*वर्धा ब्रेकिंग : जिल्हा सामान्य रुग्णालयात नवजात अर्भक आढळले* वर्धा येथील जिल्हा सामान्य रुग्णालयात धक्कादायक घटना समोर आली असून गायनिक ओपीडीतील २७ क्रमांकाच्या वॉर्डच्या स्वच्छतागृहात एक नवजात अर्भक आढळून आले आहे. संबंधित कर्मचाऱ्यांना स्वच्छता करताना अर्भक दिसून आल्यानंतर रुग्णालय प्रशासनात खळबळ उडाली. प्राथमिक माहितीनुसार हे अर्भक सुमारे सहा महिन्यांचे असून ते मृत अवस्थेत आढळले आहे. अर्भक पुरुष जातीचे असल्याची माहिती समोर आली असून हे अर्भक येथे कोणी आणि कशा परिस्थितीत आणून ठेवले, याबाबत अनेक प्रश्न उपस्थित झाले आहेत. घटनेची माहिती मिळताच रुग्णालय प्रशासनाने तात्काळ पोलिसांना कळवले. घटनेचा पुढील तपास करण्यासाठी वर्धा शहर पोलिसांनी अर्भक शवविच्छेदनासाठी पाठवले असून मातेचा शोध सुरू केला आहे. रुग्णालय परिसरातील सीसीटीव्ही फुटेज तपासून या प्रकरणामागील रहस्य उलगडण्याचा प्रयत्न केला जात आहे. या घटनेमुळे शहरात हळहळ व्यक्त केली जात असून नागरिकांमध्ये संतापाची भावना आहे.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

21 hrs ago