पाथरी पंचायत समितीवर राष्ट्रवादी काँग्रेसचे वर्चस्व; सुनीता डुकरे सभापती, सचिन अंबुरे उपसभापती पाथरी (प्रतिनिधी) : पाथरी पंचायत समितीच्या सभापती व उपसभापती पदासाठी मंगळवारी (दि.१०) झालेल्या निवडणुकीत राष्ट्रवादी काँग्रेसने बाजी मारत पंचायत समितीवर आपले वर्चस्व प्रस्थापित केले. भारतीय राष्ट्रीय काँग्रेसच्या बाह्य पाठिंब्यामुळे राष्ट्रवादी काँग्रेसच्या सुनीता गजेंद्र डुकरे यांची सभापतीपदी तर सचिन लिंबाजी अंबुरे यांची उपसभापतीपदी निवड झाली. नुकत्याच झालेल्या पंचायत समिती निवडणुकीनंतर सत्तास्थापनेसाठी विविध पक्षांमध्ये हालचाली सुरू होत्या. पाथरी पंचायत समितीत शिवसेना (उद्धव बाळासाहेब ठाकरे) गटाचे तीन सदस्य, काँग्रेसचे दोन सदस्य आणि शिवसेना (एकनाथ शिंदे गट)चा एक सदस्य निवडून आला होता. सुरुवातीला शिवसेना (उद्धव बाळासाहेब ठाकरे) गटाकडून राष्ट्रवादी काँग्रेससोबत सत्ता स्थापनेबाबत चर्चा सुरू असल्याची राजकीय वर्तुळात चर्चा होती. मात्र ऐनवेळी काँग्रेसने राष्ट्रवादी काँग्रेसला बाहेरून पाठिंबा दिल्याने समीकरणे बदलली. काँग्रेसच्या पाठिंब्यामुळे राष्ट्रवादी काँग्रेसला बहुमत मिळाले. सभापती व उपसभापती पदाची निवड सहा विरुद्ध चार मतांनी झाली. त्यानुसार सुनीता डुकरे यांची सभापतीपदी तर सचिन अंबुरे यांची उपसभापतीपदी अधिकृत निवड जाहीर करण्यात आली. निवड प्रक्रियेचे कामकाज पिठासीन अधिकारी तथा उपविभागीय अधिकारी संगीता चव्हाण यांनी पार पाडले. त्यांना तहसीलदार शंकर हांदेश्वर, गटविकास अधिकारी शैलेश वाव्हळे, नायब तहसीलदार वसंत महाजन तसेच पंचायत समितीच्या विविध विभागातील अधिकाऱ्यांनी सहकार्य केले. या संपूर्ण राजकीय घडामोडींमध्ये आमदार राजेश विटेकर यांनी महत्त्वाची भूमिका बजावल्याची चर्चा राजकीय वर्तुळात रंगली आहे. काँग्रेसच्या पाठिंब्यामुळे राष्ट्रवादी काँग्रेसला स्पष्ट बहुमत मिळाल्याने पंचायत समितीवर राष्ट्रवादी काँग्रेसची सत्ता स्थापन झाली. दरम्यान, नवनिर्वाचित सभापती सुनीता डुकरे आणि उपसभापती सचिन अंबुरे यांचे विविध पक्षांच्या लोकप्रतिनिधी, पदाधिकारी व कार्यकर्त्यांकडून अभिनंदन करण्यात येत आहे. पाथरी तालुक्याच्या विकासासाठी सर्व सदस्यांना सोबत घेऊन काम करण्याचा संकल्प त्यांनी यावेळी व्यक्त केला.

Kapil Ashokrao Shinde

मानवत, परभणी, महाराष्ट्र•

1 hr ago

पाथरी पंचायत समितीवर राष्ट्रवादी काँग्रेसचे वर्चस्व; सुनीता डुकरे सभापती, सचिन अंबुरे उपसभापती पाथरी (प्रतिनिधी) : पाथरी पंचायत समितीच्या सभापती व उपसभापती पदासाठी मंगळवारी (दि.१०) झालेल्या निवडणुकीत राष्ट्रवादी काँग्रेसने बाजी मारत पंचायत समितीवर आपले वर्चस्व प्रस्थापित केले. भारतीय राष्ट्रीय काँग्रेसच्या बाह्य पाठिंब्यामुळे राष्ट्रवादी काँग्रेसच्या सुनीता गजेंद्र डुकरे यांची सभापतीपदी तर सचिन लिंबाजी अंबुरे यांची उपसभापतीपदी निवड झाली. नुकत्याच झालेल्या पंचायत समिती निवडणुकीनंतर सत्तास्थापनेसाठी विविध पक्षांमध्ये हालचाली सुरू होत्या. पाथरी पंचायत समितीत शिवसेना (उद्धव बाळासाहेब ठाकरे) गटाचे तीन सदस्य, काँग्रेसचे दोन सदस्य आणि शिवसेना (एकनाथ शिंदे गट)चा एक सदस्य निवडून आला होता. सुरुवातीला शिवसेना (उद्धव बाळासाहेब ठाकरे) गटाकडून राष्ट्रवादी काँग्रेससोबत सत्ता स्थापनेबाबत चर्चा सुरू असल्याची राजकीय वर्तुळात चर्चा होती. मात्र ऐनवेळी काँग्रेसने राष्ट्रवादी काँग्रेसला बाहेरून पाठिंबा दिल्याने समीकरणे बदलली. काँग्रेसच्या पाठिंब्यामुळे राष्ट्रवादी काँग्रेसला बहुमत मिळाले.

सभापती व उपसभापती पदाची निवड सहा विरुद्ध चार मतांनी झाली. त्यानुसार सुनीता डुकरे यांची सभापतीपदी तर सचिन अंबुरे यांची उपसभापतीपदी अधिकृत निवड जाहीर करण्यात आली. निवड प्रक्रियेचे कामकाज पिठासीन अधिकारी तथा उपविभागीय अधिकारी संगीता चव्हाण यांनी पार पाडले. त्यांना तहसीलदार शंकर हांदेश्वर, गटविकास अधिकारी शैलेश वाव्हळे, नायब तहसीलदार वसंत महाजन तसेच पंचायत समितीच्या विविध विभागातील अधिकाऱ्यांनी सहकार्य केले. या संपूर्ण राजकीय घडामोडींमध्ये आमदार राजेश विटेकर यांनी महत्त्वाची भूमिका बजावल्याची चर्चा राजकीय वर्तुळात रंगली आहे. काँग्रेसच्या पाठिंब्यामुळे राष्ट्रवादी काँग्रेसला स्पष्ट बहुमत मिळाल्याने पंचायत समितीवर राष्ट्रवादी काँग्रेसची सत्ता स्थापन झाली. दरम्यान, नवनिर्वाचित सभापती सुनीता डुकरे आणि उपसभापती सचिन अंबुरे यांचे विविध पक्षांच्या लोकप्रतिनिधी, पदाधिकारी व कार्यकर्त्यांकडून अभिनंदन करण्यात येत आहे. पाथरी तालुक्याच्या विकासासाठी सर्व सदस्यांना सोबत घेऊन काम करण्याचा संकल्प त्यांनी यावेळी व्यक्त केला.