सणसवाडी, ता. शिरूर येथील प्रगतशील शेतकरी व उद्योजक रवींद्र भुजबळ यांना कांद्याला योग्य बाजारभाव न मिळाल्याने मोठा आर्थिक फटका बसला आहे. त्यांनी त्यांच्या दहा एकर शेतात कांद्याची लागवड केली होती आणि बाजारभाव नसल्याने स्वतःच्या गोडावूनमध्ये कांद्याच्या तीन हजार पिशव्या भरून ठेवल्या होत्या. मात्र, २१ मे दरम्यान आलेल्या अवकाळी पाऊस आणि बदलत्या हवामानामुळे साठवलेल्या कांद्यावर विपरीत परिणाम होऊन तो मोठ्या प्रमाणात सडला, ज्यामुळे अक्षरशः कांद्याच्या पिशव्यांमधून पाणी वाहू लागले होते. या घटनेनंतर भुजबळ कुटुंबीयांनी तातडीने सर्व कांद्याच्या गोणी मोकळ्या करून कांदा निवडण्यासाठी घेतला असता, सडलेला कांदा शेतात टाकून द्यावा लागला. परिणामी, तीन हजार पिशव्यांपैकी तब्बल दोन हजार गोणी कांदा सडून शेतकऱ्याचे लाखो रुपयांचे नुकसान झाले आहे. रवींद्र भुजबळ यांनी सांगितले की, शेतीकामासाठी मजूर मिळत नसल्याने उपलब्ध मजुरांना वाढीव मजुरी देऊन काम करून घ्यावे लागत आहे. दहा एकर कांद्याची लागवड, मशागत, मजुरी, काढणी आणि बाजारात मिळणारे नीचांकी दर यामुळे शेतकरी हवालदिल झाले आहेत. उत्पादन खर्च आणि नफा यांचा ताळमेळ बसत नसल्याने शेतकरी किमान दोन हजार रुपये प्रति क्विंटल दराची मागणी करत आहेत.

Sachin Reporter Pune

पत्रकार Shirur, Pune•

7 hrs ago

सणसवाडी, ता. शिरूर येथील प्रगतशील शेतकरी व उद्योजक रवींद्र भुजबळ यांना कांद्याला योग्य बाजारभाव न मिळाल्याने मोठा आर्थिक फटका बसला आहे. त्यांनी त्यांच्या दहा एकर शेतात कांद्याची लागवड केली होती आणि बाजारभाव नसल्याने स्वतःच्या गोडावूनमध्ये कांद्याच्या तीन हजार पिशव्या भरून ठेवल्या होत्या. मात्र, २१ मे दरम्यान आलेल्या अवकाळी पाऊस आणि बदलत्या हवामानामुळे साठवलेल्या कांद्यावर विपरीत परिणाम होऊन तो मोठ्या प्रमाणात सडला, ज्यामुळे अक्षरशः कांद्याच्या पिशव्यांमधून पाणी वाहू लागले होते. या घटनेनंतर भुजबळ कुटुंबीयांनी तातडीने सर्व कांद्याच्या गोणी मोकळ्या करून कांदा निवडण्यासाठी घेतला असता, सडलेला कांदा शेतात टाकून द्यावा लागला. परिणामी, तीन हजार पिशव्यांपैकी तब्बल दोन हजार गोणी कांदा सडून शेतकऱ्याचे लाखो रुपयांचे नुकसान झाले आहे. रवींद्र भुजबळ यांनी सांगितले की, शेतीकामासाठी मजूर मिळत नसल्याने उपलब्ध मजुरांना वाढीव मजुरी देऊन काम करून घ्यावे लागत आहे. दहा एकर कांद्याची लागवड, मशागत, मजुरी, काढणी आणि बाजारात मिळणारे नीचांकी दर यामुळे शेतकरी हवालदिल झाले आहेत. उत्पादन खर्च आणि नफा यांचा ताळमेळ बसत नसल्याने शेतकरी किमान दोन हजार रुपये प्रति क्विंटल दराची मागणी करत आहेत.