भंडारा जिल्ह्यातील साकोली तालुक्यात येणाऱ्या खैरी वलमाझरी ग्रामपंचायत अंतर्गत दिनांक ३१ मे २०२६ रोजी 'जागतिक तंबाखू विरोधी दिन' यशस्वीपणे साजरा करण्यात आला. जिल्हा शल्य चिकित्सक, जिल्हा रुग्णालय, भंडारा आणि जिल्हा आरोग्य अधिकारी, जिल्हा परिषद, भंडारा यांच्या मार्गदर्शक सूचनेनुसार, 'माझं गावं, आरोग्य संपन्न गाव' ग्रामस्तरीय कृती समितीच्या वतीने या कार्यक्रमाचे आयोजन करण्यात आले होते. या वर्षी जागतिक आरोग्य संघटनेने (WHO) 'जागतिक तंबाखू विरोध दिवस' साठी "आकर्षणाचा बुरखा फाडणे: निकोटीन आणि तंबाखूचे व्यसन रोखणे" ही मध्यवर्ती संकल्पना (Theme) दिली होती. या संकल्पनेनुसार तरुण पिढीला आणि नागरिकांना तंबाखूच्या घातक प्रभावांपासून दूर ठेवण्याबाबत प्रबोधन करण्यात आले. या दिनाचे औचित्य साधून ग्रामपंचायत कार्यालय वलमाझरी येथे उपस्थित सर्व अधिकारी, कर्मचारी, ग्रामस्तरीय कृती समितीचे सदस्य आणि ग्रामस्थांनी सामूहिक शपथ घेतली. या शपथेमध्ये तंबाखू व निकोटीनचे व्यसन न करण्याची तसेच संपूर्ण गाव तंबाखूमुक्त ठेवण्याची प्रतिज्ञा करण्यात आली. या कार्यक्रमाला प्रशासक पुरुषोत्तम गणेशराम रुखमाडे, उपाध्यक्ष श्री. सत्यपाल मरसकोल्हे, सदस्य श्री. प्रबुद्ध नागदेवे यांच्यासह ग्रामपंचायत पदाधिकारी, समुदाय आरोग्य अधिकारी डॉ. एस. एम. तिडके, डॉ. कुमारी शृंगाली फुलबांधे, आरोग्य कर्मचारी, ग्रामपंचायत अधिकारी श्री. नरेश शिवणकर, अंगणवाडी व आशा सेविका, ग्रामपंचायत कर्मचारी तसेच स्थानिक नागरिक मोठ्या संख्येने उपस्थित होते.

मनिषा विजय काशीवार

साकोली, भंडारा, महाराष्ट्र•

2 hrs ago

भंडारा जिल्ह्यातील साकोली तालुक्यात येणाऱ्या खैरी वलमाझरी ग्रामपंचायत अंतर्गत दिनांक ३१ मे २०२६ रोजी 'जागतिक तंबाखू विरोधी दिन' यशस्वीपणे साजरा करण्यात आला. जिल्हा शल्य चिकित्सक, जिल्हा रुग्णालय, भंडारा आणि जिल्हा आरोग्य अधिकारी, जिल्हा परिषद, भंडारा यांच्या मार्गदर्शक सूचनेनुसार, 'माझं गावं, आरोग्य संपन्न गाव' ग्रामस्तरीय कृती समितीच्या वतीने या कार्यक्रमाचे आयोजन करण्यात आले होते. या वर्षी जागतिक आरोग्य संघटनेने (WHO) 'जागतिक तंबाखू विरोध दिवस' साठी "आकर्षणाचा बुरखा फाडणे: निकोटीन आणि तंबाखूचे व्यसन रोखणे" ही मध्यवर्ती संकल्पना (Theme) दिली होती. या संकल्पनेनुसार तरुण पिढीला आणि नागरिकांना तंबाखूच्या घातक प्रभावांपासून दूर ठेवण्याबाबत प्रबोधन करण्यात आले. या दिनाचे औचित्य साधून ग्रामपंचायत कार्यालय वलमाझरी येथे उपस्थित सर्व अधिकारी, कर्मचारी, ग्रामस्तरीय कृती समितीचे सदस्य आणि ग्रामस्थांनी सामूहिक शपथ घेतली. या शपथेमध्ये तंबाखू व निकोटीनचे व्यसन न करण्याची तसेच संपूर्ण गाव तंबाखूमुक्त ठेवण्याची प्रतिज्ञा करण्यात आली. या कार्यक्रमाला प्रशासक पुरुषोत्तम गणेशराम रुखमाडे, उपाध्यक्ष श्री. सत्यपाल मरसकोल्हे, सदस्य श्री. प्रबुद्ध नागदेवे यांच्यासह ग्रामपंचायत पदाधिकारी, समुदाय आरोग्य अधिकारी डॉ. एस. एम. तिडके, डॉ. कुमारी शृंगाली फुलबांधे, आरोग्य कर्मचारी, ग्रामपंचायत अधिकारी श्री. नरेश शिवणकर, अंगणवाडी व आशा सेविका, ग्रामपंचायत कर्मचारी तसेच स्थानिक नागरिक मोठ्या संख्येने उपस्थित होते.