पुणे शहरातील हडपसर पोलीस ठाण्याच्या हद्दीत गुन्हे शाखा युनिट-०६ च्या पथकाने एका मोठ्या कोम्बिंग आणि राऊंड अप ऑपरेशनदरम्यान, २०१७ मधील अपहरण आणि खुनाच्या प्रयत्नाच्या गंभीर गुन्ह्यातील सुमारे ९ वर्षांपासून फरार असलेल्या आरोपी अमर बबन घाडगे (वय २९ वर्षे, रा. दीपकनगर, गोपाळपट्टी, मांजरी बुद्रुक, हडपसर, पुणे) याला अटक केली आहे. दिनांक ३०/०५/२०२६ रोजी गुन्हे शाखेकडून कोम्बिंग आणि राऊंड अप ऑपरेशन राबवले जात असताना, युनिट-०६ चे पोलीस निरीक्षक श्री. सुदर्शन गायकवाड यांच्या निर्देशानुसार, पथक पाहिजे/फरारी आरोपी आणि अवैध अग्निशस्त्र तस्करीबाबत गोपनीय माहिती काढत होते. याच दरम्यान, हडपसर हद्दीत पेट्रोलिंग करत असताना पोलीस अंमलदार समीर पांडुळे व गणेश माने यांना त्यांच्या बातमीदाराकडून माहिती मिळाली की, हडपसर पोलीस स्टेशन गु.र.नं. ९८९/२०१७ (भा.द.वि.क. ३०७, ३६४, ३४१, ५०४, ५०६, १४३, १४७, १४८) मधील पाहिजे असलेला आरोपी अमर घाडगे हा लक्ष्मी कॉलनी भागात उभा आहे. बातमीदाराने त्याचे वर्णनही दिले होते—त्याने फिक्कट क्रीम रंगाचा हाफ बाह्यांचा टी-शर्ट, काळ्या रंगाची नाईट पॅन्ट घातली असून, त्याच्या उजव्या हातावर 'Payal' असे नाव गोंदलेले आहे. माहिती मिळताच गुन्हे शाखेच्या पथकाने तात्काळ लक्ष्मी कॉलनी परिसरात धाव घेतली. वर्णनावरून शोध घेत असताना, आरोपी लक्ष्मी कॉलनी कॅनॉलच्या अलीकडे, सोलापूर-पुणे हायवे रोडवर (हडपसर, पुणे) उभा असलेला दिसून आला. पथकाने अत्यंत शिताफीने त्याला घेरून पकडले. चौकशी केली असता त्याने आपले नाव अमर बबन घाडगे असे कबूल केले. संबंधित गुन्ह्याबाबत अधिक चौकशीत, आरोपीने हा गुन्हा त्याचे इतर साथीदार आणि पूर्वीच अटक झालेले आरोपी अमोल आडेगावर, मारुती गवळी व इतर साथीदारांसह मिळून केला असल्याची कबुली दिली. आरोपी अमर घाडगे याला पुढील कायदेशीर कार्यवाहीसाठी हडपसर पोलीस स्टेशनच्या ताब्यात देण्यात आले आहे. सदरची कामगिरी मा. अपर पोलीस आयुक्त (गुन्हे) श्रीमती तेजस्विनी सातपुते, मा. पोलीस उप-आयुक्त (गुन्हे) श्री. गौहर हसन आणि मा. सहायक पोलीस आयुक्त (गुन्हे २) श्री. राजेंद्र मुळीक यांच्या मार्गदर्शनाखाली पूर्ण करण्यात आली. पोलीस निरीक्षक (गुन्हे शाखा युनिट-०६) श्री. सुदर्शन गायकवाड यांच्या मार्गदर्शनाखाली प्रमोद टिळेकर, तानाजी देशमुख, बाळासाहेब सकटे, सतिश वनवे, समीर पांडुळे, प्रशांत कर्णवर, नानासाहेब मोरे, अमित कांबळे, गणेश माने, शेखर काटे, उमेश शेलार आणि अनिल जामगे या पोलीस अंमलदारांच्या पथकाने ही कारवाई यशस्वी केली.

