ఆంధ్రప్రదేశ్ రాష్ట్ర చేనేత సంఘాల ఐక్య కార్యాచరణ కమిటీ నాయకులు అన్ని ప్రజా సంఘాలతో కలిసి ధర్మవరంలోని బ్రహ్మంగారి గుడిలో రౌండ్ టేబుల్ సమావేశం నిర్వహించారు. ప్రభుత్వం చేనేత కార్మికులకు ఇచ్చిన హామీలను తక్షణమే అమలు చేయాలని ఈ సమావేశంలో డిమాండ్ చేశారు. ఆంధ్రప్రదేశ్ చేనేత కార్మిక సంఘం రాష్ట్ర ఉపాధ్యక్షులు వెంకటనారాయణ, జిల్లా చేనేత కన్వీనర్ జేవీ రమణ అధ్యక్షత వహించిన ఈ సమావేశంలో ముందుగా నేతన్న విగ్రహానికి పూలమాల వేసి, ధర్నా కరపత్రాలను విడుదల చేశారు. చేనేత సంఘాల రాష్ట్ర ఐక్య కార్యాచరణ కమిటీ నాయకులు పిల్లలమర్రి బాలకృష్ణ, పూర్ణచంద్రరావు, ఆంధ్రప్రదేశ్ చేనేత కార్మిక సంఘం రాష్ట్ర మాజీ అధ్యక్షులు అమీర్ భాషా, వైకాపా చేనేత నాయకులు గడ్డం రంగా, కాంగ్రెస్ పార్టీ ఇంచార్జ్ తుంపర్తి పరమేష్, సీపీఐ పట్టణ కార్యదర్శి రవికుమార్, ఏఐటీయూసీ జిల్లా నాయకులు రమణ, రైతు సంఘం జిల్లా కార్యదర్శి జంగాలపల్లి పెద్దన్న తదితరులు ప్రసంగించారు. ఆగస్టు 7న చేనేత దినోత్సవం సందర్భంగా రాష్ట్ర ముఖ్యమంత్రి చంద్రబాబు నాయుడు చేనేత కార్మికులకు నేతన్న భరోసా కింద రూ. 25 వేల పథకాన్ని అమలు చేస్తామని, కేంద్ర ప్రభుత్వం చేనేతపై విధిస్తున్న జీఎస్‌టీని పూర్తిగా రాష్ట్ర ప్రభుత్వమే భరిస్తుందని హామీ ఇచ్చారని, కానీ వాటిని నెరవేర్చకుండా కాలయాపన చేస్తున్నారని వారు ఆవేదన వ్యక్తం చేశారు. కూటమి ప్రభుత్వం అధికారంలోకి వచ్చాక 50 ఏళ్లు నిండిన చేనేత కార్మికులకు పింఛన్ పథకం అమలు చేస్తామని చెప్పినా, అది ఎందుకు చేపట్టలేదని వారు ప్రశ్నించారు. కేవలం ఉచిత విద్యుత్ మాత్రమే ఇచ్చి సర్దుబాటు చేస్తున్నారని, చేనేత పరిశ్రమపై సవతి తల్లి ప్రేమను చూపిస్తున్నారని వక్తలు విమర్శించారు. ఈ న్యాయమైన డిమాండ్ల సాధన కోసం ఈ నెల 22వ తేదీన శ్రీ సత్య సాయి జిల్లా కలెక్టర్ కార్యాలయం వద్ద జరిగే ధర్నాలో చేనేత నాయకులు, అన్ని ప్రజా సంఘాల నాయకులు, చేనేత కార్మికులు పెద్ద సంఖ్యలో హాజరై ధర్నాను జయప్రదం చేయాలని సమావేశం పిలుపునిచ్చింది. ఈ కార్యక్రమంలో చేనేత కార్మిక సంఘం జిల్లా గౌరవ అధ్యక్షులు వెంకటస్వామి, జిల్లా ఉపాధ్యక్షులు విజయభాస్కర్, సీపీఎం నాయకులు ఎస్ హెచ్ బాషా, చేతి వృత్తిదారుల సంఘం నాయకులు చెన్నంపల్లి శ్రీనివాసులు, చేనేత సంఘం పట్టణ అధ్యక్ష కార్యదర్శులు ఖాదర్ బాషా, హరి, చేనేత కార్మిక సంఘం జిల్లా కార్యవర్గ సభ్యులు శిలా నారాయణస్వామి, నాగరాజు, జేవీవీ జిల్లా కార్యదర్శి లోకేష్, ఏఐవైఎఫ్ జిల్లా కార్యదర్శి సకల రాజా, ఎస్ఎఫ్‌ఐ జిల్లా కార్యదర్శి నాగార్జున, లాయర్స్ అసోసియేషన్ నాయకులు ప్రసాద్, చేనేత నాయకులు పాలగిరి శ్రీధర్, సంకారపు రాజా, కొండ, మల్లికార్జున, మహిళా సమైక్య నాయకులు లలితమ్మ, లింగమ్మ, ఇతర చేనేత కార్మికులు పాల్గొన్నారు.

