नगरसेवक समीर समदडीया यांच्या वाढदिवसानिमित्त 'सेवा सप्ताह'; विविध विकासकामांचा शुभारंभ ​ भारतीय जनता युवा मोर्चाचे जिल्हाध्यक्ष तथा नगरसेवक समीर समदडीया यांच्या वाढदिवसानिमित्त शहरात 'सेवा सप्ताह' उत्साहात साजरा करण्यात येत आहे. या औचित्यावर समीर समदडीया यांनी मंत्री गिरीश महाजन यांच्या माध्यमातून लाखो रुपयांचा निधी मंजूर करून आणत शहरात विकासकामांची मोठी 'झलक' दाखविली आहे. ​या निधीतून इंद्रप्रस्थ नगर येथील हनुमान मंदिराजवळ वॉल कंपाऊंडचे काम मंजूर करण्यात आले आहे. तसेच रोकडोबा येथील हनुमान मंदिरालाही वॉल कंपाऊंड व पथदीपांचे (स्ट्रीट लाईट) काम मंजूर झाल्याने स्थानिक नागरिकांनी समाधान व्यक्त केले आहे. वाढदिवसानिमित्त केवळ घोषणाबाजी न करता प्रत्यक्ष विकासकामे मार्गी लावल्याने शहरात विविध ठिकाणी समदडीया यांचा सत्कार करण्यात आला. ​सेवा सप्ताहाचा भाग म्हणून भारतीय जनता युवा मोर्चातर्फे उपजिल्हा रुग्णालयात रुग्णांना फळ वाटप करून सामाजिक बांधिलकी जपण्यात आली. याप्रसंगी बंडू क्षीरसागर, दिनेश परदेशी, बापू गाडेकर, धिरजसिंग परदेशी, युवराज पाटोळे, सचिन साबळे, बंटी धसे, दीपक टकले, गणेश गायकवाड, संतोष नागपुरे यांसह पदाधिकारी व कार्यकर्ते मोठ्या संख्येने उपस्थित होते.

शिंदे पाटील चषकचे अध्यक्ष गणेशभाऊ शिंदे आणि उपाध्यक्ष सुनील शिंदे यांचा, तसेच शिवसेना उपजिल्हाप्रमुख अमोलभाऊ शिंदे व शिंदे पाटील फाउंडेशनच्या पदाधिकाऱ्यांचा भव्य सन्मान सोहळा पार पडला. अर्जुन जावळे यांच्या वतीने या विशेष सत्कार स्वामी मुक्तानंद क्रीडांगण येथे समारंभाचे आयोजन करण्यात आले होते. ​कार्यक्रमाची सुरुवात ढोल-ताशांच्या गजरात आणि फटाक्यांच्या अतिषबाजीने करण्यात आली. यावेळी संपूर्ण परिसर उत्साहाने न्हाऊन निघाला होता. शिंदे पाटील चषकच्या माध्यमातून क्रीडा क्षेत्रात आणि सामाजिक कार्यात दिलेल्या योगदानाबद्दल हा गौरव करण्यात आला. अर्जुन जावळे यांनी यावेळी भावना व्यक्त करताना सांगितले की, तरुणांना व्यासपीठ मिळवून देण्यासाठी शिंदे पाटील फाउंडेशनचे कार्य कौतुकास्पद आहे. ​याप्रसंगी शिंदे पाटील फाउंडेशनचे सर्व प्रमुख कार्यकर्ते आणि पदाधिकारी मोठ्या संख्येने उपस्थित होते. सत्काराला उत्तर देताना गणेशभाऊ शिंदे यांनी उपस्थितांचे आभार मानले व भविष्यातही समाजहिताचे आणि क्रीडा क्षेत्रातील कार्य जोमाने सुरू ठेवण्याचा संकल्प व्यक्त केला. या सोहळ्याने कार्यकर्त्यांमध्ये नवा उत्साह संचारला असून राजकीय व सामाजिक वर्तुळात या सत्कार सोहळ्याची मोठी चर्चा रंगली आहे. ब्युरो रिपोर्ट सचिन वखारे येवला

कोपरगाव तालुका तिर्थक्षेत्र कोकमठाण कारवाडी येथील जिल्हा परिषद प्राथमिक शाळा येथील शिक्षिका सौ काशिद मॅडम, शिक्षक अतुले सर यांच्या मार्गदर्शनाखाली विद्यार्थ्यांना मार्गदर्शन करून आनंदात मेळावा समिती अध्यक्ष राणी ताई लोहकणे, सदस्य ज्ञानेश्वर माऊली रकताटे सह ग्रामस्थ उपस्थित होते सामाजिक कार्यकर्ते शिवाजी कवडे पाटील 8805077797

क्या मालेगांव शहर में अब होगा विकास काम सुधरेंगे सड़के

Post by D.hपत्रकार Honmane

Post by शेख अजहर ताहेर (पत्रकार)

नाशिक:खुटवड नगर परिसरात दुपारी भरधाव ट्रकचे नियंत्रण सुटल्याने भीषण अपघात घडला. ट्रकने अनेक दुचाकी-चारचाकींना जोरदार धडक देत पादचाऱ्यांनाही चिरडले. या घटनेत एका महिलेचा जागीच मृत्यू झाला, तर ३ ते ४ जण गंभीर जखमी झाले. सीसीटीव्हीनुसार ट्रक वेगात असल्याने चालकाचे नियंत्रण सुटले. अपघातानंतर काही काळ वाहतूक विस्कळीत झाली. जखमींना तातडीने रुग्णालयात दाखल करण्यात आले असून त्यांच्यावर उपचार सुरू आहेत. पोलिसांनी चालकाला ताब्यात घेण्याची प्रक्रिया सुरू केली असून तो नशेत होता का याचा तपास सुरू आहे.

