విద్యుత్ కోతలపై ముందస్తు సమాచారం ఇవ్వని అధికారులు విల విలలాడుతున్న వినియోగ దారులు బాపట్లలో విద్యుత్ శాఖ అధికారుల తీరుపై వినియోగదారులు తీవ్ర ఆగ్రహం వ్యక్తం చేస్తున్నారు. RDSS పనుల పేరుతో గంటల తరబడి విద్యుత్ సరఫరాను నిలిపివేస్తుండటంతో ప్రజలు తీవ్ర ఇబ్బందులు ఎదుర్కొంటున్నారు. ఉదయం 10 గంటల సమయంలో విద్యుత్ సరఫరా నిలిపివేయగా.. సాయంత్రం 7 గంటలు దాటినా విద్యుత్ పునరుద్ధరణ కాకపోవడంతో వినియోగదారులు తీవ్ర అవస్థలు పడుతున్నారు. దాదాపు రోజంతా కరెంట్ లేకపోవడంతో ఇళ్లలో వృద్ధులు, చిన్నారులు, మహిళలు ఇబ్బందులు ఎదుర్కొంటున్నారు. వ్యాపార సంస్థలు, చిన్న పరిశ్రమలు, విద్యుత్‌పై ఆధారపడే వృత్తుల పరిస్థితి మరింత దారుణంగా మారింది. విద్యుత్ సరఫరా నిలిపివేయాల్సిన పరిస్థితి ఉంటే వినియోగదారులకు ముందస్తుగా సమాచారం ఇవ్వడం కనీస బాధ్యత. అయితే బాపట్లలో గంటల తరబడి రోజుల తరబడి విద్యుత్ కోత విధించినప్పటికీ ఎంతసేపు కరెంట్ ఉండదో, ఎప్పుడు పునరుద్ధరిస్తారో అధికారులు ముందస్తుగా స్పష్టమైన సమాచారం ఇవ్వకపోవడంపై ప్రజలు మండిపడుతున్నారు. RDSS పనులు ఉన్నాయన్న పేరుతో విద్యుత్ సరఫరా నిలిపివేయడం ఒకవైపు అయితే పనులు పూర్తయ్యే సమయం, సరఫరా పునరుద్ధరణపై స్పష్టత లేకపోవడం మరోవైపు వినియోగదారులను అయోమయానికి గురిచేస్తోంది.ప్రజలకు ఇబ్బంది కలగకుండా పనులు నిర్వహించవలసిన అధికారులు ఏకధాటిగా తొమ్మిది గంటల పాటు విద్యుత్ సరఫరా నిలిపి వేయటం వినియోగదారులను ఇబ్బంది పెట్టటమే అని ప్రజలు ఆగ్రహం వ్యక్తం చేస్తున్నారు.విద్యుత్ బిల్లులు మాత్రం గడువులోగా చెల్లించాలని వినియోగదారులకు నిబంధనలు చెప్పే అధికారులు.. విద్యుత్ సరఫరా విషయంలో మాత్రం ప్రజల ఇబ్బందులను ఎందుకు పట్టించుకోవడం లేదని వినియోగదారులు ప్రశ్నిస్తున్నారు.రోజంతా కరెంట్ లేకపోయినా అధికారులు స్పందించకపోవడం ఏమిటని నిలదీస్తున్నారు. విద్యుత్ కోతలపై ముందస్తు సమాచారం ఇవ్వకుండా ప్రజలను ఇబ్బందులకు గురిచేయడం ఎంతవరకు సమంజసమని ప్రశ్నిస్తున్నారు. పనులు చేయండి.. కానీ ప్రజలను ఇబ్బంది పెట్టొద్దు!అభివృద్ధి పనులు, నిర్వహణ పనులు చేయడాన్ని ప్రజలు వ్యతిరేకించడం లేదు. అయితే పనుల పేరుతో గంటల తరబడి రోజుల తరబడి విద్యుత్ సరఫరా నిలిపివేయాల్సి వస్తే కనీసం ముందస్తు సమాచారం ఇవ్వాలని వినియోగదారులు కోరుతున్నారు.ఎప్పుడు కరెంట్ పోతుంది? ఎప్పుడు వస్తుంది? అనే కనీస సమాచారం కూడా లేకుండా ప్రజలను గంటల తరబడి చీకట్లో ఉంచడం అధికారుల నిర్లక్ష్యానికి నిదర్శనమని విమర్శలు వెల్లువెత్తుతున్నాయి.ఇప్పటికైనా విద్యుత్ శాఖ ఉన్నతాధికారులు స్పందించి బాపట్లలో అనవసర విద్యుత్ కోతలను నియంత్రించాలని, తప్పనిసరి కోతలు ఉంటే ముందస్తుగా వినియోగదారులకు సమాచారం అందించేలా చర్యలు తీసుకోవాలని ప్రజలు డిమాండ్ చేస్తున్నారు.

