રાજ્યના સરહદી અને નવનિર્મિત જિલ્લા મથક થરાદ શહેરના આઈકોનિક રોડ, સર્કિટ હાઉસ નજીક ૧૨મા આંતરરાષ્ટ્રીય યોગ દિવસની જિલ્લા કક્ષાની ભવ્ય અને અભૂતપૂર્વ ઉજવણી કરવામાં આવી હતી. ગુજરાત વિધાનસભાના અધ્યક્ષ શ્રી શંકરભાઈ ચૌધરીના અધ્યક્ષસ્થાને યોજાયેલા આ કાર્યક્રમમાં થરાદ વિસ્તારના હજારો નાગરિકો, વિદ્યાર્થીઓ, યુવાનો અને વડીલોએ વહેલી સવારે ઉત્સાહભેર ભાગ લીધો હતો. રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ, ગુજરાત રાજ્ય યોગ બોર્ડ તેમજ જિલ્લા વહીવટી તંત્ર વાવ-થરાદના સંયુક્ત ઉપક્રમે "Yoga for Healthy Ageing" (સ્વસ્થ જીવન માટે યોગ) થીમ અંતર્ગત આ સામૂહિક યોગાભ્યાસ સફળતાપૂર્વક સંપન્ન થયો હતો. આ પ્રસંગે અધ્યક્ષ શ્રી શંકરભાઈ ચૌધરીએ સ્વયં લોકોને ખૂબ જ સરળ અને આત્મીય શૈલીમાં 'ૐ કાર મંત્ર'નું ઉચ્ચારણ અને તેના વૈજ્ઞાનિક મહત્વની સમજ આપી મંત્ર શીખવ્યા હતા. આ ઉજવણીની ખાસ વિશેષતા એ હતી કે, કાર્યક્રમમાં ઉપસ્થિત હજારો નાગરિકોએ થરાદના 'T' (Tharad) અક્ષરના આકારમાં સુવ્યવસ્થિત બેઠક વ્યવસ્થા જાળવીને યોગ કર્યા હતા, જે સમગ્ર વિસ્તાર માટે ગૌરવપૂર્ણ આકર્ષણનું કેન્દ્ર બન્યું. વિધાનસભાના અધ્યક્ષ શ્રી શંકરભાઈ ચૌધરીએ આંતરરાષ્ટ્રીય યોગ દિવસની દેશના સીમાવર્તી ડિસ્ટ્રિક્ટ થરાદના આંગણે ભવ્ય ઉજવણીને આનંદની વાત ગણાવી હતી. તેમણે જણાવ્યું હતું કે, નવા જિલ્લા થરાદના નિર્માણ પછી પ્રથમવાર આટલા હોંશ અને ઉત્સાહપૂર્વક તમામ નગરજનો અને જિલ્લાવાસીઓ જોડાયા છે, જેના માટે તેમણે સૌને યોગ દિવસની હાર્દિક શુભકામનાઓ પાઠવી. વડાપ્રધાન શ્રી નરેન્દ્રભાઈ મોદીના વૈશ્વિક વિઝનની સરાહના કરતા અધ્યક્ષશ્રીએ કહ્યું કે, પ્રધાનમંત્રીએ યોગને વૈશ્વિક કક્ષાએ પહોંચાડી 'વિશ્વની ધરોહર યોગ છે' તે વાત વિશ્વ સમક્ષ સચોટ રીતે મૂકી છે. યુનાઈટેડ નેશન્સ દ્વારા પણ તેનો સહર્ષ સ્વીકાર કરવામાં આવ્યો છે અને તેના જ પરિણામે આજે યોગ સમગ્ર વિશ્વમાં જન-જન સુધી પહોંચ્યો છે અને લોકોના નિત્ય કર્મની અંદર જીવનનો એક અભિન્ન ભાગ બની ગયો છે. આ જિલ્લા કક્ષાના કાર્યક્રમમાં જિલ્લા વિકાસ અધિકારી શ્રી કલ્પેશકુમાર શર્મા, જિલ્લા પોલીસ અધિક્ષક શ્રી ચિંતન તેરૈયા, નિવાસી અધિક જિલ્લા કલેકટર શ્રી તુષાર જાની, અગ્રણી શ્રી નરેશજી ઠાકોર, સ્થાનિક વહીવટી તંત્રના ઉચ્ચ અધિકારીઓ, સામાજિક અને રાજકીય ક્ષેત્રના અગ્રણીઓ તેમજ મોટી સંખ્યામાં સ્થાનિક આગેવાનો અને નગરજનો ઉપસ્થિત રહ્યા હતા.

