বিশ্বনাথ চাৰিআলিৰ পৰা জামুগুৰি হাটলৈকে এক বৃহৎ এলেকা ব্ৰহ্মপুত্ৰ নদীৰ বাঢ়নী পানীৰ পৰা ৰক্ষা কৰি অহা বিশ্বনাথ পাণপুৰ মথাউৰিয়ে বৰ্তমান এক ভয়াৱহ ৰূপ লৈছে। কেইবামাহৰ আগৰে পৰা কলাকাটি গাঁৱৰ সমীপত ব্ৰহ্মপুত্ৰ নদীৰ তীব্ৰ গৰাখহনীয়া চলি আহিছে, যাৰ ফলত মথাউৰিটোক স্পৰ্শ কৰিবলৈ এতিয়া মাত্ৰ কেই মিটাৰমানহে বাকী আছে। এই পৰিস্থিতিয়ে নৈপৰীয়া ৰাইজৰ লগতে সমগ্ৰ বিশ্বনাথ, চতিয়া আৰু জামুগুৰিহাটৰ লোকসকলৰ মাজত গভীৰ উদ্বেগৰ সৃষ্টি কৰিছে। বিভিন্ন সংবাদ মাধ্যমত এই বিষয়ে ধাৰাবাহিকভাৱে বাতৰি প্ৰকাশ পোৱাৰ পিছতো জলসম্পদ বিভাগে কোনো গুৰুত্ব নিদিলে আৰু খৰালি দিনত বিভাগটো নিদ্ৰামগ্ন হৈ আছিল বুলি অভিযোগ উত্থাপন হৈছে। এতিয়া গৰাখহনীয়া অঞ্চলটো চাবলৈ মানুহৰ ব্যাপক সমাগম ঘটিছে আৰু সকলোৱে আশংকা কৰিছে যে মথাউৰিটো ভাঙিলে ২০১২ চনৰ দৰে এক মহা প্ৰলয়ৰ সৃষ্টি হ'ব পাৰে। অৱশ্যে, বৰ্তমান জলসম্পদ বিভাগে লাচিত বৰফুকনে একে ৰাতিয়ে গড় বন্ধাৰ দৰে দিন-ৰাতি একাকাৰ কৰি জিও বেগেৰে ব্ৰহ্মপুত্ৰ নদীৰ গৰাখহনীয়া প্ৰতিৰোধৰ কাম কৰি আছে। তদানীন্তন কংগ্ৰেছ চৰকাৰৰ দিনৰে পৰা বিগত চৰকাৰৰ দিনলৈকে বিশ্বনাথ পাণপুৰ মথাউৰিৰ কাষত হৈ থকা ব্ৰহ্মপুত্ৰৰ গৰাখহনীয়া প্ৰতিৰোধৰ বাবে কোটি কোটি টকা ব্যয় কৰা হৈছিল যদিও সমস্যাৰ কোনো স্থায়ী সমাধান হোৱা নাই। বিভিন্ন দল-সংগঠন আৰু স্থানীয় ৰাইজে এই অঞ্চলৰ গৰাখহনীয়া সমস্যাৰ স্থায়ী সমাধান বিচাৰি আবেদন-নিবেদন আৰু আন্দোলন পৰ্যন্ত কৰিছিল, কিন্তু সমস্যা একেই আছে। শেহতীয়াকৈ হিমন্ত বিশ্ব শৰ্মাৰ নেতৃত্বত অসমত চৰকাৰ গঠন হোৱাৰ পিছত বিশ্বনাথ বিধানসভা সমষ্টিৰ বিধায়ক পল্লৱ লোচন দাস আৰু নদুৱাৰ সমষ্টিৰ বিধায়ক পদ্ম হাজৰিকাক এই সমস্যাৰ স্থায়ী সমাধানৰ বাবে অনুৰোধ জনোৱা হৈছে। স্থানীয় দুয়োগৰাকী বিধায়কে ইতিমধ্যে সদৰী কৰিছে যে বিশ্বনাথ পাণপুৰ মথাউৰিৰ বাবে প্ৰায় ৬০ কোটি টকা আবণ্টন দিয়া হৈছে। স্থানীয় ৰাইজে আশা কৰিছে যে এই বৃহৎ ধনৰাশিৰে চতিয়াৰ দক্ষিণ অঞ্চলৰ ৰাইজৰ এই বৃহৎ সমস্যাটোৰ এক স্থায়ী সমাধানৰ পথ মুকলি হ'ব।

