జన్నారం మండల కేంద్రంలోని రోటిగూడ గ్రామ పంచాయతీ పరిధిలో గత కొంతకాలంగా అధ్వానంగా మారిన మట్టి రోడ్ల వల్ల ప్రజలు, వాహనదారులు తీవ్ర ఇబ్బందులు ఎదుర్కొంటున్నారు. ఈ రహదారిపై పెద్ద పెద్ద గుంతలు ఏర్పడటంతో నిత్యం ప్రమాదాలు జరుగుతున్నాయని, దీనితో ప్రయాణీకులు అవస్థలు పడుతున్నారని సమాచారం. ఈ సమస్యను గుర్తించిన గ్రామ సర్పంచ్ జిల్లపెల్లి గోపాల్ శనివారం స్వయంగా ముందడుగు వేసి రోడ్లకు మరమ్మతులు చేపట్టారు. ఆయన మట్టితో ఆయా గుంతలను పూడ్చి, రహదారిని తాత్కాలికంగా పునరుద్ధరించారు. ఈ సందర్భంగా సర్పంచ్ జిల్లపెల్లి గోపాల్ మాట్లాడుతూ, రోడ్డు అధ్వానంగా మారడం వల్ల నిత్యం ప్రయాణించే ప్రజలు, వాహనదారులు పడుతున్న అవస్థలను చూసి, వారికి తక్షణ ఉపశమనం అందించడానికే ఈ తాత్కాలిక మరమ్మతు చర్యలు చేపట్టినట్లు తెలిపారు. గ్రామాభివృద్ధికి, ప్రజల సౌకర్యాలకు ఎల్లప్పుడూ ప్రాధాన్యత ఇస్తామని ఆయన ఈ సందర్భంగా పేర్కొన్నారు. ఈ కార్యక్రమంలో సర్పంచ్‌తో పాటు వార్డు సభ్యులు గోనె శంకర్, గ్రామ పంచాయతీ సిబ్బంది మరియు పలువురు గ్రామస్తులు పాల్గొన్నారు.

Naveen journalist

Local News Reporter ఖానాపూర్, నిర్మల్, తెలంగాణ•

8 hrs ago

జన్నారం మండల కేంద్రంలోని రోటిగూడ గ్రామ పంచాయతీ పరిధిలో గత కొంతకాలంగా అధ్వానంగా మారిన మట్టి రోడ్ల వల్ల ప్రజలు, వాహనదారులు తీవ్ర ఇబ్బందులు ఎదుర్కొంటున్నారు. ఈ రహదారిపై పెద్ద పెద్ద గుంతలు ఏర్పడటంతో నిత్యం ప్రమాదాలు జరుగుతున్నాయని, దీనితో ప్రయాణీకులు అవస్థలు పడుతున్నారని సమాచారం. ఈ సమస్యను గుర్తించిన గ్రామ సర్పంచ్ జిల్లపెల్లి గోపాల్ శనివారం స్వయంగా ముందడుగు వేసి రోడ్లకు మరమ్మతులు చేపట్టారు. ఆయన మట్టితో ఆయా గుంతలను పూడ్చి, రహదారిని తాత్కాలికంగా పునరుద్ధరించారు. ఈ సందర్భంగా సర్పంచ్ జిల్లపెల్లి గోపాల్ మాట్లాడుతూ, రోడ్డు అధ్వానంగా మారడం వల్ల నిత్యం ప్రయాణించే ప్రజలు, వాహనదారులు పడుతున్న అవస్థలను చూసి, వారికి తక్షణ ఉపశమనం అందించడానికే ఈ తాత్కాలిక మరమ్మతు చర్యలు చేపట్టినట్లు తెలిపారు. గ్రామాభివృద్ధికి, ప్రజల సౌకర్యాలకు ఎల్లప్పుడూ ప్రాధాన్యత ఇస్తామని ఆయన ఈ సందర్భంగా పేర్కొన్నారు. ఈ కార్యక్రమంలో సర్పంచ్‌తో పాటు వార్డు సభ్యులు గోనె శంకర్, గ్రామ పంచాయతీ సిబ్బంది మరియు పలువురు గ్రామస్తులు పాల్గొన్నారు.