ચોટીલાના નાયબ કલેક્ટર અને સબ ડિવિઝનલ મેજિસ્ટ્રેટ એચ. ટી. મકવાણા દ્વારા ભારતીય નાગરિક સુરક્ષા સંહિતા, ૨૦૨૩ની કલમ ૧૯૪ હેઠળ હાથ ધરાયેલી મેજિસ્ટ્રેરીયલ ઇન્કવાયરી પૂર્ણ કરવામાં આવી છે. આ પ્રક્રિયાના ભાગરૂપે છેલ્લા છ મહિના દરમિયાન ચોટીલા સબ-ડિવિઝન હેઠળના ચોટીલા, મુળી અને થાનગઢ તાલુકાના કુલ ૫૩ અકસ્માત મોતના કેસોનો કાયદેસરનો નિકાલ કરવામાં આવ્યો છે. આ કાર્યવાહીમાં પોલીસે અદાલત સમક્ષ રજૂ કરેલા કેસોની જુદી જુદી તારીખો નક્કી કરીને સુનાવણી હાથ ધરવામાં આવી હતી. આ ઇન્કવાયરીમાં અકસ્માતજન્ય અથવા શંકાસ્પદ સંજોગોમાં થયેલ મૃત્યુના બનાવોમાં પોલીસ તંત્ર દ્વારા તૈયાર કરવામાં આવેલ ઇન્ક્વેસ્ટ પેપર્સ, પોસ્ટમોર્ટમ રિપોર્ટ, પંચનામા, સાક્ષીઓના નિવેદનો અને અન્ય સંબંધિત દસ્તાવેજોની ઝીણવટભરી તપાસ કરવામાં આવી હતી. મેજિસ્ટ્રેરીયલ તપાસ હાથ ધરવાની જોગવાઈ અનુસાર, મૃત્યુનું કારણ અકસ્માતજન્ય છે કે કોઈ ગુનાહિત કૃત્યના પરિણામે થયું છે, તેની તપાસ કરવામાં આવી. આ માટે મૃતકના વારસદારો તથા સંબંધિત વ્યક્તિઓને નોટિસ આપી, તેમની હાજરીમાં રજૂઆતો અને નિવેદનો નોંધવામાં આવ્યા હતા. કેસને લગતા તમામ દસ્તાવેજી પુરાવાઓ, પોલીસ તપાસના અહેવાલો, મૃત્યુની પરિસ્થિતિઓ અને અન્ય સંબંધિત હકીકતોનું તટસ્થ અને વિગતવાર પરીક્ષણ કરવામાં આવ્યું. તપાસ દરમિયાન, જે કેસોમાં વધુ તપાસની આવશ્યકતા અથવા શંકાસ્પદ સંજોગો જણાયા, તે સંબંધિત પોલીસ અધિકારીને વધુ તપાસ અને અહેવાલ માટે પરત મોકલવામાં આવ્યા. જ્યારે અન્ય કેસોમાં, ઉપલબ્ધ પુરાવા, દસ્તાવેજો અને તપાસના આધારે કોઈ ગુનાહિત કૃત્ય કે શંકાસ્પદ તત્વ પ્રકાશમાં ન આવતા, મૃત્યુ અકસ્માતજન્ય હોવાનું પ્રતિપાદિત થયું હતું. આ રીતે કલમ-૧૯૪ હેઠળની કાર્યવાહી પૂર્ણ કરી, સંબંધિત અકસ્માત મોતના કેસોનો કાયદેસરનો નિકાલ કરવામાં આવ્યો.

Vagadiya chintan dilipbhai

બોટાદ, બોટાદ, ગુજરાત•

5 hrs ago

ચોટીલાના નાયબ કલેક્ટર અને સબ ડિવિઝનલ મેજિસ્ટ્રેટ એચ. ટી. મકવાણા દ્વારા ભારતીય નાગરિક સુરક્ષા સંહિતા, ૨૦૨૩ની કલમ ૧૯૪ હેઠળ હાથ ધરાયેલી મેજિસ્ટ્રેરીયલ ઇન્કવાયરી પૂર્ણ કરવામાં આવી છે. આ પ્રક્રિયાના ભાગરૂપે છેલ્લા છ મહિના દરમિયાન ચોટીલા સબ-ડિવિઝન હેઠળના ચોટીલા, મુળી અને થાનગઢ તાલુકાના કુલ ૫૩ અકસ્માત મોતના કેસોનો કાયદેસરનો નિકાલ કરવામાં આવ્યો છે. આ કાર્યવાહીમાં પોલીસે અદાલત સમક્ષ રજૂ કરેલા કેસોની જુદી જુદી તારીખો નક્કી કરીને સુનાવણી હાથ ધરવામાં આવી હતી. આ ઇન્કવાયરીમાં અકસ્માતજન્ય અથવા શંકાસ્પદ સંજોગોમાં થયેલ મૃત્યુના બનાવોમાં પોલીસ તંત્ર દ્વારા તૈયાર કરવામાં આવેલ ઇન્ક્વેસ્ટ પેપર્સ, પોસ્ટમોર્ટમ રિપોર્ટ, પંચનામા, સાક્ષીઓના નિવેદનો અને અન્ય સંબંધિત દસ્તાવેજોની ઝીણવટભરી તપાસ કરવામાં આવી હતી. મેજિસ્ટ્રેરીયલ તપાસ હાથ ધરવાની જોગવાઈ અનુસાર, મૃત્યુનું કારણ અકસ્માતજન્ય છે

કે કોઈ ગુનાહિત કૃત્યના પરિણામે થયું છે, તેની તપાસ કરવામાં આવી. આ માટે મૃતકના વારસદારો તથા સંબંધિત વ્યક્તિઓને નોટિસ આપી, તેમની હાજરીમાં રજૂઆતો અને નિવેદનો નોંધવામાં આવ્યા હતા. કેસને લગતા તમામ દસ્તાવેજી પુરાવાઓ, પોલીસ તપાસના અહેવાલો, મૃત્યુની પરિસ્થિતિઓ અને અન્ય સંબંધિત હકીકતોનું તટસ્થ અને વિગતવાર પરીક્ષણ કરવામાં આવ્યું. તપાસ દરમિયાન, જે કેસોમાં વધુ તપાસની આવશ્યકતા અથવા શંકાસ્પદ સંજોગો જણાયા, તે સંબંધિત પોલીસ અધિકારીને વધુ તપાસ અને અહેવાલ માટે પરત મોકલવામાં આવ્યા. જ્યારે અન્ય કેસોમાં, ઉપલબ્ધ પુરાવા, દસ્તાવેજો અને તપાસના આધારે કોઈ ગુનાહિત કૃત્ય કે શંકાસ્પદ તત્વ પ્રકાશમાં ન આવતા, મૃત્યુ અકસ્માતજન્ય હોવાનું પ્રતિપાદિત થયું હતું. આ રીતે કલમ-૧૯૪ હેઠળની કાર્યવાહી પૂર્ણ કરી, સંબંધિત અકસ્માત મોતના કેસોનો કાયદેસરનો નિકાલ કરવામાં આવ્યો.