ସୋନପୁର ଜିଲ୍ଲା ବୀରମହାରାଜପୁର ଅଞ୍ଚଳରେ ଏକ ବଡ଼ଧରଣର ଡକାୟତି ଉଦ୍ୟମକୁ ପୁଲିସ ପଣ୍ଡ କରିଛି। ବୀରମହାରାଜପୁର ପୁଲିସ ସୋନପୁର ଆଇଟିଆଇ କଲେଜ ନିକଟସ୍ଥ ଏକ ପଡ଼ିଆରେ ଚଢ଼ାଉ କରି ୫ ଜଣ ଯୁବକଙ୍କୁ ଗିରଫ କରିଛି। ଏହି ଯୁବକମାନେ ସେଠାରେ ଡକାୟତି କରିବା ପାଇଁ ପ୍ରସ୍ତୁତି ଚଲେଇ ଥିବା ସମୟରେ ପୁଲିସ ସେମାନଙ୍କୁ ମାଡ଼ି ବସିଥିଲା। ଗିରଫ ହୋଇଥିବା ଯୁବକମାନଙ୍କ ଠାରୁ ପୁଲିସ ବହୁ ମାରଣାସ୍ତ୍ର ଜବତ କରିଥିବା ନେଇ ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛି।

ରାଜ୍ୟରେ ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା (ସିଏମ୍‌ଏଓ୍ବାଇ) ଶୁଭାରମ୍ଭ ହୋଇଛି। ଏହି ଯୋଜନା ଅଧୀନରେ, ହିତାଧିକାରୀମାନେ ଅଧିକ ୫ କେଜି ଲେଖାଏଁ ଚାଉଳ ପାଇବେ।

ବୋୖଦ୍ଧ ଥାନା ଅଧୀନରେ ଥିବା ବଘିଆପଡ଼ା ଫାଣ୍ଡି ପୋଲିସ ତ୍ରିନାଥ ଛକରୁ ୪୦ କିଲୋଗ୍ରାମ ଗଞ୍ଜେଇ ଜବତ କରିଛି। ଏହି ଘଟଣାରେ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରିବା ସହ ଦୁଇଟି ବାଇକ ମଧ୍ୟ ଜବତ କରିଛି। ସୂଚନା ଅନୁସାରେ, ବଘିଆପଡ଼ା ଫାଣ୍ଡି ପକ୍ଷରୁ ସକାଳୁ ସକାଳୁ ତ୍ରିନାଥ ଛକରେ ପେଟ୍ରୋଲିଂ ଚାଲିଥିବା ବେଳେ ପୋଲିସ ଦୁଇଜଣ ବାଇକ ଆରୋହୀଙ୍କୁ ଅଟକାଇବା ପାଇଁ ପ୍ରୟାସ କରିଥିଲା। ତେବେ, ସେମାନେ ଦ୍ରୁତ ଗତିରେ ଘଟଣାସ୍ଥଳରୁ ପଳାଇ ଯାଇଥିଲେ। ପୋଲିସ ସେମାନଙ୍କ ପିଛା କରି ଦୁଇଟି ବାଇକ ଜବତ କରିଥିଲା। ଏହି ସମୟରେ ଜଣେ ବାଇକ ଆରୋହୀ ଖସି ଯିବାରେ ସଫଳ ହୋଇଥିବା ବେଳେ ଅନ୍ୟ ଜଣଙ୍କୁ ପୋଲିସ ଗିରଫ କରିଥିଲା। ଗିରଫ ଅଭିଯୁକ୍ତ ଜଣକ ହେଲେ ଆମ୍ବଝରି