मानोरा नगर पंचायतच्या प्रभाग क्रमांक १४ मधील नगरसेवक निशार शहा यांच्या निधनामुळे रिक्त झालेल्या जागेसाठी २० जून रोजी पोटनिवडणूक होत असून, यामुळे स्थानिक राजकारणात मोठी उत्सुकता निर्माण झाली आहे. या निवडणुकीचे विशेष वैशिष्ट्य म्हणजे कोणत्याही राष्ट्रीय किंवा प्रमुख राजकीय पक्षाने अधिकृत उमेदवार दिलेला नाही, त्यामुळे ही लढत अपक्ष उमेदवारांमध्ये रंगणार आहे. मतमोजणी २१ जून रोजी होणार आहे. या निवडणुकीसाठी तस्लिम शहा कय्युम शहा, हाफिज खान आणि नुरेद खान फराद खान यांनी आपले उमेदवारी अर्ज दाखल केले आहेत. उमेदवारी अर्जांची छाननी आणि माघारीनंतर अंतिम चित्र स्पष्ट होईल, परंतु सध्या मतदारांमध्ये थेट दुरंगी लढतीची चर्चा सुरू आहे. राजकीयदृष्ट्या महत्त्वाच्या मानल्या जाणाऱ्या या प्रभागात यापूर्वी नगराध्यक्ष हेमेंद्र ठाकरे आणि ज्येष्ठ नेते युसूफ पुंजानी यांनी एकत्रितपणे निवडणूक लढवली होती; मात्र, यावेळी दोन्ही नेत्यांनी वेगळी भूमिका घेतल्याची चर्चा आहे. यामुळे या पोटनिवडणुकीकडे केवळ स्थानिकच नव्हे, तर जिल्हाभरातील राजकीय निरीक्षकांचे लक्ष लागले आहे. दोन्ही नेत्यांच्या प्रभावाची खरी परीक्षा या निवडणुकीत होणार असल्याचे मानले जात आहे. प्रभाग क्रमांक १४ मध्ये एकूण ४२८ मतदार असून, त्यापैकी शहा समाजातील मतदारांची संख्या लक्षणीय आहे, ज्यामुळे समाजनिहाय मतदानाची समीकरणे महत्त्वाची ठरणार आहेत. मात्र, केवळ समाजाचे गणित नव्हे तर उमेदवारांची स्थानिक पातळीवरील पकड, वैयक्तिक संपर्क, विकासकामांचा मुद्दा आणि मतदारांशी असलेला संवादही निर्णायक ठरेल, असे जाणकारांचे मत आहे. मानोरा नगर पंचायतचा विद्यमान कार्यकाळ येत्या डिसेंबरमध्ये संपणार असल्याने, ही पोटनिवडणूक आगामी नगर पंचायत सार्वत्रिक निवडणुकांची रंगीत तालीम मानली जात आहे. याच कारणामुळे दोन्ही गटांनी ही निवडणूक प्रतिष्ठेची बनवली असून प्रत्येक मतासाठी जोरदार मोर्चेबांधणी सुरू आहे. राजकीय वर्तुळात एकीकडे युसूफ पुंजानी पुन्हा एकदा ‘किंगमेकर’ ठरणार का, याची चर्चा सुरू आहे, तर दुसरीकडे मतदार स्थानिक नेतृत्वाला संधी देत स्वतंत्र निर्णय घेणार का, याबाबतही उत्सुकता आहे. प्रचाराच्या शेवटच्या टप्प्यात कोणता उमेदवार मतदारांपर्यंत अधिक प्रभावीपणे पोहोचतो, यावरही निकालाची दिशा अवलंबून राहणार आहे. प्रभाग क्रमांक १४ चा मतदार राजा कोणाला नगर पंचायतमध्ये प्रतिनिधित्वाची संधी देतो, याकडे संपूर्ण तालुक्यासह जिल्ह्याचे लक्ष लागले आहे. या पोटनिवडणुकीचा निकाल केवळ एका जागेपुरता मर्यादित न राहता आगामी नगर पंचायत निवडणुकांचे राजकीय संकेत देणारा ठरू शकतो, अशी शक्यता व्यक्त होत आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

