पेट्रोल पंपनजीकच्या घराला आग;अग्निशमन दलामुळे अनर्थ टळला येथील रेल्वे स्थानकानजिक असलेल्या डॉ. बाबासाहेब आंबेडकर पुतळ्याजवळील निरंजन पेट्रोल पंपाला लागून असलेल्या मनकोडी मॅन्शन या जुन्या इमारतीच्या तिसऱ्या मजल्यावर बुधवारी दुपारी अचानक भीषण आग लागली. बाजूलाच पेट्रोल पंप असल्याने काही काळ परिसरात प्रचंड घबराट आणि खळबळ उडाली होती. मात्र, अग्निशमन दलाच्या जवानांनी दाखवलेल्या शर्थीच्या प्रयत्नांमुळे मोठी दुर्घटना टळली असून आगीवर यशस्‍वीपणे नियंत्रण मिळवण्यात आले आहे. सुदैवाने या घटनेत कोणतीही जीवितहानी झाली नाही. मनकोडी मॅन्शन सोसायटीतील तिसऱ्या मजल्यावर पंढरीनाथ भोसले यांचा फ्लॅट आहे. भोसले यांची प्रकृती ठीक नसल्याने हनुमंत सानप हे त्यांना भेटण्यासाठी आले होते. याच वेळी घरातील एक मुलगी किचनशेजारील खोलीत टीव्ही पाहत होती. दरम्यान, अचानक काहीतरी जळत असल्याचा तीव्र वास आल्याने तिने तातडीने आजोबांना याची कल्पना दिली. परिस्थितीचे गांभीर्य ओळखून सानप यांनी तात्काळ अग्निशमन दलाला फोन करून घटनेची माहिती दिली. घटनेचे वृत्त समजताच अग्निशमन दलाचा बंब घटनास्थळी दाखल झाला. तत्पूर्वी, जवळच असलेल्या पेट्रोल पंपावरील कर्मचाऱ्यांनीही अग्निशामक उपकरणांच्या साह्याने आग विझवण्याचा प्रयत्न केला. सोसायटीची जागा अत्यंत दाट आणि अरुंद असल्याने अग्निशमन दलाचे वाहन थेट इमारतीपर्यंत पोहोचवणे कठीण जात होते. शिवाय बाजूलाच पेट्रोल पंप असल्याने धोक्याची घंटा अधिक तीव्र होती. अग्निशमन दलाच्या जवानांनी क्षणाचाही विलंब न लावता तिसऱ्या मजल्याकडे धाव घेतली. दोरीच्या साह्याने पाण्याचे पाईप थेट तिसऱ्या मजल्यावर पोहोचवण्यात आले. घरात प्रचंड धूर आणि काळोख पसरला होता. जवानांनी खिडक्यांच्या काचा फोडून धूर बाहेर जाण्यासाठी मार्ग करून दिला आणि प्राणाची पर्वा न करता पाण्याचा मारा सुरू ठेवला. अखेर आग पूर्णपणे आटोक्यात आणण्यात जवानांना यश आले. वॉटर प्युरिफायरमध्ये झालेल्या शॉर्टसर्किटमुळे ही आग लागल्याचा प्राथमिक अंदाज अग्निशमन दलाच्या अधिकाऱ्यांनी व्यक्त केला आहे. आग लागली तेव्हा घरातील नागरिक वेळीच बाहेर पडल्याने मोठा अनर्थ टळला. ही कामगिरी लिडिंग फायरमन श्रीकांत नागपुरे, फकिरा भालेराव, प्रणय सुखदान, यश व्यवहारे, युवराज पाटोळे, अभिषेक शिंदे आणि सूरज हिरे या जवानांच्या पथकाने फत्ते केली. पेट्रोल पंपाच्या अत्यंत जवळ असलेली ही आग वेळेत विझल्याने संपूर्ण परिसराने सुटकेचा निःश्वास सोडला आहे.