Saddala Adi

ధర్మవరం, శ్రీ సత్య సాయి, ఆంధ్రప్రదేశ్•

3 days ago

ఆంధ్రప్రదేశ్ రాష్ట్ర చేనేత సంఘాల ఐక్య కార్యాచరణ కమిటీ నాయకులు అన్ని ప్రజా సంఘాలతో కలిసి ధర్మవరంలోని బ్రహ్మంగారి గుడిలో రౌండ్ టేబుల్ సమావేశం నిర్వహించారు. ప్రభుత్వం చేనేత కార్మికులకు ఇచ్చిన హామీలను తక్షణమే అమలు చేయాలని ఈ సమావేశంలో డిమాండ్ చేశారు. ఆంధ్రప్రదేశ్ చేనేత కార్మిక సంఘం రాష్ట్ర ఉపాధ్యక్షులు వెంకటనారాయణ, జిల్లా చేనేత కన్వీనర్ జేవీ రమణ అధ్యక్షత వహించిన ఈ సమావేశంలో ముందుగా నేతన్న విగ్రహానికి పూలమాల వేసి, ధర్నా కరపత్రాలను విడుదల చేశారు. చేనేత సంఘాల రాష్ట్ర ఐక్య కార్యాచరణ కమిటీ నాయకులు పిల్లలమర్రి బాలకృష్ణ, పూర్ణచంద్రరావు, ఆంధ్రప్రదేశ్ చేనేత కార్మిక సంఘం రాష్ట్ర మాజీ అధ్యక్షులు అమీర్ భాషా, వైకాపా చేనేత నాయకులు గడ్డం రంగా, కాంగ్రెస్ పార్టీ ఇంచార్జ్ తుంపర్తి పరమేష్, సీపీఐ పట్టణ కార్యదర్శి రవికుమార్, ఏఐటీయూసీ జిల్లా నాయకులు రమణ, రైతు సంఘం జిల్లా కార్యదర్శి జంగాలపల్లి పెద్దన్న తదితరులు ప్రసంగించారు. ఆగస్టు 7న చేనేత దినోత్సవం సందర్భంగా రాష్ట్ర ముఖ్యమంత్రి చంద్రబాబు నాయుడు చేనేత కార్మికులకు నేతన్న భరోసా కింద రూ. 25 వేల పథకాన్ని అమలు చేస్తామని, కేంద్ర ప్రభుత్వం చేనేతపై విధిస్తున్న జీఎస్‌టీని పూర్తిగా రాష్ట్ర ప్రభుత్వమే భరిస్తుందని హామీ ఇచ్చారని, కానీ వాటిని నెరవేర్చకుండా కాలయాపన చేస్తున్నారని వారు ఆవేదన వ్యక్తం చేశారు. కూటమి ప్రభుత్వం అధికారంలోకి వచ్చాక 50 ఏళ్లు నిండిన చేనేత కార్మికులకు పింఛన్ పథకం అమలు చేస్తామని చెప్పినా, అది ఎందుకు చేపట్టలేదని వారు ప్రశ్నించారు. కేవలం ఉచిత విద్యుత్ మాత్రమే ఇచ్చి సర్దుబాటు చేస్తున్నారని, చేనేత పరిశ్రమపై సవతి తల్లి ప్రేమను చూపిస్తున్నారని వక్తలు విమర్శించారు. ఈ న్యాయమైన డిమాండ్ల సాధన కోసం ఈ నెల 22వ తేదీన శ్రీ సత్య సాయి జిల్లా కలెక్టర్ కార్యాలయం వద్ద జరిగే ధర్నాలో చేనేత నాయకులు, అన్ని ప్రజా సంఘాల నాయకులు, చేనేత కార్మికులు పెద్ద సంఖ్యలో హాజరై ధర్నాను జయప్రదం చేయాలని సమావేశం పిలుపునిచ్చింది. ఈ కార్యక్రమంలో చేనేత కార్మిక సంఘం జిల్లా గౌరవ అధ్యక్షులు వెంకటస్వామి, జిల్లా ఉపాధ్యక్షులు విజయభాస్కర్, సీపీఎం నాయకులు ఎస్ హెచ్ బాషా, చేతి వృత్తిదారుల సంఘం నాయకులు చెన్నంపల్లి శ్రీనివాసులు, చేనేత సంఘం పట్టణ అధ్యక్ష కార్యదర్శులు ఖాదర్ బాషా, హరి, చేనేత కార్మిక సంఘం జిల్లా కార్యవర్గ సభ్యులు శిలా నారాయణస్వామి, నాగరాజు, జేవీవీ జిల్లా కార్యదర్శి లోకేష్, ఏఐవైఎఫ్ జిల్లా కార్యదర్శి సకల రాజా, ఎస్ఎఫ్‌ఐ జిల్లా కార్యదర్శి నాగార్జున, లాయర్స్ అసోసియేషన్ నాయకులు ప్రసాద్, చేనేత నాయకులు పాలగిరి శ్రీధర్, సంకారపు రాజా, కొండ, మల్లికార్జున, మహిళా సమైక్య నాయకులు లలితమ్మ, లింగమ్మ, ఇతర చేనేత కార్మికులు పాల్గొన్నారు.