আজি লাহৰীঘাট সমষ্টিৰ অন্তৰ্গত কালাই চাপৰিত বিধায়ক আছিফ নাজাৰ যন্ত্ৰচালিত নাৱেৰে যাত্ৰা কৰি উপস্থিত হয়। তেওঁ সমষ্টিৰ ৰাইজৰ সৈতে সাক্ষাৎ কৰি অঞ্চলটোৰ লোকসকলৰ অভাৱ-অভিযোগ সম্পৰ্কে বুজ লয়। এই ভ্ৰমণৰ সময়ত বিধায়কগৰাকীয়ে বিভিন্ন উন্নয়নমূলক দিশৰ ওপৰত ৰাইজৰ সৈতে বিশদ আলোচনা কৰে।

আজি লাহৰীঘাট সমষ্টিৰ অন্তৰ্গত কালাই চাপৰিত বিধায়ক আছিফ নাজাৰ যন্ত্ৰচালিত নাৱেৰে যাত্ৰা কৰি উপস্থিত হয়। তেওঁ সমষ্টিৰ ৰাইজৰ সৈতে সাক্ষাৎ কৰি অঞ্চলটোৰ লোকসকলৰ অভাৱ-অভিযোগ সম্পৰ্কে বুজ লয়। এই ভ্ৰমণৰ সময়ত বিধায়কগৰাকীয়ে বিভিন্ন উন্নয়নমূলক দিশৰ ওপৰত ৰাইজৰ সৈতে বিশদ আলোচনা কৰে।

আন্তঃৰাষ্ট্ৰীয় মাদক দ্ৰব্যৰ অপব্যৱহাৰ আৰু অবৈধ সৰবৰাহ বিৰোধী দিৱস উপলক্ষে মৰিগাঁও জিলাৰ জিলা শিক্ষা আৰু প্ৰশিক্ষণ প্ৰতিষ্ঠান (DIET) এ 'নশা মুক্ত ভাৰত অভিযান'ৰ অধীনত এক সজাগতা কাৰ্যসূচীৰ আয়োজন কৰে। সমাজত মাদক দ্ৰব্যৰ অপব্যৱহাৰ ৰোধ কৰা আৰু শিক্ষাৰ্থীসকলৰ মাজত সজাগতা সৃষ্টি কৰাই আছিল এই কাৰ্যসূচীৰ মূল লক্ষ্য। এই অনুষ্ঠানত অতিৰিক্ত জিলা আয়ুক্ত নীতিশা বৰা মুখ্য অতিথি হিচাপে উপস্থিত থাকে। তেওঁ নিজৰ ভাষণত মাদক দ্ৰব্যৰ অপব্যৱহাৰ ৰোধ কৰাত শিক্ষানুষ্ঠান, চৰকাৰ, অভিভাৱক আৰু সমাজৰ সমন্বিত প্ৰচেষ্টাৰ গুৰুত্বৰ ওপৰত আলোকপাত কৰে। লগতে, তেওঁ শিক্ষাৰ্থীসকলক সকলো ধৰণৰ নিচাজাতীয় সামগ্ৰীৰ পৰা আঁতৰি থাকি 'নশা মুক্ত ভাৰত' গঢ়াৰ ক্ষেত্ৰত সক্ৰিয় ভূমিকা ল'বলৈ আহ্বান জনায়। অনুষ্ঠানত ন'ডেল বিষয়া ড° জয়া বড়োৱে মাদক দ্ৰব্যৰ অপব্যৱহাৰৰ কু-প্ৰভাৱ, ইয়াৰ সামাজিক আৰু স্বাস্থ্যজনিত ক্ষতিকাৰক দিশ, প্ৰতিৰোধমূলক ব্যৱস্থা আৰু 'নশা মুক্ত ভাৰত অভিযান'ৰ লক্ষ্য-উদ্দেশ্য সম্পৰ্কে এক তথ্যসমৃদ্ধ পাৱাৰপইণ্ট উপস্থাপনা আগবঢ়ায়। তেওঁ দেশক মাদকমুক্ত কৰাৰ ক্ষেত্ৰত যুৱ সমাজৰ দায়িত্ব আৰু ভূমিকাৰ ওপৰতো গুৰুত্ব দিয়ে। DIET মৰিগাঁৱৰ অধ্যক্ষ, শিক্ষক-শিক্ষয়িত্ৰী, কৰ্মচাৰী আৰু শিক্ষাৰ্থীসকলে এই সজাগতা কাৰ্যসূচীত সক্ৰিয়ভাৱে অংশগ্ৰহণ কৰে। উল্লেখ্য যে DIET মৰিগাঁৱে নিয়মীয়াকৈ এনে সজাগতা কাৰ্যসূচী আয়োজন কৰি যুৱ সমাজৰ মাজত সচেতনতা বৃদ্ধিৰ লগতে 'নশা মুক্ত ভাৰত অভিযান'ক অধিক শক্তিশালী কৰি আহিছে। অনুষ্ঠানৰ সামৰণিত উপস্থিত সকলোৱে মাদকমুক্ত ভাৰত গঢ়াৰ সংকল্প গ্ৰহণ কৰাৰ লগতে সমাজৰ প্ৰতিটো স্তৰত মাদকবিৰোধী সজাগতা বিস্তাৰ কৰাৰ প্ৰতিশ্ৰুতি ব্যক্ত কৰে।

