हिंगोली जिल्ह्यात अलीकडे सातत्याने जाणवत असलेल्या सौम्य भूकंपाच्या धक्क्यांच्या पार्श्वभूमीवर, जीवित व वित्तहानी कमी करण्यासाठी शास्त्रशुद्ध आणि तज्ज्ञांच्या मार्गदर्शनाखाली आपत्ती व्यवस्थापनाचा कृती आराखडा तयार केला जाणार आहे. जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष राहुल गुप्ता यांच्या अध्यक्षतेखाली जिल्हाधिकारी कार्यालयात आयोजित विशेष बैठकीत हा निर्णय घेण्यात आला. यासाठी स्वामी रामानंद तीर्थ मराठवाडा विद्यापीठ, नांदेड येथील भूगर्भशास्त्र विभागाचे प्राध्यापक व भूकंप तज्ज्ञ डॉ. टी. विजयकुमार यांची जिल्हा भूकंप आपत्ती व्यवस्थापन समितीवर तांत्रिक सल्लागार पदी तात्पुरती नियुक्ती करण्याचे निर्देश जिल्हाधिकाऱ्यांनी दिले आहेत. या बैठकीत जिल्हाधिकारी राहुल गुप्ता यांनी भूकंप आपत्ती व्यवस्थापनाच्या उपाययोजनांचा सविस्तर आढावा घेतला. भूकंपरोधक बांधकाम, इमारतींची संरचनात्मक सुरक्षितता आणि आपत्तीपूर्व तयारीसाठी उत्तराखंडमधील रुडकी येथील केंद्रीय इमारत संशोधन संस्थेच्या (CBRI) संचालकांसमवेत बैठक घेऊन आवश्यक तांत्रिक मार्गदर्शन घेण्याच्या सूचना देण्यात आल्या आहेत. याशिवाय, भूकंपाचे धक्के जाणवलेल्या भागातील शाळा, शासकीय कार्यालये आणि इतर सार्वजनिक इमारतींची तातडीने संरचनात्मक सुरक्षितता तपासून त्याचा सविस्तर अहवाल सादर करण्याचे निर्देश संबंधित गट विकास अधिकाऱ्यांना देण्यात आले आहेत. संवेदनशील भागात नागरिकांना वेळेवर सूचना देण्यासाठी सार्वजनिक घोषणा प्रणालीचा प्रभावी वापर करण्यावर भर दिला जाणार आहे. अफवांना आळा घालण्यासाठी अधिकृत माहिती लोकांपर्यंत पोहोचविणे, जनजागृती करणे आणि खबरदारीबाबत सातत्याने नागरिकांना मार्गदर्शन करण्याच्या सूचना बैठकीत देण्यात आल्या. डॉ. टी. विजयकुमार यांच्या मार्गदर्शनाखाली विद्यार्थी, शिक्षक, स्थानिक स्वराज्य संस्थांचे कर्मचारी, स्वयंसेवी संस्था आणि सामान्य नागरिकांसाठी मार्गदर्शक सूचना तयार करून व्यापक जनजागृती कार्यक्रम राबवले जातील. जिल्हाधिकाऱ्यांनी सर्व संबंधित विभागांच्या वरिष्ठ अधिकाऱ्यांना परस्पर समन्वय राखून आपत्ती व्यवस्थापनाची पूर्वतयारी सक्षमपणे पूर्ण करण्याचे आणि नागरिकांच्या सुरक्षिततेला सर्वोच्च प्राधान्य देण्याचे निर्देश दिले आहेत.

दिपक हैबतराव चोरमले

Local Politician औंढा (नागनाथ), हिंगोली, महाराष्ट्र•

1 hr ago

हिंगोली जिल्ह्यात अलीकडे सातत्याने जाणवत असलेल्या सौम्य भूकंपाच्या धक्क्यांच्या पार्श्वभूमीवर, जीवित व वित्तहानी कमी करण्यासाठी शास्त्रशुद्ध आणि तज्ज्ञांच्या मार्गदर्शनाखाली आपत्ती व्यवस्थापनाचा कृती आराखडा तयार केला जाणार आहे. जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष राहुल गुप्ता यांच्या अध्यक्षतेखाली जिल्हाधिकारी कार्यालयात आयोजित विशेष बैठकीत हा निर्णय घेण्यात आला. यासाठी स्वामी रामानंद तीर्थ मराठवाडा विद्यापीठ, नांदेड येथील भूगर्भशास्त्र विभागाचे प्राध्यापक व भूकंप तज्ज्ञ डॉ. टी. विजयकुमार यांची जिल्हा भूकंप आपत्ती व्यवस्थापन समितीवर तांत्रिक सल्लागार पदी तात्पुरती नियुक्ती करण्याचे निर्देश जिल्हाधिकाऱ्यांनी दिले आहेत. या बैठकीत जिल्हाधिकारी राहुल गुप्ता यांनी भूकंप आपत्ती व्यवस्थापनाच्या उपाययोजनांचा सविस्तर आढावा घेतला. भूकंपरोधक बांधकाम, इमारतींची संरचनात्मक सुरक्षितता आणि आपत्तीपूर्व तयारीसाठी उत्तराखंडमधील रुडकी येथील केंद्रीय इमारत संशोधन संस्थेच्या (CBRI) संचालकांसमवेत बैठक घेऊन आवश्यक तांत्रिक मार्गदर्शन घेण्याच्या सूचना देण्यात आल्या आहेत. याशिवाय, भूकंपाचे धक्के जाणवलेल्या भागातील शाळा, शासकीय कार्यालये आणि इतर सार्वजनिक इमारतींची तातडीने संरचनात्मक सुरक्षितता तपासून त्याचा सविस्तर अहवाल सादर करण्याचे निर्देश संबंधित गट विकास अधिकाऱ्यांना देण्यात आले आहेत. संवेदनशील भागात नागरिकांना वेळेवर सूचना देण्यासाठी सार्वजनिक घोषणा प्रणालीचा प्रभावी वापर करण्यावर भर दिला जाणार आहे. अफवांना आळा घालण्यासाठी अधिकृत माहिती लोकांपर्यंत पोहोचविणे, जनजागृती करणे आणि खबरदारीबाबत सातत्याने नागरिकांना मार्गदर्शन करण्याच्या सूचना बैठकीत देण्यात आल्या. डॉ. टी. विजयकुमार यांच्या मार्गदर्शनाखाली विद्यार्थी, शिक्षक, स्थानिक स्वराज्य संस्थांचे कर्मचारी, स्वयंसेवी संस्था आणि सामान्य नागरिकांसाठी मार्गदर्शक सूचना तयार करून व्यापक जनजागृती कार्यक्रम राबवले जातील. जिल्हाधिकाऱ्यांनी सर्व संबंधित विभागांच्या वरिष्ठ अधिकाऱ्यांना परस्पर समन्वय राखून आपत्ती व्यवस्थापनाची पूर्वतयारी सक्षमपणे पूर्ण करण्याचे आणि नागरिकांच्या सुरक्षिततेला सर्वोच्च प्राधान्य देण्याचे निर्देश दिले आहेत.