కార్పొరేట్లకు ‘రాయితీలు’... సామాన్యుడిపై ‘ధరల’ గుదిబండ : సి పి ఎం సత్తుపల్లి: కేంద్ర, రాష్ట్ర ప్రభుత్వాలు పెద్ద కార్పొరేట్‌ సంస్థలకు కోట్ల రూపాయల పన్ను రాయితీలు, ఉచిత భూములు, సబ్సిడీలు కల్పిస్తూ.. సామాన్య ప్రజలపై మాత్రం పెట్రోల్‌, డీజిల్‌, గ్యాస్‌, విద్యుత్‌ చార్జీలు, నిత్యావసర వస్తువుల ధరల పెరుగుదల రూపంలో మోయలేని భారాలను మోపడం దారుణమని సీపీఐ(ఎం) జిల్లా కమిటీ సభ్యుడు మోరంపూడి పాండురంగారావు విమర్శించారు. సీపీఐ(ఎం) సత్తుపల్లి పట్టణ కమిటీ సమావేశం సిపిఎం సత్తుపల్లి పట్టణ కార్యదర్శి పోలిక పోగు సర్వేశ్వరరావు అధ్యక్షతన స్థానిక ప్రజాసంఘాల కార్యాలయంలో జరిగింది. ఈ సమావేశంలో పాండురంగారావు మాట్లాడుతూ ప్రభుత్వాల ప్రజావ్యతిరేక విధానాలపై తీవ్రంగా విమర్శలు చేశారు. దేశ సంపదను కొద్దిమంది కార్పొరేట్‌ సంస్థల చేతుల్లో కేంద్రీకరించే ప్రమాదకర విధానాలను ప్రభుత్వాలు వెంటనే నిలిపివేయాలని డిమాండ్ చేశారు. ఒకవైపు నిరుద్యోగం, ధరల పెరుగుదలతో సామాన్య ప్రజలు అల్లాడుతుంటే.. మరోవైపు కార్పొరేట్‌ సంస్థలకు వేల కోట్ల రూపాయల రుణమాఫీలు చేయడం ప్రజావ్యతిరేక చర్య అని మండిపడ్డారు. పేద, మధ్యతరగతి కుటుంబాల పిల్లలు ఒకప్పుడు సులభంగా చదువుకునే పరిస్థితి ఉండేదని, నేడు విద్యను కొనుక్కునే పరిస్థితి ఏర్పడిందని ఆవేదన వ్యక్తం చేశారు. ప్రైవేట్‌ పాఠశాలల ఫీజులను వెంటనే నియంత్రించి, కార్పొరేట్‌ విద్యా దోపిడీ నుంచి విద్యార్థులు, వారి తల్లిదండ్రులను కాపాడాలని డిమాండ్ చేశారు. ప్రజల సంక్షేమాన్ని పక్కనబెట్టి కేవలం కార్పొరేట్‌ సంస్థల లాభాల కోసమే ప్రభుత్వాలు పనిచేస్తే రాబోయే రోజుల్లో ప్రజలు తగిన గుణపాఠం చెబుతారని హెచ్చరించారు. సామాన్య ప్రజల జీవన ప్రమాణాలు క్షీణిస్తున్నా ప్రభుత్వాలు పట్టించుకోకపోవడం దుర్మార్గమన్నారు. పెంచిన గ్యాస్‌, పెట్రోల్‌, డీజిల్‌ ధరలను వెంటనే తగ్గించి పేద, మధ్యతరగతి ప్రజలకు ఉపశమనం కల్పించాలని డిమాండ్ చేశారు. ప్రజల హక్కుల పరిరక్షణ, ప్రజా సమస్యల పరిష్కారం కోసం సీపీఐ(ఎం) ఆధ్వర్యంలో రాబోయే రోజుల్లో ఉద్యమాలను మరింత ఉద్ధృతం చేస్తామని పాండురంగారావు స్పష్టం చేశారు. ఈ సమావేశంలో సీపీఐ(ఎం) సత్తుపల్లి పట్టణ కార్యదర్శి కొలికపోగు సర్వేశ్వరరావు, నాయకులు రావుల రాజబాబు, చావా రమేష్‌, మోరంపూడి వెంకట్రావు, చెరుకు రత్నకుమారి గుదే రాము, చప్పిడి భాస్కర్‌ చెరుకు శ్రీనివాస్, పుష్పవల్లి, వెంకటేశ్వరరావు,రామకృష్ణ, తదితరులు పాల్గొన్నారు.

