणी पुर्णा पोलीस ठाण्यात नोंद करण्यात आली आहे. या अपघातात श्रीनिवास केदार पाथरकर, अनिकेत अविनाश कदम, मो. गौस आणि कुणाल अनिल डिकोंडवार (सर्व रा. पुर्णा) हे गंभीर जखमी झाले आहेत. केदार मल्लिकार्जुन अप्पा पाथरकर हे आपल्या मुलगा श्रीनिवास व त्याच्या मित्रांसह (एमएच २९ बीसी ५८९४) क्रमांकाच्या स्विफ्ट डिझायर कारने ताडकळसहून पुर्णेकडे येत होते. दरम्यान, समोरून भरधाव वेगाने येणाऱ्या अज्ञात ट्रकने अचानक कट मारल्याने चालकाचे नियंत्रण सुटले. ट्रकवरील तीव्र पांढऱ्या एलईडी लाईटमुळे समोरचे स्पष्ट दिसेनासे झाले. प्रसंगावधान राखत गाडी थांबवण्याचा प्रयत्न करूनही कार रस्त्याच्या कडेला जाऊन उलटली. या अपघातात चालक सुरक्षित राहिला असला तरी इतर चार जणांच्या डोक्याला व शरीराला गंभीर दुखापती झाल्या. अपघाताचा मोठा आवाज ऐकून परिसरातील शेतकऱ्यांनी तत्काळ घटनास्थळी धाव घेत जखमींना वाहनाबाहेर काढले व त्यांना पुर्णा ग्रामीण रुग्णालयात दाखल केले. या अपघातात कारचे सुमारे तीन लाख रुपयांचे नुकसान झाल्याचा प्राथमिक अंदाज आहे.