वसई-विरार परिसरातील गंभीर पूरस्थितीची पाहणी करून राज्याचे वनमंत्री तथा पालघर जिल्ह्याचे पालकमंत्री गणेश नाईक यांनी पूरग्रस्तांना तातडीची मदत देण्याची आणि १५ ते २० दिवसांत सर्वंकष कृती आराखडा तयार करण्याची घोषणा केली आहे. अनेक दशकांतील अनियोजित शहरीकरण, नैसर्गिक नाल्यांवरील अतिक्रमणे आणि पर्यावरणीय असमतोल यांमुळे ही पूरस्थिती उद्भवल्याचे त्यांनी स्पष्ट केले. या पाहणी दौऱ्यात ससुनवघर, नालासोपारा, नायगाव, चिचोंडी फाटा, सनसिटी, गालानगर, धानिवबाग, डी-मार्ट परिसर, सफाळे, केळवा-धवांगेपाडा, बिडको आणि विरेंद्रनगर यांसारख्या बाधित भागांचा समावेश होता. पूरग्रस्त नागरिकांना दिलासा देण्यासाठी महसूल विभाग आणि महानगरपालिकेच्या संयुक्त पथकांना युद्धपातळीवर पंचनामे करण्याचे निर्देश देण्यात आले आहेत. घरांचे, घरगुती साहित्याचे आणि शैक्षणिक साहित्याचे नुकसान झालेल्या नागरिकांना शासनाच्या नियमानुसार तातडीने आर्थिक मदत दिली जाणार आहे. सुरक्षिततेच्या कारणास्तव, पाणी ओसरल्यानंतर आणि तांत्रिक तपासणी पूर्ण झाल्यावरच वीजपुरवठा सुरळीत केला जाईल, असेही त्यांनी नमूद केले. या पूरस्थितीचा शास्त्रशुद्ध अभ्यास करण्यासाठी ड्रोन आणि सॅटेलाइट तंत्रज्ञानाचा वापर केला जाणार आहे. भविष्यातील उपाययोजनांसाठी रेल्वे, राष्ट्रीय महामार्ग प्राधिकरण, पर्यावरण, वन आणि महसूल विभाग तसेच वसई-विरार महानगरपालिका यांची संयुक्त बैठक घेतली जाईल. दीर्घकालीन नियोजनात भूमिगत ड्रेनेज व्यवस्था, नाल्यांचे पुनरुज्जीवन आणि अनियोजित बांधकामांवर कठोर कारवाई यांना प्राधान्य दिले जाईल. या दौऱ्यादरम्यान खासदार डॉ. हेमंत सवरा, आमदार राजेंद्र गावित, राजन नाईक, स्नेहा दुबे पंडित, जिल्हाधिकारी डॉ. इंदू राणी जाखड आणि मनपा आयुक्त पृथ्वीराज बी. पी. यांच्यासह वरिष्ठ अधिकारी उपस्थित होते.

दिव्य भारत बीएसएम न्यूज

Spa Nashik, Maharashtra•

19 hrs ago

वसई-विरार परिसरातील गंभीर पूरस्थितीची पाहणी करून राज्याचे वनमंत्री तथा पालघर जिल्ह्याचे पालकमंत्री गणेश नाईक यांनी पूरग्रस्तांना तातडीची मदत देण्याची आणि १५ ते २० दिवसांत सर्वंकष कृती आराखडा तयार करण्याची घोषणा केली आहे. अनेक दशकांतील अनियोजित शहरीकरण, नैसर्गिक नाल्यांवरील अतिक्रमणे आणि पर्यावरणीय असमतोल यांमुळे ही पूरस्थिती उद्भवल्याचे त्यांनी स्पष्ट केले. या पाहणी दौऱ्यात ससुनवघर, नालासोपारा, नायगाव, चिचोंडी फाटा, सनसिटी, गालानगर, धानिवबाग, डी-मार्ट परिसर, सफाळे, केळवा-धवांगेपाडा, बिडको आणि विरेंद्रनगर यांसारख्या बाधित भागांचा समावेश होता. पूरग्रस्त नागरिकांना दिलासा देण्यासाठी महसूल विभाग आणि महानगरपालिकेच्या संयुक्त पथकांना युद्धपातळीवर पंचनामे करण्याचे निर्देश देण्यात आले आहेत. घरांचे, घरगुती साहित्याचे आणि शैक्षणिक साहित्याचे नुकसान झालेल्या नागरिकांना शासनाच्या नियमानुसार तातडीने आर्थिक मदत दिली जाणार आहे. सुरक्षिततेच्या कारणास्तव, पाणी ओसरल्यानंतर आणि तांत्रिक तपासणी पूर्ण झाल्यावरच वीजपुरवठा सुरळीत केला जाईल, असेही त्यांनी नमूद केले. या पूरस्थितीचा शास्त्रशुद्ध अभ्यास करण्यासाठी ड्रोन आणि सॅटेलाइट तंत्रज्ञानाचा वापर केला जाणार आहे. भविष्यातील उपाययोजनांसाठी रेल्वे, राष्ट्रीय महामार्ग प्राधिकरण, पर्यावरण, वन आणि महसूल विभाग तसेच वसई-विरार महानगरपालिका यांची संयुक्त बैठक घेतली जाईल. दीर्घकालीन नियोजनात भूमिगत ड्रेनेज व्यवस्था, नाल्यांचे पुनरुज्जीवन आणि अनियोजित बांधकामांवर कठोर कारवाई यांना प्राधान्य दिले जाईल. या दौऱ्यादरम्यान खासदार डॉ. हेमंत सवरा, आमदार राजेंद्र गावित, राजन नाईक, स्नेहा दुबे पंडित, जिल्हाधिकारी डॉ. इंदू राणी जाखड आणि मनपा आयुक्त पृथ्वीराज बी. पी. यांच्यासह वरिष्ठ अधिकारी उपस्थित होते.