हिंगणा तालुक्यातील वानाडोंगरी वनपरिक्षेत्रातील वडधामणा परिसरात पाण्यासाठी गावात आलेल्या एका चितळावर भटक्या कुत्र्यांनी हल्ला केल्याची धक्कादायक घटना घडली आहे. या हल्ल्यात चितळ गंभीर जखमी झाले असून, यामुळे वन विभागाच्या कार्यपद्धतीवर गंभीर प्रश्नचिन्ह निर्माण झाले आहे. जंगलात पाण्याची योग्य व्यवस्था नसल्याने तहानलेले चितळ गावच्या दिशेने आले आणि ते कुत्र्यांच्या हल्ल्याचे बळी ठरले, यातून वन्यजीव संरक्षणाचे दावे किती पोकळ आहेत हे उघड झाल्याचे म्हटले जात आहे. स्थानिक नागरिकांचा आरोप आहे की, जर वन विभागाने वन्यप्राण्यांसाठी जंगलात पुरेसे पाणवठे, जलसाठे आणि संरक्षणात्मक उपाययोजना केल्या असत्या तर ही वेळ आली नसती. वन्यप्राण्यांना जंगल सोडून गावात यावे लागण्याची वेळ का आली, जंगलातील जलस्रोत कोरडे पडले होते का, याची जबाबदारी कोण घेणार, असे संतप्त सवाल नागरिक उपस्थित करत आहेत. या घटनेची माहिती मिळताच सामाजिक कार्यकर्ते आकाश मेश्राम यांनी घटनास्थळी धाव घेतली आणि परिस्थितीची दखल घेतली. मात्र, इतकी गंभीर घटना घडूनही हिंगणा वनपरिक्षेत्रातील अधिकाऱ्यांकडून अद्याप कोणतेही अधिकृत निवेदन जारी करण्यात आलेले नाही. त्यामुळे हे प्रकरण नेहमीप्रमाणे दडपण्याचा प्रयत्न तर केला जात नाही ना, अशी चर्चा परिसरात सुरू आहे. नागरिकांनी या घटनेची उच्चस्तरीय चौकशी करून दोषी आढळणाऱ्या अधिकाऱ्यांवर कारवाई करण्याची जोरदार मागणी केली आहे. अन्यथा वन्यजीव संरक्षणाचे सर्व दावे केवळ कागदोपत्रीच राहतील, असे नागरिकांचे म्हणणे आहे.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

2 hrs ago

प्रभात 30 मधील नागरिकांना दिलासा मिळाला आहे, कारण युनुस शेख यांनी त्यांना नाला सफाईच्या कामाची माहिती दिली आहे.