ବାବାମଣି ମନ୍ଦିରରେ ପ୍ରତ୍ୟେକ ଦିନ ଭୋର ୪ ଘଟିକାରେ ପହୁଡ଼ ଖୋଲାଯାଇଥାଏ। ପହୁଡ଼ ଖୋଲାଯିବା ପରେ ତୁରନ୍ତ ମଙ୍ଗଳା ଆଳତି ଅନୁଷ୍ଠିତ ହୋଇଥାଏ। ଭକ୍ତମାନଙ୍କୁ ବାବାମଣିଙ୍କର ଏହି ମଙ୍ଗଳା ଆଳତି ଦର୍ଶନ କରି ଆଶିଷ ଲାଭ କରିବା ପାଇଁ ଆହ୍ୱାନ କରାଯାଇଛି। ଜୟ ବାବାମଣି।

ବାବାମଣି ମନ୍ଦିରରେ ପ୍ରତ୍ୟେକ ଦିନ ଭୋର ୪ ଘଟିକାରେ ପହୁଡ଼ ଖୋଲାଯାଇଥାଏ। ପହୁଡ଼ ଖୋଲାଯିବା ପରେ ତୁରନ୍ତ ମଙ୍ଗଳା ଆଳତି ଅନୁଷ୍ଠିତ ହୋଇଥାଏ। ଭକ୍ତମାନଙ୍କୁ ବାବାମଣିଙ୍କର ଏହି ମଙ୍ଗଳା ଆଳତି ଦର୍ଶନ କରି ଆଶିଷ ଲାଭ କରିବା ପାଇଁ ଆହ୍ୱାନ କରାଯାଇଛି। ଜୟ ବାବାମଣି।

ଭଦ୍ରକର ବନ୍ତରେ ବିଦ୍ୟୁତ୍ କର୍ମଚାରୀଙ୍କୁ ମାଡ଼ ମାରିବା ଘଟଣାରେ ବିଦ୍ୟୁତ୍ ବିଭାଗ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି କାର୍ଯ୍ୟାନୁଷ୍ଠାନ ସ୍ୱରୂପ, ସମ୍ପୃକ୍ତ ବିଦ୍ୟୁତ୍ ଉପଭୋକ୍ତାଙ୍କ ଘରୁ ବିଦ୍ୟୁତ୍ ସଂଯୋଗକୁ ସବୁଦିନ ପାଇଁ କାଟି ଦିଆଯାଇଛି। ଫଳରେ ବିଦ୍ୟୁତ୍ ଉପଭୋକ୍ତା ବଡ଼ ସମସ୍ୟାରେ ପଡ଼ିଥିବା ଦେଖିବାକୁ ମିଳିଛି।

ଭଦ୍ରକ ଜିଲ୍ଲା ବନ୍ତ ଥାନା ଅଧୀନ ଚଣ୍ଡୀପୁର ଗାଁରେ ବିଦ୍ୟୁତ୍ କର୍ମଚାରୀଙ୍କ ଉପରେ ହୋଇଥିବା ଆକ୍ରମଣ ଘଟଣା ପରେ ବିଦ୍ୟୁତ୍ ବିଭାଗ ପୋଲିସ୍ ଫୋର୍ସ ସହିତ ସେଠାରେ ପହଞ୍ଚିଛି। ବିଭାଗ ଘଟଣାସ୍ଥଳରୁ ମିଟର ଓ ତାର ଜବତ କରିବା ସହ ଲଟକା ଜାରି କରିଛି।

ଭଦ୍ରକ ତହସିଲଦାରଙ୍କ କାର୍ଯ୍ୟାଳୟ ନିକଟରେ ଏକ ମଲା ଗଛ ବିପଦପୂର୍ଣ୍ଣ ଅବସ୍ଥାରେ ରହିଛି। ଏହି ମୃତ ଗଛଟି ଯେକୌଣସି ସମୟରେ ତଳକୁ ଖସି କାହାର ଜୀବନ ନେଇପାରେ ବୋଲି ଆଶଙ୍କା ପ୍ରକାଶ ପାଇଛି। ଏହାକୁ ଦୃଷ୍ଟିରେ ରଖି ଭଦ୍ରକ ପ୍ରଶାସନ ତୁରନ୍ତ ଏହି ବିଷୟରେ ଧ୍ୟାନ ଦେବାକୁ ଅନୁରୋଧ କରାଯାଇଛି।