Gangaram thakor

Deodar, Banas Kantha•

6 hrs ago

રાજ્યના સરહદી અને નવનિર્મિત જિલ્લા મથક થરાદ શહેરના આઈકોનિક રોડ, સર્કિટ હાઉસ નજીક ૧૨મા આંતરરાષ્ટ્રીય યોગ દિવસની જિલ્લા કક્ષાની ભવ્ય અને અભૂતપૂર્વ ઉજવણી કરવામાં આવી હતી. ગુજરાત વિધાનસભાના અધ્યક્ષ શ્રી શંકરભાઈ ચૌધરીના અધ્યક્ષસ્થાને યોજાયેલા આ કાર્યક્રમમાં થરાદ વિસ્તારના હજારો નાગરિકો, વિદ્યાર્થીઓ, યુવાનો અને વડીલોએ વહેલી સવારે ઉત્સાહભેર ભાગ લીધો હતો. રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ, ગુજરાત રાજ્ય યોગ બોર્ડ તેમજ જિલ્લા વહીવટી તંત્ર વાવ-થરાદના સંયુક્ત ઉપક્રમે "Yoga for Healthy Ageing" (સ્વસ્થ જીવન માટે યોગ) થીમ અંતર્ગત આ સામૂહિક યોગાભ્યાસ સફળતાપૂર્વક સંપન્ન થયો હતો. આ પ્રસંગે અધ્યક્ષ શ્રી શંકરભાઈ ચૌધરીએ સ્વયં લોકોને ખૂબ જ સરળ અને આત્મીય શૈલીમાં 'ૐ કાર મંત્ર'નું ઉચ્ચારણ અને તેના વૈજ્ઞાનિક મહત્વની સમજ આપી મંત્ર શીખવ્યા હતા. આ ઉજવણીની ખાસ વિશેષતા એ હતી કે, કાર્યક્રમમાં ઉપસ્થિત હજારો નાગરિકોએ થરાદના 'T' (Tharad) અક્ષરના આકારમાં સુવ્યવસ્થિત બેઠક વ્યવસ્થા જાળવીને યોગ કર્યા હતા, જે સમગ્ર વિસ્તાર માટે ગૌરવપૂર્ણ આકર્ષણનું કેન્દ્ર બન્યું. વિધાનસભાના અધ્યક્ષ શ્રી શંકરભાઈ ચૌધરીએ આંતરરાષ્ટ્રીય યોગ દિવસની દેશના સીમાવર્તી ડિસ્ટ્રિક્ટ થરાદના આંગણે ભવ્ય ઉજવણીને આનંદની વાત ગણાવી હતી. તેમણે જણાવ્યું હતું કે, નવા જિલ્લા થરાદના નિર્માણ પછી પ્રથમવાર આટલા હોંશ અને ઉત્સાહપૂર્વક તમામ નગરજનો અને જિલ્લાવાસીઓ જોડાયા છે, જેના માટે તેમણે સૌને યોગ દિવસની હાર્દિક શુભકામનાઓ પાઠવી. વડાપ્રધાન શ્રી નરેન્દ્રભાઈ મોદીના વૈશ્વિક વિઝનની સરાહના કરતા અધ્યક્ષશ્રીએ કહ્યું કે, પ્રધાનમંત્રીએ યોગને વૈશ્વિક કક્ષાએ પહોંચાડી 'વિશ્વની ધરોહર યોગ છે' તે વાત વિશ્વ સમક્ષ સચોટ રીતે મૂકી છે. યુનાઈટેડ નેશન્સ દ્વારા પણ તેનો સહર્ષ સ્વીકાર કરવામાં આવ્યો છે અને તેના જ પરિણામે આજે યોગ સમગ્ર વિશ્વમાં જન-જન સુધી પહોંચ્યો છે અને લોકોના નિત્ય કર્મની અંદર જીવનનો એક અભિન્ન ભાગ બની ગયો છે. આ જિલ્લા કક્ષાના કાર્યક્રમમાં જિલ્લા વિકાસ અધિકારી શ્રી કલ્પેશકુમાર શર્મા, જિલ્લા પોલીસ અધિક્ષક શ્રી ચિંતન તેરૈયા, નિવાસી અધિક જિલ્લા કલેકટર શ્રી તુષાર જાની, અગ્રણી શ્રી નરેશજી ઠાકોર, સ્થાનિક વહીવટી તંત્રના ઉચ્ચ અધિકારીઓ, સામાજિક અને રાજકીય ક્ષેત્રના અગ્રણીઓ તેમજ મોટી સંખ્યામાં સ્થાનિક આગેવાનો અને નગરજનો ઉપસ્થિત રહ્યા હતા.