సాలురా మండలం తగ్గేల్లి సమీపంలోని మంజీర నదిలో జరుగుతున్న అక్రమ ఇసుక తవ్వకాలపై స్థానికులు తీవ్ర ఆందోళన వ్యక్తం చేస్తున్నారు. మహారాష్ట్రకు చెందిన కొందరు వ్యక్తులు తెలంగాణ పరిధిలోకి చొరబడి జేసీబీలు, టిప్పర్ల సహాయంతో భారీగా ఇసుకను తవ్వి తరలిస్తున్నారని ఆరోపణలు వెల్లువెత్తుతున్నాయి. ఈ ఇసుక తవ్వకాల వల్ల నది పరిసర ప్రాంతాల్లో లోతైన గుంతలు ఏర్పడుతున్నాయని, ఇది రైతులు, పశువులకు ప్రాణాపాయం కలిగిస్తోందని గ్రామస్తులు చెబుతున్నారు. గతంలోనూ ప్రమాదాలు సంభవించినట్లు పేర్కొంటున్నారు. భారీ స్థాయిలో ఇసుక తొలగింపు వల్ల భూగర్భ జలాలపై తీవ్ర ప్రతికూల ప్రభావం పడే ప్రమాదం ఉందని స్థానికులు ఆందోళన చెందుతున్నారు. గ్రామంలో ఇప్పటికే నీటి సమస్య ఉండగా, నదిలో ఇసుక తగ్గడం వల్ల బోర్లలో నీటి మట్టాలు మరింత పడిపోయే అవకాశం ఉందని వారు ఆవేదన వ్యక్తం చేస్తున్నారు. పరిస్థితి మరింత విషమించేలోపు జిల్లా కలెక్టర్, సంబంధిత యంత్రాంగం వెంటనే స్పందించి ఘటనపై సమగ్ర విచారణ జరిపి అక్రమ తవ్వకాలను అడ్డుకోవడంతో పాటు బాధ్యులపై కఠిన చర్యలు తీసుకోవాలని స్థానికులు డిమాండ్ చేస్తున్నారు.

Purane Dileep

బోధన్, నిజామాబాద్, తెలంగాణ•

5 hrs ago

సాలురా మండలం తగ్గేల్లి సమీపంలోని మంజీర నదిలో జరుగుతున్న అక్రమ ఇసుక తవ్వకాలపై స్థానికులు తీవ్ర ఆందోళన వ్యక్తం చేస్తున్నారు. మహారాష్ట్రకు చెందిన కొందరు వ్యక్తులు తెలంగాణ పరిధిలోకి చొరబడి జేసీబీలు, టిప్పర్ల సహాయంతో భారీగా ఇసుకను తవ్వి తరలిస్తున్నారని ఆరోపణలు వెల్లువెత్తుతున్నాయి. ఈ ఇసుక తవ్వకాల వల్ల నది పరిసర ప్రాంతాల్లో లోతైన గుంతలు ఏర్పడుతున్నాయని, ఇది రైతులు, పశువులకు ప్రాణాపాయం కలిగిస్తోందని గ్రామస్తులు చెబుతున్నారు. గతంలోనూ ప్రమాదాలు సంభవించినట్లు పేర్కొంటున్నారు. భారీ స్థాయిలో ఇసుక తొలగింపు వల్ల భూగర్భ జలాలపై తీవ్ర ప్రతికూల ప్రభావం పడే ప్రమాదం ఉందని స్థానికులు ఆందోళన చెందుతున్నారు. గ్రామంలో ఇప్పటికే నీటి సమస్య ఉండగా, నదిలో ఇసుక తగ్గడం వల్ల బోర్లలో నీటి మట్టాలు మరింత పడిపోయే అవకాశం ఉందని వారు ఆవేదన వ్యక్తం చేస్తున్నారు. పరిస్థితి మరింత విషమించేలోపు జిల్లా కలెక్టర్, సంబంధిత యంత్రాంగం వెంటనే స్పందించి ఘటనపై సమగ్ర విచారణ జరిపి అక్రమ తవ్వకాలను అడ్డుకోవడంతో పాటు బాధ్యులపై కఠిన చర్యలు తీసుకోవాలని స్థానికులు డిమాండ్ చేస్తున్నారు.