‘सखी वन स्टॉप सेंटर’ : संकटग्रस्त महिलांसाठी आधार, न्याय आणि नव्या आयुष्याची दिशा १,०७३ महिलांना मिळाला दिलासा परभणी, दि. २० : महिलांवरील अन्याय आणि अत्याचाराच्या घटनांविरोधात ठामपणे उभे राहत, त्यांना तातडीची मदत आणि न्याय मिळवून देणारे परभणीतील ‘सखी वन स्टॉप सेंटर’ हे केंद्र महिलांसाठी खऱ्या अर्थाने आधारवड ठरत आहे. केंद्र शासनाच्या महिला व बालविकास मंत्रालयाच्या पुढाकारातून २८ डिसेंबर २०१८ पासून सुरू झालेल्या या केंद्राने आतापर्यंत १,०७३ पीडित महिलांना विविध प्रकारची मदत देत न्याय मिळवून देण्यास हातभार लावला आहे. या केंद्रात पीडित महिलांना पोलीस मदत, कायदेशीर मार्गदर्शन, तसेच मानसिक समुपदेशन अशा सर्व सेवा एकाच ठिकाणी उपलब्ध करून दिल्या जातात. अनुभवी वकिलांमार्फत कायदेशीर प्रक्रियेचे मार्गदर्शन केले जाते, तर मानसिकदृष्ट्या खचलेल्या महिलांना पुन्हा उभारी देण्यासाठी समुपदेशनाची सुविधा दिली जाते. गरजू महिलांसाठी पाच दिवसांपर्यंत सुरक्षित निवासाची सोय देखील येथे उपलब्ध आहे. जिल्हाधिकारी संजयसिंह चव्हाण आणि जिल्हा महिला व बालविकास अधिकारी श्रीमती एम. एस. रंधवे यांच्या मार्गदर्शनाखाली हे केंद्र प्रभावीपणे कार्यरत आहे. परभणीतील नानलपेठ येथील पशुसंवर्धन कार्यालय, पोलीस मुख्यालयासमोर हे केंद्र सुरू आहे. एकाच ठिकाणी सर्व सेवा उपलब्ध शारीरिक, मानसिक, लैंगिक अत्याचार, कौटुंबिक हिंसाचार, अॅसिड हल्ला किंवा सायबर गुन्ह्यांचे बळी ठरलेल्या महिलांना वेगवेगळ्या कार्यालयांत जाण्याची गरज भासू नये, यासाठी या केंद्रामार्फत एकाच छताखाली सहा प्रकारच्या सेवा २४ तास विनामूल्य पुरवल्या जातात. मदतीसाठी पुढे या केंद्राच्या प्रशासक तेजस्विनी कांबळे यांनी महिलांना आवाहन केले आहे की, कोणत्याही प्रकारच्या छळाला बळी पडल्यास घाबरू नये आणि तात्काळ मदत घ्यावी. यासाठी शासनाचा १८१ हेल्पलाईन क्रमांक तसेच ०२४५२-२२५५०५ किंवा ७८७५७८७५४० या क्रमांकांवर संपर्क साधता येईल. ‘सखी वन स्टॉप सेंटर’ हे केवळ सेवा देणारे केंद्र नसून, संकटात सापडलेल्या महिलांना संरक्षण, न्याय आणि नव्या आयुष्याची नवी उमेद देणारे महत्त्वपूर्ण केंद्र ठरत आहे.

Jafar tarodekar

परभणी, परभणी, महाराष्ट्र•

13 hrs ago

‘सखी वन स्टॉप सेंटर’ : संकटग्रस्त महिलांसाठी आधार, न्याय आणि नव्या आयुष्याची दिशा १,०७३ महिलांना मिळाला दिलासा परभणी, दि. २० : महिलांवरील अन्याय आणि अत्याचाराच्या घटनांविरोधात ठामपणे उभे राहत, त्यांना तातडीची मदत आणि न्याय मिळवून देणारे परभणीतील ‘सखी वन स्टॉप सेंटर’ हे केंद्र महिलांसाठी खऱ्या अर्थाने आधारवड ठरत आहे. केंद्र शासनाच्या महिला व बालविकास मंत्रालयाच्या पुढाकारातून २८ डिसेंबर २०१८ पासून सुरू झालेल्या या केंद्राने आतापर्यंत १,०७३ पीडित महिलांना विविध प्रकारची मदत देत न्याय मिळवून देण्यास हातभार लावला आहे. या केंद्रात पीडित महिलांना पोलीस मदत, कायदेशीर मार्गदर्शन, तसेच मानसिक समुपदेशन अशा सर्व सेवा एकाच ठिकाणी उपलब्ध करून दिल्या जातात. अनुभवी वकिलांमार्फत कायदेशीर प्रक्रियेचे मार्गदर्शन केले जाते, तर मानसिकदृष्ट्या खचलेल्या महिलांना पुन्हा उभारी देण्यासाठी समुपदेशनाची सुविधा दिली जाते. गरजू महिलांसाठी पाच दिवसांपर्यंत सुरक्षित निवासाची सोय देखील येथे उपलब्ध आहे. जिल्हाधिकारी संजयसिंह चव्हाण आणि जिल्हा महिला व बालविकास अधिकारी श्रीमती एम. एस. रंधवे यांच्या मार्गदर्शनाखाली हे केंद्र प्रभावीपणे कार्यरत आहे. परभणीतील नानलपेठ येथील पशुसंवर्धन कार्यालय, पोलीस मुख्यालयासमोर हे केंद्र सुरू आहे. एकाच ठिकाणी सर्व सेवा उपलब्ध शारीरिक, मानसिक, लैंगिक अत्याचार, कौटुंबिक हिंसाचार, अॅसिड हल्ला किंवा सायबर गुन्ह्यांचे बळी ठरलेल्या महिलांना वेगवेगळ्या कार्यालयांत जाण्याची गरज भासू नये, यासाठी या केंद्रामार्फत एकाच छताखाली सहा प्रकारच्या सेवा २४ तास विनामूल्य पुरवल्या जातात. मदतीसाठी पुढे या केंद्राच्या प्रशासक तेजस्विनी कांबळे यांनी महिलांना आवाहन केले आहे की, कोणत्याही प्रकारच्या छळाला बळी पडल्यास घाबरू नये आणि तात्काळ मदत घ्यावी. यासाठी शासनाचा १८१ हेल्पलाईन क्रमांक तसेच ०२४५२-२२५५०५ किंवा ७८७५७८७५४० या क्रमांकांवर संपर्क साधता येईल. ‘सखी वन स्टॉप सेंटर’ हे केवळ सेवा देणारे केंद्र नसून, संकटात सापडलेल्या महिलांना संरक्षण, न्याय आणि नव्या आयुष्याची नवी उमेद देणारे महत्त्वपूर्ण केंद्र ठरत आहे.