Anil GUNJAL

नाशिक, नाशिक, महाराष्ट्र•

2 hrs ago

पेट्रोल पंपनजीकच्या घराला आग;अग्निशमन दलामुळे अनर्थ टळला येथील रेल्वे स्थानकानजिक असलेल्या डॉ. बाबासाहेब आंबेडकर पुतळ्याजवळील निरंजन पेट्रोल पंपाला लागून असलेल्या मनकोडी मॅन्शन या जुन्या इमारतीच्या तिसऱ्या मजल्यावर बुधवारी दुपारी अचानक भीषण आग लागली. बाजूलाच पेट्रोल पंप असल्याने काही काळ परिसरात प्रचंड घबराट आणि खळबळ उडाली होती. मात्र, अग्निशमन दलाच्या जवानांनी दाखवलेल्या शर्थीच्या प्रयत्नांमुळे मोठी दुर्घटना टळली असून आगीवर यशस्‍वीपणे नियंत्रण मिळवण्यात आले आहे. सुदैवाने या घटनेत कोणतीही जीवितहानी झाली नाही. मनकोडी मॅन्शन सोसायटीतील तिसऱ्या मजल्यावर पंढरीनाथ भोसले यांचा फ्लॅट आहे. भोसले यांची प्रकृती ठीक नसल्याने हनुमंत सानप हे त्यांना भेटण्यासाठी आले होते. याच वेळी घरातील एक मुलगी किचनशेजारील खोलीत टीव्ही पाहत होती. दरम्यान, अचानक काहीतरी जळत असल्याचा तीव्र वास आल्याने तिने तातडीने आजोबांना याची कल्पना दिली. परिस्थितीचे गांभीर्य ओळखून सानप यांनी तात्काळ अग्निशमन दलाला फोन करून घटनेची माहिती दिली. घटनेचे वृत्त समजताच अग्निशमन दलाचा बंब घटनास्थळी दाखल झाला. तत्पूर्वी, जवळच असलेल्या पेट्रोल पंपावरील कर्मचाऱ्यांनीही अग्निशामक उपकरणांच्या साह्याने आग विझवण्याचा प्रयत्न केला. सोसायटीची जागा अत्यंत दाट आणि अरुंद असल्याने अग्निशमन दलाचे वाहन थेट इमारतीपर्यंत पोहोचवणे कठीण जात होते. शिवाय बाजूलाच पेट्रोल पंप असल्याने धोक्याची घंटा अधिक तीव्र होती. अग्निशमन दलाच्या जवानांनी क्षणाचाही विलंब न लावता तिसऱ्या मजल्याकडे धाव घेतली. दोरीच्या साह्याने पाण्याचे पाईप थेट तिसऱ्या मजल्यावर पोहोचवण्यात आले. घरात प्रचंड धूर आणि काळोख पसरला होता. जवानांनी खिडक्यांच्या काचा फोडून धूर बाहेर जाण्यासाठी मार्ग करून दिला आणि प्राणाची पर्वा न करता पाण्याचा मारा सुरू ठेवला. अखेर आग पूर्णपणे आटोक्यात आणण्यात जवानांना यश आले. वॉटर प्युरिफायरमध्ये झालेल्या शॉर्टसर्किटमुळे ही आग लागल्याचा प्राथमिक अंदाज अग्निशमन दलाच्या अधिकाऱ्यांनी व्यक्त केला आहे. आग लागली तेव्हा घरातील नागरिक वेळीच बाहेर पडल्याने मोठा अनर्थ टळला. ही कामगिरी लिडिंग फायरमन श्रीकांत नागपुरे, फकिरा भालेराव, प्रणय सुखदान, यश व्यवहारे, युवराज पाटोळे, अभिषेक शिंदे आणि सूरज हिरे या जवानांच्या पथकाने फत्ते केली. पेट्रोल पंपाच्या अत्यंत जवळ असलेली ही आग वेळेत विझल्याने संपूर्ण परिसराने सुटकेचा निःश्वास सोडला आहे.