NASHIK : खुटवड नगर भागात आज दुपारच्या सुमारास एका भरधाव ट्रकने अनेक वाहनांना उडवले. या ट्रकने रस्त्यावरील अनेक दुचाकी आणि चारचाकी वाहनांना जोरदार धडक दिली, तसेच रस्त्यावरून चालणाऱ्या पादचाऱ्यांनाही चिरडले. या भीषण अपघातात एका महिलेचा जागीच मृत्यू झाला असून, ३ ते ४ जण गंभीर जखमी झाले आहेत.. घटना सीसीटीव्ही कॅमेरा कैद..

"शासकीय सेवा ही केवळ उदरनिर्वाहाचे साधन नसून ती समाजसेवेची एक मोठी संधी आहे. आपल्या प्रदीर्घ कार्यकाळात प्रा. बाळासाहेब आहेर यांनी अत्यंत प्रामाणिकपणे आणि निष्ठेने ज्ञानदानाचे पवित्र कार्य केले. त्यांच्या मार्गदर्शनाखाली अनेक विद्यार्थी घडले, हेच त्यांच्या सेवेचे खरे फळ आहे," असे गौरवद्गार श्री गुरुदेव शिक्षण प्रसारक मंडळाचे अध्यक्ष डॉ. अमृतसा पहिलवान यांनी काढले. ​येथील स्वामी मुक्तानंद विद्यालयातील उच्च माध्यमिक व्यवसाय अभ्यासक्रम विभाग प्रमुख प्रा. बाळासाहेब आहेर यांच्या सेवानिवृत्तीनिमित्त आयोजित सत्कार सोहळ्यात ते अध्यक्षस्थानावरून बोलत होते. स्वामी मुक्तानंद शैक्षणिक संकुलात हा सोहळा अत्यंत भावपूर्ण वातावरणात संपन्न झाला. ​आहेर दांपत्याचा सन्मान ​कार्यक्रमाच्या प्रारंभी प्रा. बाळासाहेब आहेर आणि त्यांच्या सुविद्य पत्नी जयश्रीताई आहेर यांचा शाल, श्रीफळ, गुलाबपुष्प आणि गौरवपत्र देऊन संस्थेच्या वतीने विशेष सत्कार करण्यात आला. यावेळी त्यांच्या कन्या प्राजक्ता व नेहा, जावई आशुतोष महाले व ऋषिकेश विसे, व्याही नारायण विसे, बंधू ॲड. प्रदीप पाटील व इतर नातेवाईकांचाही विद्यालयाच्या वतीने यथोचित सन्मान करण्यात आला. ​आठवणींना दिला उजाळा ​संस्थेचे संचालक संजय नागडेकर यांनी प्रा. आहेर यांच्या कार्यकुशलतेबद्दल बोलताना त्यांच्या शिस्तप्रिय स्वभावाचे आणि कामातील तत्परतेचे कौतुक केले. दत्तात्रय नागडेकर यांनीही त्यांच्या शैक्षणिक योगदानाचा गौरव केला. सत्काराला उत्तर देताना प्रा. आहेर भावुक झाले. "या विद्यालयातील प्रत्येक कर्मचारी माझ्या कुटुंबाचा भाग आहे. सेवानिवृत्त होत असलो तरी येथील ऋणानुबंध कायम राहतील," असे त्यांनी नमूद केले. ​पोलीस भरतीतील यशस्वी विद्यार्थिनीचा सत्कार ​याच सोहळ्यात विद्यालयाची माजी विद्यार्थिनी गायत्री रमेश भोईटे हिची 'नाशिक ग्रामीण पोलीस दलात' निवड झाल्याबद्दल तिचा व वडील रमेश भोईटे यांचा संस्थेच्या वतीने विशेष सत्कार करण्यात आला. ​या सोहळ्याला संस्थेचे सचिव सुधांशूभाऊ खानापुरे, खजिनदार तेजसभाऊ गायकवाड, सचिन एंडाईत, प्रवीण नागडेकर, अमोल एंडाईत उपस्थित होते. तसेच प्राचार्य ज्ञानेश्वर भागवत, उपप्राचार्य आर. बी. सोनवणे, उपप्राचार्य अंबादास ढोले, प्राचार्य डॉ. पाचोरे, पर्यवेक्षक खैरनार सर, साताळकर सर यांच्यासह शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते. ​कार्यक्रमाचे प्रास्ताविक प्राचार्य ज्ञानेश्वर भागवत यांनी केले. पाहुण्यांचा परिचय प्रा. दीपक खरे यांनी करून दिला, तर गौरवपत्राचे वाचन प्रा. दिपाली मते यांनी केले. नेहा विसे यांनी आपल्या वडिलांच्या सेवाप्रवासाविषयी मनोगत व्यक्त केले. सूञसंचालन प्रा. शरद पाडवी यांनी केले, तर आभार प्रदर्शन उपप्राचार्य राजेंद्र सोनवणे यांनी मानले. ब्युरो रिपोर्ट सचिन वखारे येवला