ପକ୍ଷୀ ସୁରକ୍ଷାରେ ୧୨ ବର୍ଷରୁ ଅଧିକ ସମୟ ଧରି ନିୟୋଜିତ ତାଳଚେର ର ସମାଜସେବୀ କ୍ଷିରୋଦ ସାହୁ ତାଳଚେର :- ପରିବେଶ, ବନ୍ୟଜନ୍ତୁ ଓ ପକ୍ଷୀ ସୁରକ୍ଷା କ୍ଷେତ୍ରରେ ନିରନ୍ତର କାର୍ଯ୍ୟ କରି ଆସୁଥିବା ତାଳଚେର ଅଞ୍ଚଳର ବିଶିଷ୍ଟ ସମାଜସେବୀ କ୍ଷିରୋଦ ସାହୁ ପୁଣିଥରେ ନିଜର ନିଆରା ସେବା ମାଧ୍ୟମରେ ଚର୍ଚ୍ଚାରେ ରହିଛନ୍ତି। ଦୀର୍ଘ ୧୨ ବର୍ଷରୁ ଅଧିକ ସମୟ ଧରି ସେ ବିଭିନ୍ନ ପ୍ରଜାତିର ପକ୍ଷୀଙ୍କ ସୁରକ୍ଷା, ଖାଦ୍ୟ ଯୋଗାଣ ଓ ସଂରକ୍ଷଣ କାର୍ଯ୍ୟରେ ନିୟମିତ ଭାବେ ନିୟୋଜିତ ରହିଛନ୍ତି। ପ୍ରତିଦିନ ସକାଳ ପ୍ରାୟ ୬ଟା ବେଳେ ଶ୍ରୀ ସାହୁ ନିଜ ବାସଭବନରେ ରହୁଥିବା ସମୟରେ ବିଭିନ୍ନ ପ୍ରକାରର ପକ୍ଷୀ ଆସି ସେମାନଙ୍କ ସ୍ୱର ମାଧ୍ୟମରେ ଖାଦ୍ୟର ଆବଶ୍ୟକତା ଜଣାଇଥାନ୍ତି। ପକ୍ଷୀମାନଙ୍କ ଆଚରଣ ଓ ସ୍ୱରକୁ ବୁଝି ସେ ଚାଉଳ, ଚଣା, ସେଉ, ରାଶି ଆଦି ଖାଦ୍ୟ ଯୋଗାଇ ଦେଇଥାନ୍ତି। ଏହା ପରେ ପକ୍ଷୀମାନେ ଶାନ୍ତିରେ ଖାଦ୍ୟ ଗ୍ରହଣ କରି ଆନନ୍ଦରେ ସମୟ ବିତାଇଥାନ୍ତି। ନିଜ ବାସଭବନ ପରିସରରେ ଥିବା ଗଛଗୁଡ଼ିକରେ ପକ୍ଷୀମାନଙ୍କ ପାଇଁ ମାଟି ପାତ୍ରରେ ପାଣି ରଖିବା ସହ ଗାଧୋଇବା ପାଇଁ ମଧ୍ୟ ଜଳପାତ୍ରର ବ୍ୟବସ୍ଥା କରିଛନ୍ତି। ଫଳରେ ପକ୍ଷୀମାନେ ସୁରକ୍ଷିତ ପରିବେଶରେ ଖାଦ୍ୟ, ଜଳ ଓ ଆଶ୍ରୟ ପାଇ ଉପକୃତ ହେଉଛନ୍ତି l ପ୍ରଥମେ ଅଳ୍ପ ସଂଖ୍ୟକ ଘରଚଟିଆ ପକ୍ଷୀ ଆସୁଥିବା ବେଳେ ବର୍ତ୍ତମାନ ଶୁଆ, ପାରା, କାଉ, କାଉଚିଆ, ଘରଚଟିଆ ଓ ଅନେକ ଅଜଣା ପ୍ରଜାତିର ୧୦୦ରୁ ଅଧିକ ପକ୍ଷୀ ନିୟମିତ ଭାବେ ତାଙ୍କ ବାସଭବନକୁ ଆସୁଛନ୍ତି। ସକାଳରୁ ସନ୍ଧ୍ୟା ପର୍ଯ୍ୟନ୍ତ ପକ୍ଷୀମାନେ ବାରମ୍ବାର ଆସି ଖାଦ୍ୟ ଗ୍ରହଣ କରିବା ସହ ପାଣି ପିଇବା ଓ ସ୍ନାନ କରିଥାନ୍ତି l ପକ୍ଷୀମାନଙ୍କ ପ୍ରଜନନ ସମୟରେ ଶ୍ରୀ ସାହୁ ସେମାନଙ୍କ ପାଇଁ ନିଜ ଘରର ସୁରକ୍ଷିତ ସ୍ଥାନରେ ବସା ବାନ୍ଧିବା ଓ ଅଣ୍ଡା ଦେବାର ସୁଯୋଗ ସୃଷ୍ଟି କରିଥାନ୍ତି। ଅଣ୍ଡାରୁ ଛୁଆ ବାହାରିବା ପରେ ଖୁଦ ଚାଉଳ ଯୋଗାଇ ମା' ପକ୍ଷୀଙ୍କ ମାଧ୍ୟମରେ ଛୁଆମାନଙ୍କ ଖାଦ୍ୟ ବ୍ୟବସ୍ଥା କରାଯାଏ। ଛୁଆ ପକ୍ଷୀମାନେ ଧୀରେ ଧୀରେ ଉଡ଼ିବା ଶିଖି ପ୍ରକୃତିର କୋଳକୁ ଫେରିଯାନ୍ତି l ଶ୍ରୀ ସାହୁ କେବଳ ପକ୍ଷୀ ସୁରକ୍ଷାରେ ସୀମିତ ନୁହଁନ୍ତି। ସେ ଜଣେ ପରିଚିତ ପରିବେଶବିତ୍ ଓ ସମାଜସେବୀ ଭାବେ ପରିଚିତ। ବୃକ୍ଷରୋପଣ, ବନ୍ୟଜନ୍ତୁ ସୁରକ୍ଷା, ରକ୍ତଦାନ ସଚେତନତା, ସିକିଲ ସେଲ ଓ ଥାଲାସେମିଆ ରୋଗୀଙ୍କ ସହାୟତା, ଅସହାୟ ମୃତଦେହର ସତ୍କାର ଭଳି ବିଭିନ୍ନ ଜନହିତକର କାର୍ଯ୍ୟରେ ମଧ୍ୟ ସେ ଦୀର୍ଘଦିନ ଧରି ନିୟୋଜିତ ଅଛନ୍ତି। ତାଙ୍କର ଏହି ଅବଦାନ ପାଇଁ ସେ ରାଜ୍ୟ ସରକାରଙ୍କ "ପ୍ରକୃତି ବନ୍ଧୁ" ପୁରସ୍କାର ସହ ବହୁ ସମ୍ମାନଜନକ ପୁରସ୍କାରରେ ସମ୍ମାନିତ ହୋଇଛନ୍ତି l ପକ୍ଷୀ ଓ ପ୍ରକୃତି ପ୍ରତି ତାଙ୍କର ଏହି ନିରବ ସେବା ଆଜି ସମାଜ ପାଇଁ ଏକ ପ୍ରେରଣା ପାଲଟିଛି। ପରିବେଶ ସୁରକ୍ଷା ଓ ଜୀବଜନ୍ତୁଙ୍କ ପ୍ରତି ସହାନୁଭୂତି ରଖିଲେ ମଣିଷ ଓ ପ୍ରକୃତି ମଧ୍ୟରେ ଥିବା ସମ୍ପର୍କ ଆହୁରି ଦୃଢ଼ ହୋଇପାରିବ ବୋଲି କ୍ଷିରୋଦ ସାହୁଙ୍କ କାର୍ଯ୍ୟ ପ୍ରମାଣ କରୁଛି l

Priya Madhaba Das