ପେଟ୍ରୋଲ ଟାଙ୍କିରୁ ବୋତଲ କିମ୍ବା ଜାରକିନରେ ତେଲ ନେବା ଉପରେ କଟକଣା ଲାଗୁ ହେବା ଯୋଗୁଁ ବ୍ୟାପକ ସମସ୍ୟା ସୃଷ୍ଟି ହୋଇଛି। ଏହି ନିୟମ ଯୋଗୁଁ ଟ୍ରାକ୍ଟର ହଳ ଉପରେ ନିର୍ଭରଶୀଳ ଚାଷୀ, ଚିଙ୍ଗୁଡ଼ି ଘେରି ମାଲିକ ଏବଂ ହ୍ୟାଚେରୀ ମାଲିକମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ପୂର୍ବ ପରି ଜାରକିନରେ ତେଲ ନମିଳିବାରୁ ଚାଷକାର୍ଯ୍ୟ ବାଧାପ୍ରାପ୍ତ ହୋଇଛି, କାରଣ ଟ୍ରାକ୍ଟର ବିଲରେ ଚାଲିପାରୁନାହିଁ। ଏହାବ୍ୟତୀତ, ଅକ୍ସିଜେନ ଅଭାବରୁ ଘେରିରେ ଥିବା ଚିଙ୍ଗୁଡ଼ି ମରି ଯାଇଛନ୍ତି ଏବଂ ହ୍ୟାଚେରୀରେ ଚିଆଁ ସବୁ ମରି ଯାଉଛନ୍ତି। ଏଭଳି ସ୍ଥିତିରେ ବ୍ୟାଙ୍କ କିମ୍ବା ସୋସାଇଟିରୁ ଋଣ ନେଇ ଚାଷ କରୁଥିବା ସମସ୍ତ ବର୍ଗର ଚାଷୀମାନେ ବ୍ୟାପକ କ୍ଷୟକ୍ଷତିର ସମ୍ମୁଖୀନ ହୋଇ ନିରାଶ ହୋଇପଡ଼ିଛନ୍ତି। ଏହା ସହିତ, ବ୍ୟାଙ୍କ, ବ୍ୟବସାୟ ପ୍ରତିଷ୍ଠାନ ଏବଂ ସ୍ୱାସ୍ଥ୍ୟକେନ୍ଦ୍ରରେ ଡିଜି ଚାଲି ନପାରିବାରୁ ଜରୁରୀକାଳୀନ ସେବା ମଧ୍ୟ ପ୍ରଭାବିତ ହୋଇଛି। ଏହି ସମସ୍ୟା ପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେଇ ସୁବିଚାର କରିବାକୁ ଜିଲ୍ଲା ପେଟ୍ରୋଲ ମାଲିକ ସଂଘ ପକ୍ଷରୁ ଜିଲ୍ଲାପାଳ, ଏଡିଏମ ଏବଂ ସିଏସଓଙ୍କୁ ଏକ ସ୍ମାରକପତ୍ର ପ୍ରଦାନ କରାଯାଇଛି। ସଂଘର ସଭାପତି ଶ୍ରୀ ସନ୍ତୋଷ କୁମାର ସାହୁ ଏହି ସୂଚନା ଦେଇଛନ୍ତି।

ଦୁବାଇରେ ପ୍ରବାସୀ ଓଡ଼ିଆ ତଥା ଜଣେ ଅନୁଭବୀ ସ୍କୁବା ଡାଇଭର ପ୍ରିୟଦର୍ଶୀ ପାଣିଗ୍ରାହୀ ପୁଣିଥରେ ଆନ୍ତର୍ଜାତୀୟ ସ୍ତରରେ ଓଡ଼ିଶାର ନାମକୁ ଗୌରବାନ୍ୱିତ କରିଛନ୍ତି। ସେ ଜୋର୍ଡାନର ଆକାବା ଉପକୂଳରେ ଲାଲ ସାଗର ତଳେ ବୁଡ଼ିଥିବା ଏକ ବିଶାଳ Lockheed L-1011 TriStar ବିମାନ ଭିତରେ ପ୍ରବେଶ କରି ୯୪ ଫୁଟ୍ ଗଭୀରରେ ଏକ ଦୁର୍ଲଭ ସ୍କୁବା ଡାଇଭ୍ ସଫଳତା ହାସଲ କରିଛନ୍ତି। ଏହି ପ୍ରବାସୀ ଓଡ଼ିଆ ପୁଅ ୯୪ ଫୁଟ୍ ଗଭୀର ସାଗରରେ ଏହି ବିଶେଷ ସ୍କୁବା ଡାଇଭ୍ ସଫଳତା ହାସଲ କରି ଓଡ଼ିଶା ପାଇଁ ଗୌରବ ଆଣିଛନ୍ତି।

ଭଦ୍ରକ ଜିଲ୍ଲାରେ ଡ୍ରଗ୍ସ ମାଫିଆମାନଙ୍କ ବେପାର ଖୁଲମ୍ ଖୋଲା ଭାବେ ଚାଲିଥିବା ସୂଚନା ମିଳିଛି। ଏହି କ୍ରମରେ, ଭଦ୍ରକ ପୋଲିସର ସ୍ପେସିଆଲ ସ୍କୁଆର୍ଡ୍ କାର୍ଯ୍ୟାନୁଷ୍ଠାନ ଗ୍ରହଣ କରି ଦୁଇ ଜଣ ଡ୍ରଗ୍ସ ମାଫିଆଙ୍କୁ କାବୁ କରିବାରେ ସଫଳ ହୋଇଛି।

ଯାଜପୁର ଜିଲ୍ଲା କୋରେଇ ବ୍ଲକ ଅନ୍ତର୍ଗତ ତାରାକୋଟ ଗ୍ରାମପଞ୍ଚାୟତରେ ଓଡ଼ିଶା ଡ୍ରାଇଭର ମହାସଂଘର ଜଣେ ସଦସ୍ୟଙ୍କ ଏକାଦଶାହ କ୍ରିୟା ଅବସରରେ ଜିଲ୍ଲାର ଡ୍ରାଇଭର ଭାଇମାନେ ସହଯୋଗର ହାତ ବଢ଼ାଇଛନ୍ତି। ସେମାନେ ସ୍ୱର୍ଗତ ସଦସ୍ୟ ସପନ କିଶୋର ଯେନାଙ୍କ ବାସଭବନରେ ପହଞ୍ଚି ତାଙ୍କ ପରିବାରକୁ ୩୦,୦୦୦ ଟଙ୍କା ଆର୍ଥିକ ସହାୟତା ପ୍ରଦାନ କରିଛନ୍ତି। ଏହି କାର୍ଯ୍ୟ ଡ୍ରାଇଭର ମହାସଂଘର ଏକତା, ଶକ୍ତି ଓ ମାନବିକତାକୁ ପ୍ରଦର୍ଶିତ କରୁଛି।