23 hrs ago

मानोरा नगर पंचायतच्या प्रभाग क्रमांक १४ मधील नगरसेवक निशार शहा यांच्या निधनामुळे रिक्त झालेल्या जागेसाठी २० जून रोजी पोटनिवडणूक होत असून, यामुळे स्थानिक राजकारणात मोठी उत्सुकता निर्माण झाली आहे. या निवडणुकीचे विशेष वैशिष्ट्य म्हणजे कोणत्याही राष्ट्रीय किंवा प्रमुख राजकीय पक्षाने अधिकृत उमेदवार दिलेला नाही, त्यामुळे ही लढत अपक्ष उमेदवारांमध्ये रंगणार आहे. मतमोजणी २१ जून रोजी होणार आहे. या निवडणुकीसाठी तस्लिम शहा कय्युम शहा, हाफिज खान आणि नुरेद खान फराद खान यांनी आपले उमेदवारी अर्ज दाखल केले आहेत. उमेदवारी अर्जांची छाननी आणि माघारीनंतर अंतिम चित्र स्पष्ट होईल, परंतु सध्या मतदारांमध्ये थेट दुरंगी लढतीची चर्चा सुरू आहे. राजकीयदृष्ट्या महत्त्वाच्या मानल्या जाणाऱ्या या प्रभागात यापूर्वी नगराध्यक्ष हेमेंद्र ठाकरे आणि ज्येष्ठ नेते युसूफ पुंजानी यांनी एकत्रितपणे निवडणूक लढवली होती; मात्र, यावेळी दोन्ही नेत्यांनी वेगळी भूमिका घेतल्याची चर्चा आहे. यामुळे या पोटनिवडणुकीकडे केवळ स्थानिकच नव्हे, तर जिल्हाभरातील राजकीय निरीक्षकांचे लक्ष लागले आहे. दोन्ही नेत्यांच्या प्रभावाची खरी परीक्षा या निवडणुकीत होणार असल्याचे मानले जात आहे. प्रभाग क्रमांक १४ मध्ये एकूण ४२८ मतदार असून, त्यापैकी शहा समाजातील मतदारांची संख्या लक्षणीय आहे, ज्यामुळे समाजनिहाय मतदानाची समीकरणे महत्त्वाची ठरणार आहेत. मात्र, केवळ समाजाचे गणित नव्हे तर उमेदवारांची स्थानिक पातळीवरील पकड, वैयक्तिक संपर्क, विकासकामांचा मुद्दा आणि मतदारांशी असलेला संवादही निर्णायक ठरेल, असे जाणकारांचे मत आहे. मानोरा नगर पंचायतचा विद्यमान कार्यकाळ येत्या डिसेंबरमध्ये संपणार असल्याने, ही पोटनिवडणूक आगामी नगर पंचायत सार्वत्रिक निवडणुकांची रंगीत तालीम मानली जात आहे. याच कारणामुळे दोन्ही गटांनी ही निवडणूक प्रतिष्ठेची बनवली असून प्रत्येक मतासाठी जोरदार मोर्चेबांधणी सुरू आहे. राजकीय वर्तुळात एकीकडे युसूफ पुंजानी पुन्हा एकदा ‘किंगमेकर’ ठरणार का, याची चर्चा सुरू आहे, तर दुसरीकडे मतदार स्थानिक नेतृत्वाला संधी देत स्वतंत्र निर्णय घेणार का, याबाबतही उत्सुकता आहे. प्रचाराच्या शेवटच्या टप्प्यात कोणता उमेदवार मतदारांपर्यंत अधिक प्रभावीपणे पोहोचतो, यावरही निकालाची दिशा अवलंबून राहणार आहे. प्रभाग क्रमांक १४ चा मतदार राजा कोणाला नगर पंचायतमध्ये प्रतिनिधित्वाची संधी देतो, याकडे संपूर्ण तालुक्यासह जिल्ह्याचे लक्ष लागले आहे. या पोटनिवडणुकीचा निकाल केवळ एका जागेपुरता मर्यादित न राहता आगामी नगर पंचायत निवडणुकांचे राजकीय संकेत देणारा ठरू शकतो, अशी शक्यता व्यक्त होत आहे.