व्हाट्स अप वरील रक्तदानाच्या आवाहनाला प्रतिसाद राजेश भोरे यांनी केले रक्तदान कधी कधी एखाद्या कुटुंबासाठी मदत म्हणजे मोठी आर्थिक रक्कम नसते, तर संकटाच्या काळात योग्य वेळी पुढे आलेला मदतीचा हात असतो. याच माणुसकीचा प्रत्यय जव्हार तालुक्यातील भोतडपाड येथील राजेश हिरु भोरे यांनी दिला आहे. राधानगरी, ता. जव्हार येथील तेजस हनुमंत दिघा यांना AB+ रक्ताची आवश्यकता असल्याचा संदेश व्हॉट्सअॅपवरून प्रसारित झाला होता. हा संदेश मिळताच भोतडपाड येथील राजेश हिरु भोरे यांनी कोणताही विचार न करता रक्तदानासाठी पुढाकार घेतला. गरजेच्या वेळी रक्तदान करून त्यांनी रुग्णाला मदतीचा हात दिला. रक्तदानाचा हा प्रसंग केवळ रक्त देण्यापुरता मर्यादित न राहता, संकटाच्या काळात माणुसकी अजूनही जिवंत असल्याचा संदेश देणारा ठरला. अनोळखी रुग्णासाठी वेळेत रक्तदान केल्याने संबंधित कुटुंबाला मोठा दिलासा मिळाला असून, “आपण एकटे नाही” हा विश्वास निर्माण झाला. रक्तदान हे जीवनदानासमान मानले जाते. त्यामुळे रक्ताची गरज असताना सोशल मीडियावरील आवाहनाला प्रतिसाद देत पुढे येणाऱ्या रक्तदात्यांची भूमिका अत्यंत महत्त्वाची ठरते. राजेश भोरे यांनी दाखविलेल्या या सामाजिक बांधिलकीचे परिसरातून कौतुक होत आहे. “तुमचं रक्त कदाचित एका रुग्णाच्या शरीरात गेलं असेल; पण तुमची माणुसकी अनेकांच्या मनात पोहोचली आहे,” अशा शब्दांत राजेश भोरे यांच्या या उपक्रमाचे कौतुक केले जात आहे.

जितेंद्र मोरघा

Grain Wholesaler जव्हार, पालघर, महाराष्ट्र•

22 hrs ago

व्हाट्स अप वरील रक्तदानाच्या आवाहनाला प्रतिसाद राजेश भोरे यांनी केले रक्तदान कधी कधी एखाद्या कुटुंबासाठी मदत म्हणजे मोठी आर्थिक रक्कम नसते, तर संकटाच्या काळात योग्य वेळी पुढे आलेला मदतीचा हात असतो. याच माणुसकीचा प्रत्यय जव्हार तालुक्यातील भोतडपाड येथील राजेश हिरु भोरे यांनी दिला आहे. राधानगरी, ता. जव्हार येथील तेजस हनुमंत दिघा यांना AB+ रक्ताची आवश्यकता असल्याचा संदेश व्हॉट्सअॅपवरून प्रसारित झाला होता. हा संदेश मिळताच भोतडपाड येथील राजेश हिरु भोरे यांनी कोणताही विचार न करता रक्तदानासाठी पुढाकार घेतला. गरजेच्या वेळी रक्तदान करून त्यांनी रुग्णाला मदतीचा हात दिला. रक्तदानाचा हा प्रसंग केवळ रक्त देण्यापुरता मर्यादित न राहता, संकटाच्या काळात माणुसकी अजूनही जिवंत असल्याचा संदेश देणारा ठरला. अनोळखी रुग्णासाठी वेळेत रक्तदान केल्याने संबंधित कुटुंबाला मोठा दिलासा मिळाला असून, “आपण एकटे नाही” हा विश्वास निर्माण झाला. रक्तदान हे जीवनदानासमान मानले जाते. त्यामुळे रक्ताची गरज असताना सोशल मीडियावरील आवाहनाला प्रतिसाद देत पुढे येणाऱ्या रक्तदात्यांची भूमिका अत्यंत महत्त्वाची ठरते. राजेश भोरे यांनी दाखविलेल्या या सामाजिक बांधिलकीचे परिसरातून कौतुक होत आहे. “तुमचं रक्त कदाचित एका रुग्णाच्या शरीरात गेलं असेल; पण तुमची माणुसकी अनेकांच्या मनात पोहोचली आहे,” अशा शब्दांत राजेश भोरे यांच्या या उपक्रमाचे कौतुक केले जात आहे.