আজি ৰঙিয়াত ইন্ধনজাতীয় সামগ্ৰীৰ মূল্যবৃদ্ধিৰ বিৰোধিতাৰে সদৌ অসম ছাত্ৰ সন্থা (আছু)ৰ কামৰূপ জিলা সমিতিয়ে এক তীব্ৰ প্ৰতিবাদ সাব্যস্ত কৰে। এই প্ৰতিবাদৰ সময়ত কামৰূপ জিলা ছাত্ৰ সন্থাই কেন্দ্ৰীয় পেট্ৰলিয়াম মন্ত্ৰী হৰদীপ সিং পুৰীৰ প্ৰতিমূৰ্তি দাহ কৰি ক্ষোভ প্ৰকাশ কৰে। পেট্ৰল, ডিজেলৰ লগতে খাদ্য আৰু অত্যাৱশ্যকীয় সামগ্ৰীৰ অভাৱনীয় মূল্যবৃদ্ধি ৰোধ কৰাৰ দাবীত কামৰূপ জিলা ছাত্ৰ সন্থাৰ নেতা-কৰ্মীসকলে সমবেত হৈ প্ৰতিবাদী কাৰ্যসূচী ৰূপায়ণ কৰে। ৰঙিয়াৰ হাইৱে চ'কত অনুষ্ঠিত এই প্ৰতিবাদ কালত প্ৰতিবাদকাৰীসকলে 'বিজেপি চৰকাৰ হায় হায়', 'মূল্যবৃদ্ধি ৰোধ কৰক' আৰু 'কেন্দ্ৰীয় পেট্ৰলিয়াম মন্ত্ৰী হৰদীপ সিং পুৰী মুৰ্দাবাদ' আদি ধ্বনিৰে পৰিৱেশ উত্তাল কৰি তোলে।

কামৰূপ জিলাৰ বনগাঁৱৰ পাৰুগাঁৱত আই ভগৱতী পূজাৰ পৱিত্ৰ উপলক্ষ্যত এক সমূহীয়া শৰাইৰ আয়োজন কৰা হৈছে। এই অনুষ্ঠানত আবাল, বৃদ্ধ, বনিতা নিৰ্বিশেষে সকলোৱে মিলি ভক্তি সহকাৰে শৰাই আগবঢ়াইছে।

২০২৪ চনত মুখ্যমন্ত্ৰীৰ উন্নত পকীপথ নিৰ্মাণ আঁচনিৰ অধীনত বামুনটাৰীৰ পৰা বালিকুৰিলৈ যোৱা পকী পথৰ কাম আৰম্ভ হৈছিল। দুবছৰ উকলি যোৱাৰ পিছতো পথটোৰ নিৰ্মাণ আধৰুৱা হৈ আছে। পথ নিৰ্মাণত ব্যাপক হেমাহী হোৱাৰ অভিযোগ উত্থাপিত হৈছে, যাৰ ফলত লোক নিৰ্মাণ বিভাগ আৰু ঠিকাদাৰৰ বিৰুদ্ধে ৰাইজৰ মাজত তীব্ৰ ক্ষোভে বিৰাজ কৰিছে।

মৰিগাঁও জিলাত প্ৰেট্ৰ'ল আৰু ডিজেলৰ মূল্য বৃদ্ধিৰ বিৰুদ্ধে আছুৱে (অসম ছাত্ৰ সন্থা) প্ৰতিবাদ সাব্যস্ত কৰিছে। এই প্ৰতিবাদৰ অংশ হিচাপে, আছুৰ সদস্যসকলে কেন্দ্ৰীয় চৰকাৰৰ প্ৰেট্ৰ'লিয়াম মন্ত্ৰী হৰদ্বীপ সিং পুৰীৰ পুত্তলিকা দাহ কৰে।

মৰিগাঁৱত সদৌ অসম ছাত্ৰ সন্থাৰ (আছু) সদস্যসকলে কেন্দ্ৰীয় পেট্ৰ'লিয়াম মন্ত্ৰী হৰদীপ সিং পুৰিৰ পুত্তলিকা দাহ কৰি তীব্ৰ প্ৰতিবাদ সাব্যস্ত কৰে। পেট্ৰ'ল আৰু ডিজেলৰ বৰ্দ্ধিত মূল্য হ্ৰাস কৰাৰ দাবীত এই প্ৰতিবাদ কাৰ্যসূচী গ্ৰহণ কৰা হৈছিল। পুত্তলিকা দাহ কাৰ্যসূচীৰ সময়ত সদৌ অসম ছাত্ৰ সন্থাৰ সাংগঠনিক সম্পাদক ৰূপজ্যোতি মেধিয়ে চৰকাৰক তীব্ৰ ভাষাৰে কটাক্ষ কৰি কয় যে জনসাধাৰণে বিশ্বাসত লৈ চৰকাৰখনক শাসনৰ গাদীত বহুৱাইছিল, কিন্তু এতিয়া সেই চৰকাৰেই জনসাধাৰণক মিতব্যয়ী হ'বলৈ আহ্বান জনাইছে। তেওঁ লগতে আটাইতকৈ দুৰ্ভাগ্যজনক বুলি উল্লেখ কৰে যে যোগান বিভাগ নামৰ বিভাগটো এতিয়া জীয়াই আছে নে মৰিছে, সেই বিষয়ে ৰাইজে পাহৰি গৈছে।

কোৰৱাণী ঈদৰ আগমুহূৰ্তত আমছু নেতাগৰাকীয়ে সংবাদ মাধ্যমৰ আগত কিছু মন্তব্য কৰে। এই উপলক্ষে তেওঁ সংবাদ মাধ্যমৰ সৈতে বাৰ্তালাপ কৰে।

ভাৰত চৰকাৰৰ জনজাতীয় পৰিক্ৰমা মন্ত্ৰালয়ৰ অধীনত বৰপেটা জিলাত ১৫ মে'ৰ পৰা দেশজুৰি চলি থকা "জন ভাগিদাৰী অভিযান – সবচে দূৰ, সবচে পেহলে" কাৰ্যসূচীৰ আজি সামৰণি পৰে। বৰপেটা জিলাৰ শুহা গাঁৱৰ বড়ো জনজাতি বসতিপূৰ্ণ এলেকাত এই অভিযানৰ বিভিন্ন কাৰ্যসূচী সফলভাৱে ৰূপায়ণ কৰা হয়। সৰুক্ষেত্ৰী উন্নয়ন খণ্ডৰ অন্তৰ্গত জনজাতি অধ্যুষিত শুহা গাঁৱত জিলা আয়ুক্ত ৰোহন কুমাৰ ঝাই এই অভিযানৰ শুভাৰম্ভ কৰিছিল আৰু অনুষ্ঠানত বিভিন্ন বিভাগৰ বিষয়া-কৰ্মচাৰীসকল উপস্থিত আছিল। এই জন ভাগিদাৰী অভিযানৰ অংশ হিচাপে বিভিন্ন বিভাগে বড়ো জনজাতি অধ্যুষিত এলেকাসমূহত বিশেষ শিবিৰ অনুষ্ঠিত কৰে। বিশেষকৈ স্বাস্থ্য শিবিৰ, আই টি ডি পি, মীন বিভাগ, সামাজিক বনায়ন, পশু চিকিৎসা বিভাগ আদিৰ জৰিয়তে বিভিন্ন সজাগতা আৰু সেৱামূলক কাৰ্যসূচী সম্পন্ন কৰা হয়। অঞ্চলটোৰ বড়ো জনসাধাৰণৰ সক্ৰিয় অংশগ্ৰহণেৰে এই সপ্তাহজোৰা কাৰ্যসূচীসমূহ সফলভাৱে সম্পন্ন হয়। অভিযানৰ মূল উদ্দেশ্য আছিল পিছপৰা জনজাতীয় সম্প্ৰদায়ৰ লোকসকলৰ ঘৰে ঘৰে চৰকাৰী সুবিধা দুৱাৰদলিলৈ লৈ যোৱা, যাতে কোনো যোগ্য হিতাধিকাৰী চৰকাৰী সুবিধাৰ পৰা বঞ্চিত নহয়। এই অভিযানৰ জৰিয়তে আধাৰ আপডেটকৰণৰ লগতে জনসাধাৰণৰ অভিযোগ গ্ৰহণ আৰু নিষ্পত্তিও এক গুৰুত্বপূৰ্ণ কাৰ্যসূচী হিচাপে ৰূপায়ণ কৰা হয়। বৰপেটা জিলা আৱৰ্ত ভৱনত অনুষ্ঠিত হোৱা এক সংবাদমেল যোগে বৰপেটা জিলা উন্নয়ন আয়ুক্ত গীতালী দুৱৰাই সদৰী কৰে যে এই অভিযানৰ জৰিয়তে মুঠ ২১০টা অভিযোগ সমাধান কৰা হৈছে আৰু ৫২৮টা অভিযোগ সমাধানৰ বাবে গ্ৰহণ কৰা হৈছে। বৰপেটা জিলাৰ মৰিগাঁও, হতাপাৰা, শুভা, দক্ষিণ বুঢ়ীখাৰ, কমাৰগাঁও, বৰঘোপা, গহিয়া আদি ৭খন গাঁৱৰ প্ৰায় বিশ হাজাৰ লোকক এই অভিযানে সামৰি লয়। আজিৰ অন্তিম দিনত বিভিন্ন খেল-ধেমালিৰ কাৰ্যসূচীৰে এই সপ্তাহজোৰা অভিযানৰ সফল সামৰণি পৰে।