Arempula Haribabu

సత్తుపల్లి, ఖమ్మం, తెలంగాణ•

7 hrs ago

కార్పొరేట్లకు ‘రాయితీలు’... సామాన్యుడిపై ‘ధరల’ గుదిబండ : సి పి ఎం సత్తుపల్లి: కేంద్ర, రాష్ట్ర ప్రభుత్వాలు పెద్ద కార్పొరేట్‌ సంస్థలకు కోట్ల రూపాయల పన్ను రాయితీలు, ఉచిత భూములు, సబ్సిడీలు కల్పిస్తూ.. సామాన్య ప్రజలపై మాత్రం పెట్రోల్‌, డీజిల్‌, గ్యాస్‌, విద్యుత్‌ చార్జీలు, నిత్యావసర వస్తువుల ధరల పెరుగుదల రూపంలో మోయలేని భారాలను మోపడం దారుణమని సీపీఐ(ఎం) జిల్లా కమిటీ సభ్యుడు మోరంపూడి పాండురంగారావు విమర్శించారు. సీపీఐ(ఎం) సత్తుపల్లి పట్టణ కమిటీ సమావేశం సిపిఎం సత్తుపల్లి పట్టణ కార్యదర్శి పోలిక పోగు సర్వేశ్వరరావు అధ్యక్షతన స్థానిక ప్రజాసంఘాల కార్యాలయంలో జరిగింది. ఈ సమావేశంలో పాండురంగారావు మాట్లాడుతూ ప్రభుత్వాల ప్రజావ్యతిరేక విధానాలపై తీవ్రంగా విమర్శలు చేశారు. దేశ సంపదను కొద్దిమంది కార్పొరేట్‌ సంస్థల చేతుల్లో కేంద్రీకరించే ప్రమాదకర విధానాలను ప్రభుత్వాలు వెంటనే నిలిపివేయాలని డిమాండ్ చేశారు. ఒకవైపు నిరుద్యోగం, ధరల పెరుగుదలతో సామాన్య ప్రజలు అల్లాడుతుంటే.. మరోవైపు కార్పొరేట్‌ సంస్థలకు వేల కోట్ల రూపాయల రుణమాఫీలు చేయడం ప్రజావ్యతిరేక చర్య అని మండిపడ్డారు. పేద, మధ్యతరగతి కుటుంబాల పిల్లలు ఒకప్పుడు సులభంగా చదువుకునే పరిస్థితి ఉండేదని, నేడు విద్యను కొనుక్కునే పరిస్థితి ఏర్పడిందని ఆవేదన వ్యక్తం చేశారు. ప్రైవేట్‌ పాఠశాలల ఫీజులను వెంటనే నియంత్రించి, కార్పొరేట్‌ విద్యా దోపిడీ నుంచి విద్యార్థులు, వారి తల్లిదండ్రులను కాపాడాలని డిమాండ్ చేశారు. ప్రజల సంక్షేమాన్ని పక్కనబెట్టి కేవలం కార్పొరేట్‌ సంస్థల లాభాల కోసమే ప్రభుత్వాలు పనిచేస్తే రాబోయే రోజుల్లో ప్రజలు తగిన గుణపాఠం చెబుతారని హెచ్చరించారు. సామాన్య ప్రజల జీవన ప్రమాణాలు క్షీణిస్తున్నా ప్రభుత్వాలు పట్టించుకోకపోవడం దుర్మార్గమన్నారు. పెంచిన గ్యాస్‌, పెట్రోల్‌, డీజిల్‌ ధరలను వెంటనే తగ్గించి పేద, మధ్యతరగతి ప్రజలకు ఉపశమనం కల్పించాలని డిమాండ్ చేశారు. ప్రజల హక్కుల పరిరక్షణ, ప్రజా సమస్యల పరిష్కారం కోసం సీపీఐ(ఎం) ఆధ్వర్యంలో రాబోయే రోజుల్లో ఉద్యమాలను మరింత ఉద్ధృతం చేస్తామని పాండురంగారావు స్పష్టం చేశారు. ఈ సమావేశంలో సీపీఐ(ఎం) సత్తుపల్లి పట్టణ కార్యదర్శి కొలికపోగు సర్వేశ్వరరావు, నాయకులు రావుల రాజబాబు, చావా రమేష్‌, మోరంపూడి వెంకట్రావు, చెరుకు రత్నకుమారి గుదే రాము, చప్పిడి భాస్కర్‌ చెరుకు శ్రీనివాస్, పుష్పవల్లి, వెంకటేశ్వరరావు,రామకృష్ణ, తదితరులు పాల్గొన్నారు.