ପଞ୍ଚାୟତର କରଡ଼ାପଡା ଗ୍ରାମର ପ୍ରଶାନ୍ତ ପ୍ରଧାନ। ପୋଲିସ ଗିରଫ ଅଭିଯୁକ୍ତ ପ୍ରଶାନ୍ତ ପ୍ରଧାନଙ୍କୁ କୋର୍ଟ ଚାଲାଣ କରିଛି। ଜବତ ହୋଇଥିବା ୪୦ କିଲୋଗ୍ରାମ ଗଞ୍ଜେଇ ଓ ଦୁଇଟି ବାଇକ ସମ୍ପର୍କରେ ପୋଲିସ ଅଧିକ ତଦନ୍ତ ଜାରି ରଖିଛି।

ବାମରା ବ୍ଲକର ଜାରବାଗା ପଞ୍ଚାୟତ ଅନ୍ତର୍ଗତ ସରଗିଡିହି ଗାଁରେ ପୋଖରୀ ନିର୍ମାଣ ନାଁରେ ଜଙ୍ଗଲ କାଟି ପ୍ରାୟ ୯ ଲକ୍ଷ ଟଙ୍କାର ସରକାରୀ ପାଣ୍ଠିର ଅପବ୍ୟବହାର ଅଭିଯୋଗକୁ ନେଇ ଅନେକ ଗୁରୁତର ପ୍ରଶ୍ନ ଉଠିଛି। ସ୍ଥାନୀୟ ଲୋକଙ୍କ କହିବାନୁସାରେ, ଏହି ଘଟଣାରେ ଏପର୍ଯ୍ୟନ୍ତ କୌଣସି ସମ୍ପୃକ୍ତ ସରପଞ୍ଚ, ପଞ୍ଚାୟତ ପିଓ କିମ୍ବା କାର୍ଯ୍ୟ କରୁଥିବା ଠିକାଦାରଙ୍କ ବିରୋଧରେ କୌଣସି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ଯଦି ପ୍ରକୃତରେ ନିୟମ ଉଲ୍ଲଂଘନ କରି ଜଙ୍ଗଲ ଅଞ୍ଚଳରେ ଗଛ କଟାଯାଇଛି, ତେବେ ଏହା କେବଳ ଆର୍ଥିକ ଅନିୟମିତତା ନୁହେଁ, ବରଂ ଜଙ୍ଗଲ ସଂରକ୍ଷଣ ନିୟମର ସମ୍ଭାବ୍ୟ ଉଲ୍ଲଂଘନ ମଧ୍ୟ ହୋଇପାରେ। ଏପରି ପରିସ୍ଥିତିରେ, ସମ୍ପୃକ୍ତ ବିଭାଗଗୁଡ଼ିକର ନୀରବତା ଏବଂ କାର୍ଯ୍ୟାନୁଷ୍ଠାନରେ ବିଳମ୍ବ ଲୋକଙ୍କ ମନରେ ସନ୍ଦେହ ସୃଷ୍ଟି କରୁଛି। ଏବେ ପ୍ରଶ୍ନ ଉଠୁଛି ଯେ, ବାମରା ଜଙ୍ଗଲ ବିଭାଗ ଏହି ମାମଲାର ନିରପେକ୍ଷ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବ କି, ନା ଏହି ମାମଲା ମଧ୍ୟ ପ୍ରଶାସନିକ ଉଦାସୀନତା ଏବଂ ଚାପ ଯୋଗୁଁ ଫାଇଲ୍ ଭିତରେ ଚପି ରହିଯିବ? ସ୍ଥାନୀୟ ଗ୍ରାମବାସୀ ଏବଂ ଜନପ୍ରତିନିଧିମାନେ ଏହି ପୂରା ମାମଲାର ଉଚ୍ଚସ୍ତରୀୟ ତଥା ନିରପେକ୍ଷ ତଦନ୍ତ ଦାବି କରିଛନ୍ତି। ଯଦି କୌଣସି ଅଧିକାରୀ, ଜନପ୍ରତିନିଧି କିମ୍ବା ଠିକାଦାରଙ୍କ ସମ୍ପୃକ୍ତି ମିଳେ, ତେବେ ଆଇନ ଅନୁସାରେ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ସେମାନେ ଦାବି କରିଛନ୍ତି।

