అంతర్జాతీయ యోగా దినోత్సవం సందర్భంగా భద్రాద్రి కొత్తగూడెం జిల్లా పోలీసు శాఖ ఆధ్వర్యంలో జిల్లా పోలీసు హెడ్ క్వార్టర్స్ పరేడ్ గ్రౌండ్ నందు యోగా తరగతులు నిర్వహించారు. ఈ కార్యక్రమంలో పాల్గొన్న జిల్లా ఎస్పీ రోహిత్ రాజు ఐపిఎస్ మాట్లాడుతూ, యోగా ద్వారా పని ఒత్తిడి నుండి ఉపశమనం లభించడంతో పాటు సంపూర్ణ ఆరోగ్యం సిద్ధిస్తుందని, ఆనందమయమైన జీవితానికి ప్రతి ఒక్కరూ యోగాను తమ దైనందిన జీవితంలో అలవాటుగా చేసుకోవాలని పిలుపునిచ్చారు. ఆరోగ్యంగా, ఆనందంగా జీవించడానికి యోగా ఎంతగానో ఉపయోగపడుతుందని ఎస్పీ అన్నారు. వేల సంవత్సరాల నుండి యోగా భారత దేశ సంస్కృతిలో భాగంగా ఉండటం మనకు గొప్ప గౌరవం అని, ప్రపంచ దేశాలు కూడా యోగా ప్రాముఖ్యతను గుర్తించి ప్రత్యేక గుర్తింపును ఇచ్చాయని ఆయన పేర్కొన్నారు. పోలీసు అధికారులు, సిబ్బందికి విధి నిర్వహణలో ఒత్తిడి సర్వసాధారణమని, శారీరక, మానసిక ఒత్తిడి నుండి ఉపశమనం పొందడానికి యోగా చాలా ఉపయోగకరంగా ఉంటుందని వివరించారు. యోగా కేవలం వ్యాయామం మాత్రమే కాదని, అది ఒక జీవన విధానమని చెబుతూ, ఈ అంతర్జాతీయ యోగా దినోత్సవం సందర్భంగా పోలీసు అధికారులు, సిబ్బందితో కలిసి యోగాసనాలు, ధ్యానం, శ్వాసపై ధ్యాస, సూర్య నమస్కారాలు, ప్రాణాయామం వంటి ఆసనాలను వేసి వాటి ప్రయోజనాల గురించి తెలుసుకున్నారు. ఈ కార్యక్రమంలో కొత్తగూడెం డిఎస్పీ ఆదినారాయణ, ఏఆర్ డిఎస్పీ సత్యనారాయణతో పాటు కొత్తగూడెం సబ్ డివిజన్‌లోని పోలీస్ అధికారులు, ఆర్‌ఐలు, సిబ్బంది పాల్గొన్నారు. ఈ సందర్భంగా జిల్లా ప్రజలకు అంతర్జాతీయ యోగా దినోత్సవ శుభాకాంక్షలు తెలియజేస్తూ, ప్రతి ఒక్కరూ యోగాను తమ దైనందిన జీవితంలో అలవాటుగా మార్చుకోవాలని ఎస్పీ రోహిత్ రాజు ఐపిఎస్ మరోసారి ఉద్ఘాటించారు.

K NAVEEN KUMAR

Local News Reporter కొత్తగూడెం, భద్రాద్రి కొత్తగూడెం, తెలంగాణ•

16 hrs ago

అంతర్జాతీయ యోగా దినోత్సవం సందర్భంగా భద్రాద్రి కొత్తగూడెం జిల్లా పోలీసు శాఖ ఆధ్వర్యంలో జిల్లా పోలీసు హెడ్ క్వార్టర్స్ పరేడ్ గ్రౌండ్ నందు యోగా తరగతులు నిర్వహించారు. ఈ కార్యక్రమంలో పాల్గొన్న జిల్లా ఎస్పీ రోహిత్ రాజు ఐపిఎస్ మాట్లాడుతూ, యోగా ద్వారా పని ఒత్తిడి నుండి ఉపశమనం లభించడంతో పాటు సంపూర్ణ ఆరోగ్యం సిద్ధిస్తుందని, ఆనందమయమైన జీవితానికి ప్రతి ఒక్కరూ యోగాను తమ దైనందిన జీవితంలో అలవాటుగా చేసుకోవాలని పిలుపునిచ్చారు. ఆరోగ్యంగా, ఆనందంగా జీవించడానికి యోగా ఎంతగానో ఉపయోగపడుతుందని ఎస్పీ అన్నారు. వేల సంవత్సరాల నుండి యోగా భారత దేశ సంస్కృతిలో భాగంగా ఉండటం మనకు గొప్ప గౌరవం అని, ప్రపంచ దేశాలు కూడా యోగా ప్రాముఖ్యతను గుర్తించి ప్రత్యేక గుర్తింపును ఇచ్చాయని ఆయన పేర్కొన్నారు. పోలీసు అధికారులు, సిబ్బందికి విధి నిర్వహణలో ఒత్తిడి సర్వసాధారణమని, శారీరక, మానసిక ఒత్తిడి నుండి ఉపశమనం పొందడానికి యోగా చాలా ఉపయోగకరంగా ఉంటుందని వివరించారు. యోగా కేవలం వ్యాయామం మాత్రమే కాదని, అది ఒక జీవన విధానమని చెబుతూ, ఈ అంతర్జాతీయ యోగా దినోత్సవం సందర్భంగా పోలీసు అధికారులు, సిబ్బందితో కలిసి యోగాసనాలు, ధ్యానం, శ్వాసపై ధ్యాస, సూర్య నమస్కారాలు, ప్రాణాయామం వంటి ఆసనాలను వేసి వాటి ప్రయోజనాల గురించి తెలుసుకున్నారు. ఈ కార్యక్రమంలో కొత్తగూడెం డిఎస్పీ ఆదినారాయణ, ఏఆర్ డిఎస్పీ సత్యనారాయణతో పాటు కొత్తగూడెం సబ్ డివిజన్‌లోని పోలీస్ అధికారులు, ఆర్‌ఐలు, సిబ్బంది పాల్గొన్నారు. ఈ సందర్భంగా జిల్లా ప్రజలకు అంతర్జాతీయ యోగా దినోత్సవ శుభాకాంక్షలు తెలియజేస్తూ, ప్రతి ఒక్కరూ యోగాను తమ దైనందిన జీవితంలో అలవాటుగా మార్చుకోవాలని ఎస్పీ రోహిత్ రాజు ఐపిఎస్ మరోసారి ఉద్ఘాటించారు.