क्राईम महाराष्ट्र लाईव्ह न्यूज

Voice of people हवेली, पुणे, महाराष्ट्र•

20 hrs ago

पुणे शहरातील हडपसर पोलीस ठाण्याच्या हद्दीत गुन्हे शाखा युनिट-०६ च्या पथकाने एका मोठ्या कोम्बिंग आणि राऊंड अप ऑपरेशनदरम्यान, २०१७ मधील अपहरण आणि खुनाच्या प्रयत्नाच्या गंभीर गुन्ह्यातील सुमारे ९ वर्षांपासून फरार असलेल्या आरोपी अमर बबन घाडगे (वय २९ वर्षे, रा. दीपकनगर, गोपाळपट्टी, मांजरी बुद्रुक, हडपसर, पुणे) याला अटक केली आहे. दिनांक ३०/०५/२०२६ रोजी गुन्हे शाखेकडून कोम्बिंग आणि राऊंड अप ऑपरेशन राबवले जात असताना, युनिट-०६ चे पोलीस निरीक्षक श्री. सुदर्शन गायकवाड यांच्या निर्देशानुसार, पथक पाहिजे/फरारी आरोपी आणि अवैध अग्निशस्त्र तस्करीबाबत गोपनीय माहिती काढत होते. याच दरम्यान, हडपसर हद्दीत पेट्रोलिंग करत असताना पोलीस अंमलदार समीर पांडुळे व गणेश माने यांना त्यांच्या बातमीदाराकडून माहिती मिळाली की, हडपसर पोलीस स्टेशन गु.र.नं. ९८९/२०१७ (भा.द.वि.क. ३०७, ३६४, ३४१, ५०४, ५०६, १४३, १४७, १४८) मधील पाहिजे असलेला आरोपी अमर घाडगे हा लक्ष्मी कॉलनी भागात उभा आहे. बातमीदाराने त्याचे वर्णनही दिले होते—त्याने फिक्कट क्रीम रंगाचा हाफ बाह्यांचा टी-शर्ट, काळ्या रंगाची नाईट पॅन्ट घातली असून, त्याच्या उजव्या हातावर 'Payal' असे नाव गोंदलेले आहे. माहिती मिळताच गुन्हे शाखेच्या पथकाने तात्काळ लक्ष्मी कॉलनी परिसरात धाव घेतली. वर्णनावरून शोध घेत असताना, आरोपी लक्ष्मी कॉलनी कॅनॉलच्या अलीकडे, सोलापूर-पुणे हायवे रोडवर (हडपसर, पुणे) उभा असलेला दिसून आला. पथकाने अत्यंत शिताफीने त्याला घेरून पकडले. चौकशी केली असता त्याने आपले नाव अमर बबन घाडगे असे कबूल केले. संबंधित गुन्ह्याबाबत अधिक चौकशीत, आरोपीने हा गुन्हा त्याचे इतर साथीदार आणि पूर्वीच अटक झालेले आरोपी अमोल आडेगावर, मारुती गवळी व इतर साथीदारांसह मिळून केला असल्याची कबुली दिली. आरोपी अमर घाडगे याला पुढील कायदेशीर कार्यवाहीसाठी हडपसर पोलीस स्टेशनच्या ताब्यात देण्यात आले आहे. सदरची कामगिरी मा. अपर पोलीस आयुक्त (गुन्हे) श्रीमती तेजस्विनी सातपुते, मा. पोलीस उप-आयुक्त (गुन्हे) श्री. गौहर हसन आणि मा. सहायक पोलीस आयुक्त (गुन्हे २) श्री. राजेंद्र मुळीक यांच्या मार्गदर्शनाखाली पूर्ण करण्यात आली. पोलीस निरीक्षक (गुन्हे शाखा युनिट-०६) श्री. सुदर्शन गायकवाड यांच्या मार्गदर्शनाखाली प्रमोद टिळेकर, तानाजी देशमुख, बाळासाहेब सकटे, सतिश वनवे, समीर पांडुळे, प्रशांत कर्णवर, नानासाहेब मोरे, अमित कांबळे, गणेश माने, शेखर काटे, उमेश शेलार आणि अनिल जामगे या पोलीस अंमलदारांच्या पथकाने ही कारवाई यशस्वी केली.