ବରଗଡ଼ ଜିଲ୍ଲା ବରପାଲିରେ ୧୪୯ତମ ଶୀତଳଷଷ୍ଠୀ ଯାତ୍ରା ମହୋତ୍ସବ - ୨୦୨୬ ପାଇଁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ବରପାଲିର ନୃପରାଜ କ୍ଲବଠାରେ ଆୟୋଜିତ ଏହି ସମ୍ମିଳନୀରେ ଯାତ୍ରାର ଆରମ୍ଭରୁ ଶେଷ ପର୍ଯ୍ୟନ୍ତ ହେବାକୁ ଥିବା ବିଭିନ୍ନ ଧାର୍ମିକ ଓ ସାଂସ୍କୃତିକ କାର୍ଯ୍ୟକ୍ରମ ଉପରେ ଆଲୋକପାତ କରାଯାଇଥିଲା। ଯାତ୍ରା କମିଟି ପକ୍ଷରୁ ଘୋଷଣା କରାଯାଇଛି ଯେ ଚଳିତ ବର୍ଷର ମୁଖ୍ୟ ଆକର୍ଷଣ ଭାବରେ ତାରକାସୁରଙ୍କ ରାଜୁତି ଏବଂ ନଟରାଜ ମହୋତ୍ସବ କାର୍ଯ୍ୟକ୍ରମକୁ ଅତ୍ୟନ୍ତ ଚିତାକର୍ଷକ ଭାବରେ ଉପସ୍ଥାପନ କରାଯିବ। ଏହି ମହୋତ୍ସବରେ ସୁବର୍ଣ୍ଣପୁର ଜିଲ୍ଲାପାଳ ନୃପରାଜ ସାହୁ, ସ୍ୱାସ୍ଥ୍ୟ ମନ୍ତ୍ରୀ ମୁକେଶ ମହାଳିଙ୍ଗ, ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ, ସଂସ୍କୃତି ମନ୍ତ୍ରୀ ସୂର୍ଯବଂଶୀ ସୁରଜ ଏବଂ ଉପ ମୁଖ୍ୟମନ୍ତ୍ରୀ କନକବର୍ଧନ ସିଂଦେଉଙ୍କ ସମେତ ଅନେକ ସଂସ୍କୃତିପ୍ରେମୀ ବିଶେଷ ଅତିଥି ଭାବରେ ଯୋଗଦେବେ ବୋଲି ଯାତ୍ରା କମିଟି ସୂଚନା ଦେଇଛି। ସାମ୍ବାଦିକ ସମ୍ମିଳନୀରେ ଶୀତଳ ଷଷ୍ଠୀ ଯାତ୍ରା କମିଟିର ସଭାପତି ଆନନ୍ଦ ବାବୁ, ସମ୍ପାଦକ ପଦ୍ମଲୋଚନ ସାହୁ, ଜୟନ୍ତ ତ୍ରିପାଠୀ, ପିନାକୀ ଦାସ ଏବଂ ପିଙ୍କୁ ସାହୁଙ୍କ ସମେତ ଅନେକ ସଦସ୍ୟ ଉପସ୍ଥିତ ଥିଲେ।

