ఎన్టీఆర్ జిల్లాలోని కొండపల్లి మున్సిపాలిటీ, ఇబ్రహీంపట్నం రింగ్ సర్కిల్లో ప్రభుత్వ వాహనాలతో అనర్హులకు డ్రైవింగ్ శిక్షణ ఇస్తున్నట్లు వెల్లడైంది. పారిశుద్ధ్య కార్మికుల అత్యుత్సాహం కారణంగా ఎటువంటి అర్హతలు లేని వ్యక్తులకు మున్సిపాలిటీ ట్రాక్టర్లు నడపడం నేర్పుతున్నారని, ఈ క్రమంలో ట్రాక్టర్ నేర్చుకుంటున్న ఒక యువకుడు పక్కన ఉన్న ఒక షాపుకి కట్టిన తడికను ఢీకొట్టాడని సమాచారం. ఇది కేవలం ఒక్క సంఘటన కాదని, ఇలా ఎంతో మందికి మున్సిపాలిటీ ట్రాక్టర్ల మీద డ్రైవింగ్ నేర్పించి, అర్హతలు లేని వారిని మున్సిపాలిటీలో ట్రాక్టర్లు నడపడానికి విధుల్లో నియమించిన ఘనకార్యాలు కూడా గతంలో జరిగాయని స్థానికులు ఆరోపిస్తున్నారు. ఈ రకమైన శిక్షణ, నియమాకాలు ఒక సామాజిక వర్గానికి మాత్రమే సాధ్యమవుతున్నాయని వ్యాఖ్యానించారు. ప్రభుత్వ అధికారుల నిర్లక్ష్యం వల్లే ఇలాంటి చర్యలకు పాల్పడుతున్నారని, దీని వల్ల ప్రజల ప్రాణాలకు కూడా ప్రమాదం పొంచి ఉందని ప్రజలు ఆవేదన వ్యక్తం చేస్తున్నారు. ఇలాంటి వారిపై తక్షణమే చర్యలు తీసుకోవాలని స్థానికులు డిమాండ్ చేస్తున్నారు.

పల్లె నరేష్

ఇబ్రహీంపట్నం, ఎన్టీఆర్, ఆంధ్రప్రదేశ్•

2 hrs ago

ఎన్టీఆర్ జిల్లాలోని కొండపల్లి మున్సిపాలిటీ, ఇబ్రహీంపట్నం రింగ్ సర్కిల్లో ప్రభుత్వ వాహనాలతో అనర్హులకు డ్రైవింగ్ శిక్షణ ఇస్తున్నట్లు వెల్లడైంది. పారిశుద్ధ్య కార్మికుల అత్యుత్సాహం కారణంగా ఎటువంటి అర్హతలు లేని వ్యక్తులకు మున్సిపాలిటీ ట్రాక్టర్లు నడపడం నేర్పుతున్నారని, ఈ క్రమంలో ట్రాక్టర్ నేర్చుకుంటున్న ఒక యువకుడు పక్కన ఉన్న ఒక షాపుకి కట్టిన తడికను ఢీకొట్టాడని సమాచారం. ఇది కేవలం ఒక్క సంఘటన కాదని, ఇలా ఎంతో మందికి మున్సిపాలిటీ ట్రాక్టర్ల మీద డ్రైవింగ్ నేర్పించి, అర్హతలు లేని వారిని మున్సిపాలిటీలో ట్రాక్టర్లు నడపడానికి విధుల్లో నియమించిన ఘనకార్యాలు కూడా గతంలో జరిగాయని స్థానికులు ఆరోపిస్తున్నారు. ఈ రకమైన శిక్షణ, నియమాకాలు ఒక సామాజిక వర్గానికి మాత్రమే సాధ్యమవుతున్నాయని వ్యాఖ్యానించారు. ప్రభుత్వ అధికారుల నిర్లక్ష్యం వల్లే ఇలాంటి చర్యలకు పాల్పడుతున్నారని, దీని వల్ల ప్రజల ప్రాణాలకు కూడా ప్రమాదం పొంచి ఉందని ప్రజలు ఆవేదన వ్యక్తం చేస్తున్నారు. ఇలాంటి వారిపై తక్షణమే చర్యలు తీసుకోవాలని స్థానికులు డిమాండ్ చేస్తున్నారు.