भडगाव तालुक्यातील कजगावजवळ असलेल्या लोण पिराचे गावात मोहरम उत्सव मोठ्या श्रद्धा, उत्साह आणि भक्तिमय वातावरणात साजरा करण्यात आला. उत्सवानिमित्त २४ तारखेला सायंकाळी संदल मिरवणूक काढण्यात आली, तर २६ तारखेला दर्गा परिसरात दुपारी १२ वाजता भाविक भक्तांसाठी महाप्रसादाचे आयोजन करण्यात आले होते. यानंतर ढोल-ताशांच्या गजरात मोहरम ताजिया मिरवणूक काढण्यात आली, ज्यात विविध समाजातील नागरिक, भाविक आणि युवकांनी मोठ्या संख्येने सहभाग घेतला. संपूर्ण गावात भक्ती, श्रद्धा आणि सामाजिक सलोख्याचे वातावरण पाहायला मिळाले. लोण पिराचे हे गाव जळगाव जिल्ह्यात हिंदू-मुस्लिम ऐक्याचे प्रतीक म्हणून ओळखले जाते. गावात हजरत गैबनशाह वली बाबा आणि फकीरा बाबा यांचे प्राचीन दर्गे असून, यांची देखरेख पाटील कुटुंबाकडून सुमारे ८०० ते ९०० वर्षांपासून केली जात आहे. मोहरम उत्सवानिमित्त दरवर्षी हिंदू व मुस्लिम समाजातील हजारो भाविक येथे दर्शनासाठी आणि नवसपूर्तीसाठी येतात. विशेष म्हणजे, गावात मुस्लिम समाजाचे केवळ एकच कुटुंब वास्तव्यास असूनही सर्व समाजबांधव एकत्र येऊन हा उत्सव साजरा करतात, जो परस्पर आदर, बंधुभाव आणि सामाजिक एकात्मतेचा आदर्श जपतो. श्रद्धा, आपुलकी आणि सर्वधर्मसमभाव यांचा संदेश देणारे लोण पिराचे हे गाव भडगाव तालुक्यासह जिल्ह्यात आदर्श गाव म्हणून ओळख निर्माण करत आहे. या गावाच्या सामाजिक एकोपा व ऐतिहासिक परंपरेची दखल घेऊन शासनाने लोण पिराचे गावाला ‘आदर्श गाव’ म्हणून गौरवून विशेष पुरस्काराने सन्मानित करावे, अशी मागणी ग्रामस्थांकडून व्यक्त होत आहे.

आमीन शौकत पिंजारी

भडगाव, जळगाव, महाराष्ट्र•

13 hrs ago

भडगाव तालुक्यातील कजगावजवळ असलेल्या लोण पिराचे गावात मोहरम उत्सव मोठ्या श्रद्धा, उत्साह आणि भक्तिमय वातावरणात साजरा करण्यात आला. उत्सवानिमित्त २४ तारखेला सायंकाळी संदल मिरवणूक काढण्यात आली, तर २६ तारखेला दर्गा परिसरात दुपारी १२ वाजता भाविक भक्तांसाठी महाप्रसादाचे आयोजन करण्यात आले होते. यानंतर ढोल-ताशांच्या गजरात मोहरम ताजिया मिरवणूक काढण्यात आली,

ज्यात विविध समाजातील नागरिक, भाविक आणि युवकांनी मोठ्या संख्येने सहभाग घेतला. संपूर्ण गावात भक्ती, श्रद्धा आणि सामाजिक सलोख्याचे वातावरण पाहायला मिळाले. लोण पिराचे हे गाव जळगाव जिल्ह्यात हिंदू-मुस्लिम ऐक्याचे प्रतीक म्हणून ओळखले जाते. गावात हजरत गैबनशाह वली बाबा आणि फकीरा बाबा यांचे प्राचीन दर्गे असून, यांची देखरेख पाटील कुटुंबाकडून सुमारे

८०० ते ९०० वर्षांपासून केली जात आहे. मोहरम उत्सवानिमित्त दरवर्षी हिंदू व मुस्लिम समाजातील हजारो भाविक येथे दर्शनासाठी आणि नवसपूर्तीसाठी येतात. विशेष म्हणजे, गावात मुस्लिम समाजाचे केवळ एकच कुटुंब वास्तव्यास असूनही सर्व समाजबांधव एकत्र येऊन हा उत्सव साजरा करतात, जो परस्पर आदर, बंधुभाव आणि सामाजिक एकात्मतेचा आदर्श जपतो. श्रद्धा, आपुलकी

आणि सर्वधर्मसमभाव यांचा संदेश देणारे लोण पिराचे हे गाव भडगाव तालुक्यासह जिल्ह्यात आदर्श गाव म्हणून ओळख निर्माण करत आहे. या गावाच्या सामाजिक एकोपा व ऐतिहासिक परंपरेची दखल घेऊन शासनाने लोण पिराचे गावाला ‘आदर्श गाव’ म्हणून गौरवून विशेष पुरस्काराने सन्मानित करावे, अशी मागणी ग्रामस्थांकडून व्यक्त होत आहे.