सोयगांव कुंभारीजवळ पुलावरून एसटी बस घसरली; विद्यार्थी, शिक्षिका आणि प्रवासी थोडक्यात बचावले सोयगाव सोयगाव आगाराची फर्दापूर–सावळदबारा मार्गावरील एसटी बस शुक्रवारी (३१ जुलै) सकाळी साडेसातच्या सुमारास कुंभारी गावाजवळील पुलावर घसरल्याची घटना घडली. या अपघातात बसमधील विद्यार्थी, शिक्षिका व इतर प्रवासी थोडक्यात बचावले. सुदैवाने कोणतीही जीवितहानी झाली नाही. मिळालेल्या माहितीनुसार, एमएच-20 बीएल 2253 क्रमांकाची बस फर्दापूरहून सावळदबारा येथे जात असताना पुलावरील भरावामुळे चालकाचे नियंत्रण सुटल्याने बस घसरली. बस पुलावरच अडकल्याने मोठी दुर्घटना टळली. बस पलटी झाली असती तर गंभीर जीवितहानी होण्याची शक्यता होती. स्थानिकांच्या म्हणण्यानुसार, या मार्गावरील सिमेंट काँक्रीट रस्त्याचे काम गेल्या दोन वर्षांपासून सुरू असून अद्याप पूर्ण झालेले नाही. तसेच पुलांवरील भराव योग्य प्रकारे दाबला जात नसल्याने या ठिकाणी मोटारसायकलींसह जड वाहनेही वारंवार घसरत आहेत. यापूर्वीही या परिसरात अपघात होऊन काहींना जीव गमवावा लागल्याची माहिती नागरिकांनी दिली. या पार्श्वभूमीवर संबंधित विभागाने रस्त्याचे अपूर्ण काम तातडीने पूर्ण करून पुलावरील भराव सुरक्षित करावा आणि वाहतूक सुरळीत करण्यासाठी आवश्यक उपाययोजना कराव्यात, अशी मागणी प्रवासी, चालक आणि स्थानिक नागरिकांकडून करण्यात येत आहे.

RahimKhan Pathan

Voice of people सोयगाव, औरंगाबाद, महाराष्ट्र•

14 hrs ago

सोयगांव कुंभारीजवळ पुलावरून एसटी बस घसरली; विद्यार्थी, शिक्षिका आणि प्रवासी थोडक्यात बचावले सोयगाव सोयगाव आगाराची फर्दापूर–सावळदबारा मार्गावरील एसटी बस शुक्रवारी (३१ जुलै) सकाळी साडेसातच्या सुमारास कुंभारी गावाजवळील पुलावर घसरल्याची घटना घडली. या अपघातात बसमधील विद्यार्थी, शिक्षिका व इतर प्रवासी थोडक्यात बचावले. सुदैवाने कोणतीही जीवितहानी झाली नाही. मिळालेल्या माहितीनुसार, एमएच-20 बीएल 2253 क्रमांकाची बस फर्दापूरहून सावळदबारा येथे जात असताना पुलावरील भरावामुळे चालकाचे नियंत्रण सुटल्याने बस घसरली. बस पुलावरच अडकल्याने मोठी दुर्घटना टळली. बस पलटी झाली असती तर गंभीर जीवितहानी होण्याची शक्यता होती. स्थानिकांच्या म्हणण्यानुसार, या मार्गावरील सिमेंट काँक्रीट रस्त्याचे काम गेल्या दोन वर्षांपासून सुरू असून अद्याप पूर्ण झालेले नाही. तसेच पुलांवरील भराव योग्य प्रकारे दाबला जात नसल्याने या ठिकाणी मोटारसायकलींसह जड वाहनेही वारंवार घसरत आहेत. यापूर्वीही या परिसरात अपघात होऊन काहींना जीव गमवावा लागल्याची माहिती नागरिकांनी दिली. या पार्श्वभूमीवर संबंधित विभागाने रस्त्याचे अपूर्ण काम तातडीने पूर्ण करून पुलावरील भराव सुरक्षित करावा आणि वाहतूक सुरळीत करण्यासाठी आवश्यक उपाययोजना कराव्यात, अशी मागणी प्रवासी, चालक आणि स्थानिक नागरिकांकडून करण्यात येत आहे.