সমগ্ৰ বিশ্বৰ লগতে মৰিগাঁৱতো আজি 'আন্তঃৰাষ্ট্ৰীয় ড্ৰাগছ অপব্যৱহাৰ আৰু অবৈধ সৰবৰাহ বিৰোধী দিৱস' সজাগতামূলক কাৰ্যসূচীৰে পালন কৰা হয়। এই উপলক্ষে মৰিগাঁও আৰক্ষী থানাৰ উদ্যোগত 'ড্ৰাগছক কওক না, জীৱনক কওক হা' — এই মূল বাৰ্তাৰে এক বিশেষ ড্ৰাগছ বিৰোধী ৰেলী উলিওৱা হয়। এই সমদলত মৰিগাঁও আৰক্ষীৰ উচ্চপদস্থ বিষয়া আৰু কৰ্মচাৰীসকলৰ লগতে স্থানীয় একাংশ যুৱক-যুৱতী আৰু সচেতন নাগৰিকে অংশগ্ৰহণ কৰে। সমদলটোৱে চহৰখনৰ পথ পৰিক্ৰমা কৰি সৰ্বসাধাৰণ ৰাইজক, বিশেষকৈ যুৱ প্ৰজন্মক ড্ৰাগছৰ ভয়াৱহতা আৰু ইয়াৰ কুপ্ৰভাৱৰ প্ৰতি সজাগ কৰাৰ প্ৰয়াস কৰে। আৰক্ষী প্ৰশাসনে সমাজৰ পৰা এই মাৰাত্মক ব্যাধি চিৰদিনৰ বাবে নিৰ্মূল কৰিবলৈ সকলো শ্ৰেণীৰ ৰাইজৰ সক্ৰিয় সহযোগিতা কামনা কৰিছে।

মন্ত্ৰী পীযূষ হাজৰিকা মায়ং গাঁও পঞ্চায়তত উপস্থিত হয়। এই ভ্ৰমণকালত মন্ত্ৰীগৰাকীয়ে মায়ং গাঁও পঞ্চায়তৰ সৈতে জড়িত বিভিন্ন গুৰুত্বপূৰ্ণ বিষয়সমূহৰ ওপৰত স্থানীয় ৰাইজৰ সৈতে মত বিনিময় কৰে।

গুৱাহাটীৰ নীলাচল পাহাৰত অম্বুবাচী মেলাৰ সময়ত এক উদুলি মুদুলি পৰিবেশ বিৰাজ কৰিছে, য'ত কামাখ্যা দেৱীৰ মন্দিৰত লাখ লাখ সাধু-সন্তই ভীৰ কৰিছে। এই উৎসৱমুখৰ পৰিবেশৰ মাজতে, মধ্য গুৱাহাটী সমষ্টিৰ বিধায়ক বিজয় গুপ্তাকো নীলাচল পাহাৰত দেখা পোৱা গ'ল। তেওঁ কামাখ্যা দেৱীৰ মন্দিৰলৈ যাত্ৰা কৰাৰ সময়ত সাধু-সন্ন্যাসীৰ সৈতে উপস্থিত আছিল।