অঞ্জন শ‌ইকীয়া

না-দুৱাৰ, বিশ্বনাথ, অসম•

20 hrs ago

বিশ্বনাথ চাৰিআলিৰ পৰা জামুগুৰি হাটলৈকে এক বৃহৎ এলেকা ব্ৰহ্মপুত্ৰ নদীৰ বাঢ়নী পানীৰ পৰা ৰক্ষা কৰি অহা বিশ্বনাথ পাণপুৰ মথাউৰিয়ে বৰ্তমান এক ভয়াৱহ ৰূপ লৈছে। কেইবামাহৰ আগৰে পৰা কলাকাটি গাঁৱৰ সমীপত ব্ৰহ্মপুত্ৰ নদীৰ তীব্ৰ গৰাখহনীয়া চলি আহিছে, যাৰ ফলত মথাউৰিটোক স্পৰ্শ কৰিবলৈ এতিয়া মাত্ৰ কেই মিটাৰমানহে বাকী আছে। এই পৰিস্থিতিয়ে নৈপৰীয়া ৰাইজৰ লগতে সমগ্ৰ বিশ্বনাথ, চতিয়া আৰু জামুগুৰিহাটৰ লোকসকলৰ মাজত গভীৰ উদ্বেগৰ সৃষ্টি কৰিছে। বিভিন্ন সংবাদ

মাধ্যমত এই বিষয়ে ধাৰাবাহিকভাৱে বাতৰি প্ৰকাশ পোৱাৰ পিছতো জলসম্পদ বিভাগে কোনো গুৰুত্ব নিদিলে আৰু খৰালি দিনত বিভাগটো নিদ্ৰামগ্ন হৈ আছিল বুলি অভিযোগ উত্থাপন হৈছে। এতিয়া গৰাখহনীয়া অঞ্চলটো চাবলৈ মানুহৰ ব্যাপক সমাগম ঘটিছে আৰু সকলোৱে আশংকা কৰিছে যে মথাউৰিটো ভাঙিলে ২০১২ চনৰ দৰে এক মহা প্ৰলয়ৰ সৃষ্টি হ'ব পাৰে। অৱশ্যে, বৰ্তমান জলসম্পদ বিভাগে লাচিত বৰফুকনে একে ৰাতিয়ে গড় বন্ধাৰ দৰে দিন-ৰাতি একাকাৰ কৰি জিও বেগেৰে

ব্ৰহ্মপুত্ৰ নদীৰ গৰাখহনীয়া প্ৰতিৰোধৰ কাম কৰি আছে। তদানীন্তন কংগ্ৰেছ চৰকাৰৰ দিনৰে পৰা বিগত চৰকাৰৰ দিনলৈকে বিশ্বনাথ পাণপুৰ মথাউৰিৰ কাষত হৈ থকা ব্ৰহ্মপুত্ৰৰ গৰাখহনীয়া প্ৰতিৰোধৰ বাবে কোটি কোটি টকা ব্যয় কৰা হৈছিল যদিও সমস্যাৰ কোনো স্থায়ী সমাধান হোৱা নাই। বিভিন্ন দল-সংগঠন আৰু স্থানীয় ৰাইজে এই অঞ্চলৰ গৰাখহনীয়া সমস্যাৰ স্থায়ী সমাধান বিচাৰি আবেদন-নিবেদন আৰু আন্দোলন পৰ্যন্ত কৰিছিল, কিন্তু সমস্যা একেই আছে। শেহতীয়াকৈ হিমন্ত বিশ্ব শৰ্মাৰ নেতৃত্বত অসমত

চৰকাৰ গঠন হোৱাৰ পিছত বিশ্বনাথ বিধানসভা সমষ্টিৰ বিধায়ক পল্লৱ লোচন দাস আৰু নদুৱাৰ সমষ্টিৰ বিধায়ক পদ্ম হাজৰিকাক এই সমস্যাৰ স্থায়ী সমাধানৰ বাবে অনুৰোধ জনোৱা হৈছে। স্থানীয় দুয়োগৰাকী বিধায়কে ইতিমধ্যে সদৰী কৰিছে যে বিশ্বনাথ পাণপুৰ মথাউৰিৰ বাবে প্ৰায় ৬০ কোটি টকা আবণ্টন দিয়া হৈছে। স্থানীয় ৰাইজে আশা কৰিছে যে এই বৃহৎ ধনৰাশিৰে চতিয়াৰ দক্ষিণ অঞ্চলৰ ৰাইজৰ এই বৃহৎ সমস্যাটোৰ এক স্থায়ী সমাধানৰ পথ মুকলি হ'ব।