মৰিগাঁও জিলাৰ লাহৰীঘাটৰ ভূৰাগাঁও অঞ্চলত বৃহৎ পৰিমাণৰ গাঞ্জা জব্দ কৰা হৈছে। এই ঘটনাৰ সৈতে জড়িত থকাৰ অভিযোগত মুনিয়া চৌহান নামৰ এগৰাকী মহিলা সৰবৰাহকাৰীক গ্ৰেপ্তাৰ কৰা হয়।

মৰিগাঁও জিলাৰ শ’লমাৰী অঞ্চলত কেইবাদিন ধৰি এগৰাকী তিনি সন্তানৰ মাতৃ নিখোজ হৈ আছে, যাৰ ফলত সমগ্ৰ অঞ্চলটোতে গভীৰ উদ্বেগৰ সৃষ্টি হৈছে। মহিলাগৰাকীৰ তিনিটি সন্তান, স্বামী আৰু আত্মীয়-স্বজনে তেওঁৰ কোনো সন্ধান নোপোৱাত গভীৰ চিন্তাত দিন পাৰ কৰিছে। পৰিয়ালৰ লোকে আৰক্ষীৰ কাষ চাপি ঘটনাটোৰ ওপৰত তাৎক্ষণিকভাৱে তদন্ত আৰম্ভ কৰাৰ দাবী জনাইছে। ইয়াৰ লগতে, নিখোজ মহিলাগৰাকীৰ সন্ধান পালে ওচৰৰ থানাত যোগাযোগ কৰিবলৈ ৰাইজক আহ্বান জনোৱা হৈছে।

মিজিকাজান চাহ বাগিছাত সদৌ অসম কিষাণ কুঁঢ়াৰ জাতি মহাসভাৰ নৱগঠিত কেন্দ্ৰীয় সমিতিৰ শপত গ্ৰহণ অনুষ্ঠান সফলতাৰে অনুষ্ঠিত হয়।