વડોદરા શહેરના કારેલીબાગ વિસ્તારમાં, તા. 24 મે, 2026ના રોજ રાત્રે આશરે 11:15 વાગ્યે મુક્તાનંદ સર્કલ નજીક બાબા હોસ્પિટલ સામે એક ગંભીર હિટ એન્ડ રનનો બનાવ સામે આવ્યો હતો. માહિતી મુજબ, રોંગ સાઈડથી પૂરપાટ ઝડપે આવી રહેલી લાલ રંગની ઓડી કારના ચાલકે એક ઓટો રિક્ષાને જોરદાર ટક્કર મારી હતી, જેના કારણે રિક્ષા પલટી મારી ગઈ હતી અને ભયાનક અકસ્માત સર્જાયો હતો, જેમાં લાલ ઓડીનો બેફામ આતંક સ્પષ્ટ જોવા મળ્યો હતો. અકસ્માત સર્જી કારચાલક ફરાર થઈ ગયો હતો. આ અકસ્માતમાં ઓટો રિક્ષામાં સવાર કનક કુંવરને ગંભીર ઈજાઓ થઈ હતી, તેમને તાત્કાલિક સારવાર માટે એસ.એસ.જી. હોસ્પિટલ ખાતે ખસેડવામાં આવ્યા હતા. બનાવની જાણકારી એસ.એસ.જી. હોસ્પિટલ દ્વારા કારેલીબાગ પોલીસ સ્ટેશનને તરત જ આપવામાં આવી હતી. જોકે, આરોપ છે કે પોલીસે આ મામલે યોગ્ય અને તાત્કાલિક કાર્યવાહી કરી ન હતી. પરિણામે, ઈજાગ્રસ્ત કનક કુંવરે પોતે તા. 29 મે, 2026ના રોજ, એટલે કે ઘટનાના પાંચ દિવસ બાદ, કારેલીબાગ પોલીસ સ્ટેશનમાં હાજર રહીને અજાણ્યા લાલ રંગની ઓડી કારના ચાલક વિરુદ્ધ ફરીથી રજૂઆત નોંધાવી હતી. હવે આ સમગ્ર મામલે પોલીસ દ્વારા શું કાર્યવાહી કરવામાં આવે છે, તેના પર સૌની નજર મંડાઈ છે.

Seva Samaj News

Local News Reporter વડોદરા પૂર્વ, વડોદરા, ગુજરાત•

6 hrs ago

વડોદરા શહેરના કારેલીબાગ વિસ્તારમાં, તા. 24 મે, 2026ના રોજ રાત્રે આશરે 11:15 વાગ્યે મુક્તાનંદ સર્કલ નજીક બાબા હોસ્પિટલ સામે એક ગંભીર હિટ એન્ડ રનનો બનાવ સામે આવ્યો હતો. માહિતી મુજબ, રોંગ સાઈડથી પૂરપાટ ઝડપે આવી રહેલી લાલ રંગની ઓડી કારના ચાલકે એક ઓટો રિક્ષાને જોરદાર ટક્કર મારી હતી, જેના કારણે રિક્ષા પલટી મારી ગઈ હતી અને ભયાનક અકસ્માત સર્જાયો હતો, જેમાં લાલ ઓડીનો બેફામ આતંક સ્પષ્ટ જોવા મળ્યો હતો. અકસ્માત સર્જી કારચાલક ફરાર થઈ ગયો હતો. આ અકસ્માતમાં ઓટો રિક્ષામાં સવાર કનક કુંવરને ગંભીર ઈજાઓ થઈ હતી, તેમને તાત્કાલિક સારવાર માટે એસ.એસ.જી. હોસ્પિટલ ખાતે ખસેડવામાં આવ્યા હતા. બનાવની જાણકારી એસ.એસ.જી. હોસ્પિટલ દ્વારા કારેલીબાગ પોલીસ સ્ટેશનને તરત જ આપવામાં આવી હતી. જોકે, આરોપ છે કે પોલીસે આ મામલે યોગ્ય અને તાત્કાલિક કાર્યવાહી કરી ન હતી. પરિણામે, ઈજાગ્રસ્ત કનક કુંવરે પોતે તા. 29 મે, 2026ના રોજ, એટલે કે ઘટનાના પાંચ દિવસ બાદ, કારેલીબાગ પોલીસ સ્ટેશનમાં હાજર રહીને અજાણ્યા લાલ રંગની ઓડી કારના ચાલક વિરુદ્ધ ફરીથી રજૂઆત નોંધાવી હતી. હવે આ સમગ્ર મામલે પોલીસ દ્વારા શું કાર્યવાહી કરવામાં આવે છે, તેના પર સૌની નજર મંડાઈ છે.