దాసరి నటరాజు

ఉయ్యూరు, కృష్ణ, ఆంధ్రప్రదేశ్•

56 min ago

విద్యుత్ కోతలపై ముందస్తు సమాచారం ఇవ్వని అధికారులు విల విలలాడుతున్న వినియోగ దారులు బాపట్లలో విద్యుత్ శాఖ అధికారుల తీరుపై వినియోగదారులు తీవ్ర ఆగ్రహం వ్యక్తం చేస్తున్నారు. RDSS పనుల పేరుతో గంటల తరబడి విద్యుత్ సరఫరాను నిలిపివేస్తుండటంతో ప్రజలు తీవ్ర ఇబ్బందులు ఎదుర్కొంటున్నారు. ఉదయం 10 గంటల సమయంలో విద్యుత్ సరఫరా నిలిపివేయగా.. సాయంత్రం 7 గంటలు దాటినా విద్యుత్ పునరుద్ధరణ కాకపోవడంతో వినియోగదారులు తీవ్ర అవస్థలు పడుతున్నారు. దాదాపు రోజంతా కరెంట్ లేకపోవడంతో ఇళ్లలో వృద్ధులు, చిన్నారులు, మహిళలు ఇబ్బందులు ఎదుర్కొంటున్నారు. వ్యాపార సంస్థలు, చిన్న పరిశ్రమలు, విద్యుత్‌పై ఆధారపడే వృత్తుల పరిస్థితి మరింత దారుణంగా మారింది. విద్యుత్ సరఫరా నిలిపివేయాల్సిన పరిస్థితి ఉంటే వినియోగదారులకు ముందస్తుగా సమాచారం ఇవ్వడం కనీస బాధ్యత. అయితే బాపట్లలో గంటల తరబడి రోజుల తరబడి విద్యుత్ కోత విధించినప్పటికీ ఎంతసేపు కరెంట్ ఉండదో, ఎప్పుడు పునరుద్ధరిస్తారో అధికారులు ముందస్తుగా స్పష్టమైన సమాచారం ఇవ్వకపోవడంపై ప్రజలు మండిపడుతున్నారు. RDSS పనులు ఉన్నాయన్న పేరుతో విద్యుత్ సరఫరా నిలిపివేయడం ఒకవైపు అయితే పనులు పూర్తయ్యే సమయం, సరఫరా పునరుద్ధరణపై స్పష్టత లేకపోవడం మరోవైపు వినియోగదారులను అయోమయానికి గురిచేస్తోంది.ప్రజలకు ఇబ్బంది కలగకుండా పనులు నిర్వహించవలసిన అధికారులు ఏకధాటిగా తొమ్మిది గంటల పాటు విద్యుత్ సరఫరా నిలిపి వేయటం వినియోగదారులను ఇబ్బంది పెట్టటమే అని ప్రజలు ఆగ్రహం వ్యక్తం చేస్తున్నారు.విద్యుత్ బిల్లులు మాత్రం గడువులోగా చెల్లించాలని వినియోగదారులకు నిబంధనలు చెప్పే అధికారులు.. విద్యుత్ సరఫరా విషయంలో మాత్రం ప్రజల ఇబ్బందులను ఎందుకు పట్టించుకోవడం లేదని వినియోగదారులు ప్రశ్నిస్తున్నారు.రోజంతా కరెంట్ లేకపోయినా అధికారులు స్పందించకపోవడం ఏమిటని నిలదీస్తున్నారు. విద్యుత్ కోతలపై ముందస్తు సమాచారం ఇవ్వకుండా ప్రజలను ఇబ్బందులకు గురిచేయడం ఎంతవరకు సమంజసమని ప్రశ్నిస్తున్నారు. పనులు చేయండి.. కానీ ప్రజలను ఇబ్బంది పెట్టొద్దు!అభివృద్ధి పనులు, నిర్వహణ పనులు చేయడాన్ని ప్రజలు వ్యతిరేకించడం లేదు. అయితే పనుల పేరుతో గంటల తరబడి రోజుల తరబడి విద్యుత్ సరఫరా నిలిపివేయాల్సి వస్తే కనీసం ముందస్తు సమాచారం ఇవ్వాలని వినియోగదారులు కోరుతున్నారు.ఎప్పుడు కరెంట్ పోతుంది? ఎప్పుడు వస్తుంది? అనే కనీస సమాచారం కూడా లేకుండా ప్రజలను గంటల తరబడి చీకట్లో ఉంచడం అధికారుల నిర్లక్ష్యానికి నిదర్శనమని విమర్శలు వెల్లువెత్తుతున్నాయి.ఇప్పటికైనా విద్యుత్ శాఖ ఉన్నతాధికారులు స్పందించి బాపట్లలో అనవసర విద్యుత్ కోతలను నియంత్రించాలని, తప్పనిసరి కోతలు ఉంటే ముందస్తుగా వినియోగదారులకు సమాచారం అందించేలా చర్యలు తీసుకోవాలని ప్రజలు డిమాండ్ చేస్తున్నారు.