Journalist ତାଳଚେର ସଦର, ଅନୁଗୁଳ, ଓଡ଼ିଶା•

7 hrs ago

ପକ୍ଷୀ ସୁରକ୍ଷାରେ ୧୨ ବର୍ଷରୁ ଅଧିକ ସମୟ ଧରି ନିୟୋଜିତ ତାଳଚେର ର ସମାଜସେବୀ କ୍ଷିରୋଦ ସାହୁ ତାଳଚେର :- ପରିବେଶ, ବନ୍ୟଜନ୍ତୁ ଓ ପକ୍ଷୀ ସୁରକ୍ଷା କ୍ଷେତ୍ରରେ ନିରନ୍ତର କାର୍ଯ୍ୟ କରି ଆସୁଥିବା ତାଳଚେର ଅଞ୍ଚଳର ବିଶିଷ୍ଟ ସମାଜସେବୀ କ୍ଷିରୋଦ ସାହୁ ପୁଣିଥରେ ନିଜର ନିଆରା ସେବା ମାଧ୍ୟମରେ ଚର୍ଚ୍ଚାରେ ରହିଛନ୍ତି। ଦୀର୍ଘ ୧୨ ବର୍ଷରୁ ଅଧିକ ସମୟ ଧରି ସେ ବିଭିନ୍ନ ପ୍ରଜାତିର ପକ୍ଷୀଙ୍କ ସୁରକ୍ଷା, ଖାଦ୍ୟ ଯୋଗାଣ ଓ ସଂରକ୍ଷଣ କାର୍ଯ୍ୟରେ ନିୟମିତ ଭାବେ ନିୟୋଜିତ ରହିଛନ୍ତି। ପ୍ରତିଦିନ ସକାଳ ପ୍ରାୟ ୬ଟା ବେଳେ ଶ୍ରୀ ସାହୁ ନିଜ ବାସଭବନରେ ରହୁଥିବା ସମୟରେ ବିଭିନ୍ନ ପ୍ରକାରର ପକ୍ଷୀ ଆସି ସେମାନଙ୍କ ସ୍ୱର ମାଧ୍ୟମରେ ଖାଦ୍ୟର ଆବଶ୍ୟକତା ଜଣାଇଥାନ୍ତି। ପକ୍ଷୀମାନଙ୍କ ଆଚରଣ ଓ ସ୍ୱରକୁ ବୁଝି ସେ ଚାଉଳ, ଚଣା, ସେଉ, ରାଶି ଆଦି ଖାଦ୍ୟ ଯୋଗାଇ ଦେଇଥାନ୍ତି। ଏହା ପରେ ପକ୍ଷୀମାନେ ଶାନ୍ତିରେ ଖାଦ୍ୟ ଗ୍ରହଣ କରି ଆନନ୍ଦରେ ସମୟ ବିତାଇଥାନ୍ତି। ନିଜ ବାସଭବନ ପରିସରରେ ଥିବା ଗଛଗୁଡ଼ିକରେ ପକ୍ଷୀମାନଙ୍କ ପାଇଁ ମାଟି ପାତ୍ରରେ ପାଣି ରଖିବା ସହ ଗାଧୋଇବା ପାଇଁ ମଧ୍ୟ ଜଳପାତ୍ରର ବ୍ୟବସ୍ଥା କରିଛନ୍ତି। ଫଳରେ ପକ୍ଷୀମାନେ ସୁରକ୍ଷିତ ପରିବେଶରେ ଖାଦ୍ୟ, ଜଳ ଓ ଆଶ୍ରୟ ପାଇ ଉପକୃତ ହେଉଛନ୍ତି l ପ୍ରଥମେ ଅଳ୍ପ ସଂଖ୍ୟକ ଘରଚଟିଆ ପକ୍ଷୀ ଆସୁଥିବା ବେଳେ ବର୍ତ୍ତମାନ ଶୁଆ, ପାରା, କାଉ, କାଉଚିଆ, ଘରଚଟିଆ ଓ ଅନେକ ଅଜଣା ପ୍ରଜାତିର ୧୦୦ରୁ ଅଧିକ ପକ୍ଷୀ ନିୟମିତ ଭାବେ ତାଙ୍କ ବାସଭବନକୁ ଆସୁଛନ୍ତି। ସକାଳରୁ ସନ୍ଧ୍ୟା ପର୍ଯ୍ୟନ୍ତ ପକ୍ଷୀମାନେ ବାରମ୍ବାର ଆସି ଖାଦ୍ୟ ଗ୍ରହଣ କରିବା ସହ ପାଣି ପିଇବା ଓ ସ୍ନାନ କରିଥାନ୍ତି l ପକ୍ଷୀମାନଙ୍କ ପ୍ରଜନନ ସମୟରେ ଶ୍ରୀ ସାହୁ ସେମାନଙ୍କ ପାଇଁ ନିଜ ଘରର ସୁରକ୍ଷିତ ସ୍ଥାନରେ ବସା ବାନ୍ଧିବା ଓ ଅଣ୍ଡା ଦେବାର ସୁଯୋଗ ସୃଷ୍ଟି କରିଥାନ୍ତି। ଅଣ୍ଡାରୁ ଛୁଆ ବାହାରିବା ପରେ ଖୁଦ ଚାଉଳ ଯୋଗାଇ ମା' ପକ୍ଷୀଙ୍କ ମାଧ୍ୟମରେ ଛୁଆମାନଙ୍କ ଖାଦ୍ୟ ବ୍ୟବସ୍ଥା କରାଯାଏ। ଛୁଆ ପକ୍ଷୀମାନେ ଧୀରେ ଧୀରେ ଉଡ଼ିବା ଶିଖି ପ୍ରକୃତିର କୋଳକୁ ଫେରିଯାନ୍ତି l ଶ୍ରୀ ସାହୁ କେବଳ ପକ୍ଷୀ ସୁରକ୍ଷାରେ ସୀମିତ ନୁହଁନ୍ତି। ସେ ଜଣେ ପରିଚିତ ପରିବେଶବିତ୍ ଓ ସମାଜସେବୀ ଭାବେ ପରିଚିତ। ବୃକ୍ଷରୋପଣ, ବନ୍ୟଜନ୍ତୁ ସୁରକ୍ଷା, ରକ୍ତଦାନ ସଚେତନତା, ସିକିଲ ସେଲ ଓ ଥାଲାସେମିଆ ରୋଗୀଙ୍କ ସହାୟତା, ଅସହାୟ ମୃତଦେହର ସତ୍କାର ଭଳି ବିଭିନ୍ନ ଜନହିତକର କାର୍ଯ୍ୟରେ ମଧ୍ୟ ସେ ଦୀର୍ଘଦିନ ଧରି ନିୟୋଜିତ ଅଛନ୍ତି। ତାଙ୍କର ଏହି ଅବଦାନ ପାଇଁ ସେ ରାଜ୍ୟ ସରକାରଙ୍କ "ପ୍ରକୃତି ବନ୍ଧୁ" ପୁରସ୍କାର ସହ ବହୁ ସମ୍ମାନଜନକ ପୁରସ୍କାରରେ ସମ୍ମାନିତ ହୋଇଛନ୍ତି l ପକ୍ଷୀ ଓ ପ୍ରକୃତି ପ୍ରତି ତାଙ୍କର ଏହି ନିରବ ସେବା ଆଜି ସମାଜ ପାଇଁ ଏକ ପ୍ରେରଣା ପାଲଟିଛି। ପରିବେଶ ସୁରକ୍ଷା ଓ ଜୀବଜନ୍ତୁଙ୍କ ପ୍ରତି ସହାନୁଭୂତି ରଖିଲେ ମଣିଷ ଓ ପ୍ରକୃତି ମଧ୍ୟରେ ଥିବା ସମ୍ପର୍କ ଆହୁରି ଦୃଢ଼ ହୋଇପାରିବ ବୋଲି କ୍ଷିରୋଦ ସାହୁଙ୍କ କାର୍ଯ୍ୟ ପ୍ରମାଣ କରୁଛି l