उद्घाटनापूर्वीच बस स्थानक गळू लागले; १३ कोटींवर पाणी?प्रवाशांच्या सुरक्षेचा प्रश्न ऐरणीवर उद्घाटनापूर्वीच बस स्थानक गळू लागले; १३ कोटींवर पाणी?.. बीड शहरात नव्याने उभारण्यात आलेले कोट्यवधी रुपयांचे बस स्थानक उद्घाटनापूर्वीच निकृष्ट दर्जाच्या कामामुळे वादाच्या भोवऱ्यात सापडले आहे. नुकत्याच झालेल्या पावसात बस स्थानकाच्या छतावरील विद्युत दिव्यांमधून थेट पाणी गळू लागल्याचा धक्कादायक प्रकार समोर आला असून, यामुळे प्रवाशांच्या सुरक्षिततेचा गंभीर प्रश्न निर्माण झाला आहे. मिळालेल्या माहितीनुसार सुमारे १३ कोटी रुपये खर्चून उभारण्यात आलेल्या या बस स्थानकात पावसाचे पाणी थेट लाईट्समधून खाली येत असल्याने बसची प्रतीक्षा करणाऱ्या नागरिकांमध्ये भीतीचे वातावरण निर्माण झाले होते. करंट लागण्याच्या भीतीमुळे प्रवाशांना बसण्यासाठीही अडचणींचा सामना करावा लागत आहे. विशेष म्हणजे, याच पावसात शहरात नव्याने बसवण्यात आलेले काही सिग्नलही कोसळल्याच्या घटना घडल्या आहेत. त्यामुळे शहरातील विविध विकासकामांच्या दर्जाबाबत प्रश्नचिन्ह उपस्थित होत असून, एकामागून एक निकृष्ट कामे उघडकीस येत असल्याने नागरिकांमध्ये संतापाची लाट उसळली आहे. नवीन कामांचे टेंडर मिळताच काही ठेकेदार आणि संबंधित यंत्रणा आर्थिक लाभाकडे अधिक लक्ष देतात, मात्र कामाच्या गुणवत्तेकडे दुर्लक्ष होते, अशी तीव्र प्रतिक्रिया स्थानिक नागरिकांकडून व्यक्त होत आहे. दरम्यान, या संपूर्ण प्रकाराची सखोल चौकशी करून संबंधित ठेकेदार व जबाबदार अधिकाऱ्यांवर कडक कारवाई करावी, तसेच बस स्थानकातील तांत्रिक त्रुटी तात्काळ दुरुस्त करून प्रवाशांची सुरक्षितता सुनिश्चित करावी, अशी जोरदार मागणी नागरिकांकडून केली जात आहे.

पत्रकार ओमप्रकाश उढाण

घनसावंगी, जालना, महाराष्ट्र•

5 hrs ago

उद्घाटनापूर्वीच बस स्थानक गळू लागले; १३ कोटींवर पाणी?प्रवाशांच्या सुरक्षेचा प्रश्न ऐरणीवर उद्घाटनापूर्वीच बस स्थानक गळू लागले; १३ कोटींवर पाणी?.. बीड शहरात नव्याने उभारण्यात आलेले कोट्यवधी रुपयांचे बस स्थानक उद्घाटनापूर्वीच निकृष्ट दर्जाच्या कामामुळे वादाच्या भोवऱ्यात सापडले आहे. नुकत्याच झालेल्या पावसात बस स्थानकाच्या छतावरील विद्युत दिव्यांमधून थेट पाणी गळू लागल्याचा धक्कादायक प्रकार समोर आला असून, यामुळे प्रवाशांच्या सुरक्षिततेचा गंभीर प्रश्न निर्माण झाला आहे. मिळालेल्या माहितीनुसार सुमारे १३ कोटी रुपये खर्चून उभारण्यात आलेल्या या बस स्थानकात पावसाचे पाणी थेट लाईट्समधून खाली येत असल्याने बसची प्रतीक्षा करणाऱ्या नागरिकांमध्ये भीतीचे वातावरण निर्माण झाले होते. करंट लागण्याच्या भीतीमुळे प्रवाशांना बसण्यासाठीही अडचणींचा सामना करावा लागत आहे. विशेष म्हणजे, याच पावसात शहरात नव्याने बसवण्यात आलेले काही सिग्नलही कोसळल्याच्या घटना घडल्या आहेत. त्यामुळे शहरातील विविध विकासकामांच्या दर्जाबाबत प्रश्नचिन्ह उपस्थित होत असून, एकामागून एक निकृष्ट कामे उघडकीस येत असल्याने नागरिकांमध्ये संतापाची लाट उसळली आहे. नवीन कामांचे टेंडर मिळताच काही ठेकेदार आणि संबंधित यंत्रणा आर्थिक लाभाकडे अधिक लक्ष देतात, मात्र कामाच्या गुणवत्तेकडे दुर्लक्ष होते, अशी तीव्र प्रतिक्रिया स्थानिक नागरिकांकडून व्यक्त होत आहे. दरम्यान, या संपूर्ण प्रकाराची सखोल चौकशी करून संबंधित ठेकेदार व जबाबदार अधिकाऱ्यांवर कडक कारवाई करावी, तसेच बस स्थानकातील तांत्रिक त्रुटी तात्काळ दुरुस्त करून प्रवाशांची सुरक्षितता सुनिश्चित करावी, अशी जोरदार मागणी नागरिकांकडून केली जात आहे.