ଗତ ଜୁନ ୮ ତାରିଖରେ ବେଲପାହାଡ଼ ପୌର ପରିଷଦର ନଗରପାଳ ନିମାଇଁ ଚରଣ (ବୁଲୁ) ପଣ୍ଡାଙ୍କ ବିରୋଧରେ ଉପାଧ୍ୟକ୍ଷା ରୀନା ସୁନାଙ୍କ ସମେତ ୧୪ ଜଣ କାଉନସିଲର ଜିଲା ପ୍ରଶାସନ ନିକଟରେ ଅନାସ୍ଥା ପ୍ରସ୍ତାବ ଆଗତ କରିଥିଲେ। ଏହି ପ୍ରସ୍ତାବକୁ ଶତାଧିକ ବେଲପାହାଡ଼ବାସୀ ଦୃଢ଼ ବିରୋଧ କରି ଆଜି ନଗରପାଳଙ୍କ ସପକ୍ଷରେ ଜିଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି, ଯାହା ବେଲପାହାଡ଼ ସହରରେ ତୀବ୍ର ରାଜନୈତିକ ଉଷ୍ମତା ସୃଷ୍ଟି କରିଛି। ବର୍ତ୍ତମାନ ସୁଦ୍ଧା ନଗରପାଳଙ୍କ ସପକ୍ଷରେ ମୋଟ ୫ ଜଣ କାଉନସିଲର ଥିବାବେଳେ, ତାଙ୍କ ବିରୋଧରେ ଉପାଧ୍ୟକ୍ଷା ସମେତ ୧୪ ଜଣ କାଉନସିଲର ସପକ୍ଷରେ ଥିବା ଜଣାପଡ଼ିଛି। ଆଗକୁ ଆହୁରି କିଛି କାଉନସିଲର ଅଦଳବଦଳ ହୋଇପାରନ୍ତି ବୋଲି ସହରରେ ଚର୍ଚ୍ଚା ଚାଲିଛି। ଏଭଳି ରାଜନୈତିକ ଛକାପଞ୍ଝା ଯୋଗୁଁ ସାଧାରଣ ଜନତା କ୍ଷତିଗ୍ରସ୍ତ ହେବା ସହ ବିକାଶମୂଳକ କାର୍ଯ୍ୟରେ ବାଧା ସୃଷ୍ଟି ହେଉଛି। ଏପରିକି ଅନେକ ଠିକାଦାର ପୌର ପରିଷଦ ଅଧୀନରେ କାର୍ଯ୍ୟ କରିବାକୁ ଭୟ କଲେଣି ଏବଂ କାର୍ଯ୍ୟ ସମ୍ପୂର୍ଣ୍ଣ ହେବାର ଦୀର୍ଘ ମାସ ବିତିଯାଇଥିଲେ ମଧ୍ୟ ସେମାନଙ୍କ ଲକ୍ଷ ଲକ୍ଷ ଟଙ୍କାର ପ୍ରାପ୍ୟ ମିଳିପାରିନାହିଁ। ପୂର୍ବ ପୌର କାଉନସିଲ ବୈଠକଗୁଡ଼ିକରେ ପୌର ମହାଦୁର୍ନୀତି ଓ ବିକାଶ କାର୍ଯ୍ୟକୁ ନେଇ ସପକ୍ଷ ଓ ବିପକ୍ଷ ଗୋଷ୍ଠୀ ମଧ୍ୟରେ ଅନେକ ଥର ତୀବ୍ର ଅସନ୍ତୋଷ ଓ ହଟ୍ଟଗୋଳ ଦେଖାଦେଇଥିଲା। ନଗରପାଳଙ୍କ ସପକ୍ଷ ଗୋଷ୍ଠୀ ଅଭିଯୋଗ କରିଛନ୍ତି ଯେ, ନଗରପାଳ ନିମାଇଁ ଚରଣ ପଣ୍ଡାଙ୍କ ବିରୋଧରେ ଷଡ଼ଯନ୍ତ୍ର କରାଯାଇ ଅନାସ୍ଥା ପ୍ରସ୍ତାବ ଆଗତ କରାଯାଉଛି। ସେ କେବେ ବି ବିକାଶର ବାଧକ ନୁହନ୍ତି ବରଂ ଜଣେ ଜଣାଶୁଣା ସମାଜସେବୀ ଭାବରେ ଅନେକଙ୍କୁ ସହଯୋଗ କରି ବେଲପାହାଡ଼କୁ ଉନ୍ନତି ପଥରେ ଆଗେଇ ନେଇଛନ୍ତି। ତାଙ୍କ କାର୍ଯ୍ୟକାଳ ଶେଷ ହେବାକୁ ଆଉ କିଛି ମାସ ବାକି ଥିବାବେଳେ ଏବେ ତାଙ୍କୁ ପଦବୀରୁ ହଟାଇଲେ ସହରର ବିକାଶ ବାଧାପ୍ରାପ୍ତ ହେବ ବୋଲି ସପକ୍ଷ ଗୋଷ୍ଠୀ ଦର୍ଶାଇଛନ୍ତି। ତେଣୁ, ତାଙ୍କୁ କାର୍ଯ୍ୟକାଳ ଶେଷ ପର୍ଯ୍ୟନ୍ତ ବେଲପାହାଡ଼ବାସୀଙ୍କୁ ସେବା କରିବାକୁ ସୁଯୋଗ ଦିଆଯାଉ ବୋଲି ଅନେକ ସହରବାସୀ ଦାବି କରି ଜିଲାପାଳଙ୍କୁ ଦାବିପତ୍ର ଦେଇଛନ୍ତି। ଅନ୍ୟପକ୍ଷରେ, ନଗରପାଳ ଶ୍ରୀ ପଣ୍ଡାଙ୍କୁ ପଦବୀରୁ ହଟାଇବା ପାଇଁ କଂଗ୍ରେସ, ବିଜେପି ଓ ବିଜେଡି ସମସ୍ତ ଦଳରୁ ମୋଟ ୧୪ ଜଣ କାଉନସିଲର ହାତ ମିଳାଇଥିବା ଜଣାପଡ଼ିଛି। ନଗରପାଳ ବୁଲୁ ପଣ୍ଡା ଆଗକୁ ନିଜ ପଦବୀରେ ରହିପାରିବେ କି ନାହିଁ, ତାହାକୁ ନେଇ ଏବେ ଅନେକ ଆଲୋଚନା ଚାଲିଛି ଏବଂ ବିପକ୍ଷ ଗୋଷ୍ଠୀ ସଂଖ୍ୟା ଗରିଷ୍ଠ କାଉନସିଲରଙ୍କୁ ନେଇ ନଗରପାଳ ପଦବୀ ଅଧିକାର କରିବା ପାଇଁ ଅଙ୍କ କଷା ଆରମ୍ଭ କରିଛନ୍ତି। ଆଗାମୀ ଦିନରେ ନଗରପାଳ ପଦବୀକୁ ନେଇ ରାଜନୈତିକ ଅବସ୍ଥିତି କଣ ରହିବ ତାହା ଦେଖିବାକୁ ବାକି ରହିଲା।

ସମ୍ବଲପୁର ଜିଲ୍ଲାର କୁଚିଣ୍ଡା ବ୍ଲକ ଅନ୍ତର୍ଗତ ଜରାବଗା ପଞ୍ଚାୟତର ସର୍ଗିଡିହି ଗ୍ରାମରେ ମୁଣ୍ଡା ଆଦିବାସୀମାନଙ୍କ ଏକ ଉତ୍ସବ ପାଳିତ ହୋଇଛି। ଏହି ଉତ୍ସବ ସମ୍ବନ୍ଧରେ ଅଧିକ ସୂଚନା ପାଇଁ ଏକ ମୋବାଇଲ୍ ନମ୍ବର (୮୦୧୮୨୩୭୦୩୪) ପ୍ରଦାନ କରାଯାଇଛି।

ବନ୍ଦ ପଡ଼ିଥିବା ସୂତାକଳକୁ ପୁଣି ଚାଲୁ କରିବା ଏବଂ ପ୍ରତି ପଞ୍ଚାୟତରେ କପା ମଣ୍ଡି ଖୋଲିବା ପାଇଁ ଦାବି କରାଯାଇଛି। ପ୍ରଦେଶ କଂଗ୍ରେସର ଅଧ୍ୟକ୍ଷ ଅଭୟ ସାହୁ ଏହି ଦାବି ଉଠାଇଛନ୍ତି। ଏହି ପରିପ୍ରେକ୍ଷୀରେ ଏକ ଆଞ୍ଚଳିକ କପା ଚାଷୀ ସଙ୍ଗଠନ ମଧ୍ୟ ଗଠନ କରାଯାଇଛି।

