અંકલેશ્વરની ખરોડ ગ્રામ પંચાયત દ્વારા વર્ષો અગાઉ સર્વે નં. ૨ હેઠળની જમીન ગામના આદિવાસી પરિવારના વારસ રમેશ મોહન વસાવા તથા તેમના અન્ય કુટુંબીઓના નામે નોંધાયેલ હોવા છતાં, નજીકમાં રહેતા શબ્બીર અબ્દુલ કાદર ભરૂચી અને અન્યોએ આ પ્લોટ ઉપર ગેરકાયદેસર રીતે દબાણ કરી લીધું હતું.આ મામલે આદિવાસી પરિવારે અતિક્રમણ દુર કરવા માટે કોર્ટમાં દાવો દાખલ કર્યો હતો. કોર્ટ દ્વારા દાવાને માન્ય રાખી પ્લોટનો કબ્જો મૂળ માલિકોને પુનઃ સોંપવાનો હુકમ કરવામાં આવ્યો હતો. તેમ છતાં દબાણકર્તાઓએ પ્લોટ ખાલી કરવાનો ઇનકાર કરતાં, કોર્ટે મામલતદાર, તાલુકા વિકાસ અધિકારી તેમજ સંબંધિત પોલીસ મથકને દબાણ દુર કરી કાયદેસર કબ્જો સોંપવાનો આદેશ આપ્યો હતો.કોર્ટના આદેશના અમલરૂપે આજે મામલતદાર કરણસિંહ રાજપૂત પોતાની ટીમ સાથે ખરોડ ગામ પહોંચ્યા હતા. પોલીસ બંદોબસ્ત સાથે જેસીબીની મદદથી પ્લોટ ઉપરનું દબાણ દુર કરવામાં આવ્યું અને કાયદેસર રીતે પ્લોટનો કબ્જો આદિવાસી પરિવારને સોંપવામાં આવ્યો હતો.

Aarti machhi

ભરૂચ, ભરૂચ, ગુજરાત•

20 hrs ago