নগাঁৱৰ কেইবাখনো ব্যক্তিগত খণ্ডৰ বিদ্যালয়ৰ বিৰুদ্ধে ভুৱা নথি-পত্ৰ প্ৰস্তুত কৰি শিক্ষানুষ্ঠান চলাই থকাৰ এক ভয়ংকৰ অভিযোগ উত্থাপন হৈছে। অভিযোগ অনুসৰি, ছেবা ক’ড আৰু ডাইচ ক’ডৰ ক্ষেত্ৰত এই জালিয়াতি সংঘটিত হৈছে, যি তথ্য নগাঁও সংমণ্ডলৰ বিদ্যালয় পৰিদৰ্শকে এক সংবাদ মেল যোগে সদৰি কৰিছে। এই ভুৱা নথি-পত্ৰৰে কাম-কাজ চলাই থকা বহুকেইখন বিদ্যালয়ৰ মাজত চামগুৰিৰ সৰস্বতী একাডেমীৰ নাম সাঙুৰ খাইছে। অৱশ্যে, জালিয়াতি বা ভুৱা নথি-পত্ৰৰে বিদ্যালয়ৰ কাম-কাজ চলোৱাৰ অভিযোগ সৰস্বতী একাডেমীৰ কতৃপক্ষই নাকচ কৰিছে। বিদ্যালয়খনৰ কতৃপক্ষই মন্তব্য কৰা অনুসৰি, নগাঁও সংমণ্ডলৰ বিদ্যালয় পৰিদৰ্শকগৰাকীয়েও তেওঁলোকৰ বিদ্যালয়খন পৰিদৰ্শন কৰি সকলো তথ্য সংগ্ৰহ কৰিছে। তেওঁলোকে লগতে জনাইছে যে বিদ্যালয়খনৰ সকলো ধৰণৰ অনুমতিৰ বাবে নগাঁও সংমণ্ডলৰ বিদ্যালয় পৰিদৰ্শকৰ কাৰ্যালয়ত সকলো ধৰণৰ নথি-পত্ৰ জমা দিয়া হৈছে।

ছিপাঝাৰ বিধানসভা সমষ্টিৰ অন্তৰ্গত লোক্ৰাই আৰু মাৰৈ-দুমুনিচকী গাঁও পঞ্চায়তত বিধায়ক ড° পৰমানন্দ ৰাজবংশীক এক গাম্ভীৰ্যপূৰ্ণ সম্বৰ্ধনা জ্ঞাপন কৰা হৈছে। এই অনুষ্ঠান প্ৰধানমন্ত্ৰী নৰেন্দ্ৰ মোদী চৰকাৰৰ ‘বিশ্বাস, উন্নয়ন আৰু জনকল্যাণৰ ১২ বছৰ’ উদযাপন উপলক্ষে আয়োজিত ‘ৰাইজৰ পদুলিত, ৰাইজৰ সমাধান’ কাৰ্যসূচীৰ এক অংশ হিচাপে অনুষ্ঠিত হয়। এই সভাত স্থানীয় গণ্য-মান্য ব্যক্তি, পঞ্চায়ত প্ৰতিনিধি, বিজেপিৰ বিভিন্ন পৰ্যায়ৰ বিষয়ববীয়াৰ লগতে বহু সংখ্যক দলীয় কৰ্মী উপস্থিত থাকে। বিধায়ক ড° পৰমানন্দ ৰাজবংশীয়ে নিজৰ বক্তব্যত অঞ্চলটোৰ উন্নয়ন, জনকল্যাণমূলক আঁচনি আৰু আগন্তুক উন্নয়নমূলক পৰিকল্পনাসমূহৰ বিষয়ে বিশদভাৱে উল্লেখ কৰে। সভাত তেওঁক ফুলাম গামোচা, শৰাই আৰু স্মাৰক প্ৰদান কৰি উষ্ম সম্বৰ্ধনা জনোৱা হয়।

মৰিগাঁও ডায়েটৰ উদ্যোগত চলোৱা ড্ৰাগছ আৰু ধঁপাত বিৰোধী সজাগতা অভিযানৰ সামৰণি মৰা হৈছে।