ସମ୍ବଲପୁର ଜିଲ୍ଲା ବମରା ବ୍ଲକର ବିଜୁ ଛକରେ ପ୍ରାୟ ୨ ଲକ୍ଷ ଟଙ୍କା ବ୍ୟୟରେ ସ୍ଥାପିତ କୋଲ୍ଡ ଫ୍ରିଜର (ୱାଟର ଫିଲ୍ଟର) ଗତ ୨୦ରୁ ୨୫ ଦିନ ହେଲା ଅଚଳ ହୋଇପଡ଼ିଛି। ଫଳରେ ସାଧାରଣ ଲୋକେ ଏବଂ ଯାତ୍ରୀମାନେ ଗରମ ପାଣି ପିଇବାକୁ ବାଧ୍ୟ ହେଉଛନ୍ତି, କାରଣ ଏଥିରୁ ଥଣ୍ଡା କିମ୍ବା ପରିଷ୍କାର ପାଣି ବାହାରୁ ନାହିଁ। ବାରମ୍ବାର ଅଭିଯୋଗ ସତ୍ତ୍ୱେ ବମରା ପଞ୍ଚାୟତର ସରପଞ୍ଚ କିମ୍ବା ବ୍ଲକ ପ୍ରଶାସନ ପକ୍ଷରୁ ଏ ପର୍ଯ୍ୟନ୍ତ କୌଣସି ପଦକ୍ଷେପ ନିଆଯାଇ ନାହିଁ। ବମରା ବିଜୁ ଛକରେ ପ୍ରତିଦିନ ୩୦ରୁ ୪୦ଟି ବସ୍ ଅଟକେ, ଯେଉଁଥିରେ ପ୍ରାୟ ୨୦୦ରୁ ୩୦୦ ଯାତ୍ରୀ ଯିବାଆସିବା କରନ୍ତି। ଏହା ବ୍ୟତୀତ, ବମରା ରେଳ ଷ୍ଟେସନରୁ ଦୈନିକ ୫୦୦ରୁ ୧୦୦୦ ଲୋକଙ୍କ ଆଗମନ ହୋଇଥାଏ। ଏଭଳି ସ୍ଥିତିରେ ପ୍ରବଳ ଗ୍ରୀଷ୍ମ ପ୍ରବାହ ସମୟରେ ହଜାର ହଜାର ଲୋକ ଥଣ୍ଡା ପାନୀୟ ଜଳରୁ ବଞ୍ଚିତ ହେଉଛନ୍ତି। ଏହି ପ୍ରସଙ୍ଗରେ ବମରା ସରପଞ୍ଚ କହିଛନ୍ତି ଯେ ବମରା ବର୍ତ୍ତମାନ NAC ଅଞ୍ଚଳରେ ସାମିଲ ହୋଇଥିବାରୁ ଏହି ବ୍ୟବସ୍ଥାର ଦାୟିତ୍ୱ ପଞ୍ଚାୟତର ନୁହେଁ। ଅପରପକ୍ଷେ, ସ୍ଥାନୀୟ ଲୋକେ ଅଭିଯୋଗ କରିଛନ୍ତି ଯେ ବ୍ଲକ ପ୍ରଶାସନ ମଧ୍ୟ ଏହି ଗୁରୁତର ସମସ୍ୟାକୁ ଅଣଦେଖା କରୁଛି। ଏବେ ବଡ଼ ପ୍ରଶ୍ନ ଉଠୁଛି ଯେ ସ୍ଥାନୀୟ ଲୋକଙ୍କୁ କେବେ ଥଣ୍ଡା ପାଣିର ସୁବିଧା ମିଳିବ ଏବଂ ପ୍ରାୟ ୨ ଲକ୍ଷ ଟଙ୍କା ଖର୍ଚ୍ଚରେ ଲାଗିଥିବା ଏହି କୋଲ୍ଡ ଫ୍ରିଜରର ରକ୍ଷଣାବେକ୍ଷଣ ଦାୟିତ୍ୱ କାହାର? ଯଦି ମେସିନ ଖରାପ ଅଛି, ତେବେ ଏହାର ମରାମତି ଏବଂ ଖର୍ଚ୍ଚର ହିସାବ ଜନତାଙ୍କ ସାମ୍ନାରେ କେବେ ଆସିବ? ସ୍ଥାନୀୟ ଲୋକେ ସମ୍ବନ୍ଧିତ ପ୍ରଶାସନକୁ ତୁରନ୍ତ ଏହି ସମସ୍ୟାର ସମାଧାନ କରିବା ସହ ସମଗ୍ର ଘଟଣାର ନିରପେକ୍ଷ ତଦନ୍ତ କରିବାକୁ ଦାବି କରିଛନ୍ତି।

ବରଗଡ଼ର ବରପାଲିଠାରେ ଅନୁଷ୍ଠିତ ହେବାକୁ ଥିବା 2026 ମସିହାର ଶୀତଳ ଷଷ୍ଠୀ ଯାତ୍ରା ଓ ପାର୍ବତୀ ବିବାହ ମହୋତ୍ସବ ପାଇଁ ନୂଆପଡ଼ା ଅଞ୍ଚଳକୁ ହେମାଦ୍ରୀ ନଗର ଭାବେ ସଜ୍ଜିତ କରାଯାଇଛି। ଏହି ଯାତ୍ରା କମିଟି ପକ୍ଷରୁ ନୂଆପଡ଼ା ପାର୍ବତୀ ମଣ୍ଡପଠାରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା, ଯେଉଁଥିରେ ଯାତ୍ରା ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା ଦିଆଯାଇଥିଲା। ଏହି ସାମ୍ବାବାଦିକ ସମ୍ମିଳନୀରେ ପାର୍ବତୀ ବିବାହ ମହୋତ୍ସବ ଯାତ୍ରା କମିଟିର ସଭାପତି ସୁବୋଧ କୁମାର ଷଡଙ୍ଗୀ, ସମ୍ପାଦକ ଧୀରେନ୍ଦ୍ର କୁମାର ତ୍ରିପାଠୀ, ଏବଂ କନ୍ୟା ପିତା ଶ୍ରୀ ଶିବୁ ଅଗ୍ରୱାଲ ପ୍ରମୁଖ ଯୋଗଦାନ କରିଥିଲେ। ସେମାନେ ଯାତ୍ରାର ଆରମ୍ଭ, ଆୟବ୍ୟୟର ବିବରଣୀ, ମନୋରଞ୍ଜନ କାର୍ଯ୍ୟକ୍ରମ ଏବଂ ବିଭିନ୍ନ ଅତିଥିଙ୍କ ଆଗମନ ସମ୍ପର୍କରେ ସୂଚନା ପ୍ରଦାନ କରିଥିଲେ। ଯାତ୍ରାକୁ ଆହୁରି ସୁନ୍ଦର ଓ ଆକର୍ଷଣୀୟ କରିବା ପାଇଁ ହେଉଥିବା ପ୍ରସ୍ତୁତି ସମ୍ବନ୍ଧରେ ମଧ୍ୟ ସେମାନେ ଜଣାଇଥିଲେ। ପ୍ରତିଦିନ ପ୍ରସାଦ ବଣ୍ଟନ ଏବଂ ପାଣିର ବ୍ୟବସ୍ଥା କରି ଯାତ୍ରାକୁ ସୁନ୍ଦର ଭାବେ ପରିବେଷଣ କରିବାକୁ ପ୍ରକାଶ କରାଯାଇଥିଲା। ଏହି ପ୍ରେସ ମିଟରେ ବରପାଲିର ସମସ୍ତ ୱେବ୍ ମିଡିଆ ଓ ପ୍ରିଣ୍ଟ ମିଡିଆର ପ୍ରତିନିଧିମାନେ ଉପସ୍ଥିତ ଥିଲେ।