अकोला जिल्ह्यातील बाळापूर बसस्थानक परिसरात एका धक्कादायक घटनेत केंद्रीय अन्वेषण विभागाचे (CBI) अधिकारी असल्याची बतावणी करून एका ७१ वर्षीय ज्येष्ठ नागरिकाची फसवणूक करत रोख रक्कम आणि मोबाईल जबरीने हिसकावून घेण्यात आला होता. या प्रकरणी अकोला स्थानिक गुन्हे शाखेने तात्काळ व चपळाईने तपास करत अवघ्या १२ तासांच्या आत दोन्ही आरोपींना खामगाव येथून अटक केली असून, त्यांच्याकडून १०० टक्के मुद्देमाल जप्त करण्यात यश मिळवले आहे. पोलिसांनी दिलेल्या माहितीनुसार, खामगाव येथील मनोहर रेलूमन नथ्थानी (वय ७१) हे खामगावहून बसने अकोल्याकडे जात असताना बसमध्ये चढलेल्या एका अज्ञात व्यक्तीने स्वतःला सीबीआय अधिकारी सांगत खोटे ओळखपत्र दाखवले. नथ्थानी यांच्या बॅगेत मोठी रक्कम असल्याची माहिती असल्याचा बहाणा करत त्याने त्यांना बाळापूर बसस्थानकावर उतरण्यास सांगितले. तेथे स्कुटीवर आलेल्या त्याच्या दुसऱ्या सहकाऱ्यासोबत मिळून त्यांनी नथ्थानी यांना "पोलीस वाहन येत आहे" असे सांगून घाबरवले आणि त्यांच्याकडील रोख रकमेची बॅग व जुना अँड्रॉइड मोबाईल घेऊन स्कुटीवरून पसार झाले. आपली फसवणूक झाल्याचे लक्षात येताच नथ्थानी यांनी बाळापूर पोलीस ठाण्यात तक्रार नोंदवली, जिथे गुन्हा दाखल झाला. फिर्यादीत सुरुवातीला ९ लाख ६० हजार रुपयांची नोंद असली, तरी पोलीस तपासात एकूण २५ लाख रुपयांची रोख रक्कम जबरीने हिसकावून नेल्याचे समोर आले. या प्रकरणी हार्दिक मनोज कुमार गुरबानी (वय २२, रा. सिंधी कॉलनी, खामगाव) आणि साहिल नंदकिशोर नथ्यानी (वय २५, रा. तलाव रोड, खामगाव) या दोघांना अटक करण्यात आली आहे. पोलिसांनी आरोपींकडून गुन्ह्यातील संपूर्ण २५ लाख रुपयांची रोख रक्कम, फिर्यादीचा अँड्रॉइड मोबाईल तसेच दोन दुचाकी वाहने आणि दोन इतर मोबाईल (यांची किंमत २ लाख ४० हजार रुपये) असा एकूण २७ लाख ५० हजार रुपयांचा मुद्देमाल हस्तगत केला आहे. ७१ वर्षीय वृद्धाला गंडा घालणाऱ्या या तोतया सीबीआय अधिकाऱ्यांना अटक करून पोलिसांनी २५ लाखांचा मुद्देमाल यशस्वीरित्या जप्त केला आहे.

Anil dandi

Farmer बाळापूर, अकोला, महाराष्ट्र•

13 hrs ago

अकोला जिल्ह्यातील बाळापूर बसस्थानक परिसरात एका धक्कादायक घटनेत केंद्रीय अन्वेषण विभागाचे (CBI) अधिकारी असल्याची बतावणी करून एका ७१ वर्षीय ज्येष्ठ नागरिकाची फसवणूक करत रोख रक्कम आणि मोबाईल जबरीने हिसकावून घेण्यात आला होता. या प्रकरणी अकोला स्थानिक गुन्हे शाखेने तात्काळ व चपळाईने तपास करत अवघ्या १२ तासांच्या आत दोन्ही आरोपींना खामगाव येथून अटक केली असून, त्यांच्याकडून १०० टक्के मुद्देमाल जप्त करण्यात यश मिळवले आहे. पोलिसांनी दिलेल्या माहितीनुसार, खामगाव येथील मनोहर रेलूमन नथ्थानी (वय ७१) हे खामगावहून बसने अकोल्याकडे जात असताना बसमध्ये चढलेल्या एका अज्ञात व्यक्तीने स्वतःला सीबीआय अधिकारी सांगत खोटे ओळखपत्र दाखवले. नथ्थानी यांच्या बॅगेत मोठी रक्कम असल्याची माहिती असल्याचा बहाणा करत त्याने त्यांना बाळापूर बसस्थानकावर उतरण्यास सांगितले. तेथे स्कुटीवर आलेल्या त्याच्या दुसऱ्या सहकाऱ्यासोबत मिळून त्यांनी नथ्थानी यांना "पोलीस वाहन येत आहे" असे सांगून घाबरवले आणि त्यांच्याकडील रोख रकमेची बॅग व जुना

अँड्रॉइड मोबाईल घेऊन स्कुटीवरून पसार झाले. आपली फसवणूक झाल्याचे लक्षात येताच नथ्थानी यांनी बाळापूर पोलीस ठाण्यात तक्रार नोंदवली, जिथे गुन्हा दाखल झाला. फिर्यादीत सुरुवातीला ९ लाख ६० हजार रुपयांची नोंद असली, तरी पोलीस तपासात एकूण २५ लाख रुपयांची रोख रक्कम जबरीने हिसकावून नेल्याचे समोर आले. या प्रकरणी हार्दिक मनोज कुमार गुरबानी (वय २२, रा. सिंधी कॉलनी, खामगाव) आणि साहिल नंदकिशोर नथ्यानी (वय २५, रा. तलाव रोड, खामगाव) या दोघांना अटक करण्यात आली आहे. पोलिसांनी आरोपींकडून गुन्ह्यातील संपूर्ण २५ लाख रुपयांची रोख रक्कम, फिर्यादीचा अँड्रॉइड मोबाईल तसेच दोन दुचाकी वाहने आणि दोन इतर मोबाईल (यांची किंमत २ लाख ४० हजार रुपये) असा एकूण २७ लाख ५० हजार रुपयांचा मुद्देमाल हस्तगत केला आहे. ७१ वर्षीय वृद्धाला गंडा घालणाऱ्या या तोतया सीबीआय अधिकाऱ्यांना अटक करून पोलिसांनी २५ लाखांचा मुद्देमाल यशस्वीरित्या जप्त केला आहे.