চিৰাঙত আই নদীত এক ভয়াৱহ ৰূপ দেখা গৈছে। নদীৰ এই সংহাৰী ৰূপৰ বাবেই অঞ্চলটোৰ দুখন চৰকাৰী বিদ্যালয় আই নদীৰ কৱলত পৰিছে, যাৰ ফলত স্কুল দুখন নদীৰ বুকুত বিলীন হৈছে।

বৰপেটা জিলাৰ কয়াকুছিৰ পৰা পৱিত্ৰ মক্কা আৰু মদিনালৈ হজ্জ যাত্ৰা কৰিব বিচৰা লোকসকলৰ বাবে এক বিশেষ সুবিধা ঘোষণা কৰা হৈছে। H.jannat umrah and haj travels নামৰ প্ৰতিষ্ঠানে হজ্জ যাত্ৰীসকলৰ বাবে বিভিন্ন পেকেজ আৰু বিশেষ সুবিধাৰ ব্যৱস্থা কৰিছে।

জয়ন্ত মল্ল বৰুৱাৰ মন্তব্যৰ পিছতে বন বিভাগে সৰ্থেবাৰীৰ চতলা অঞ্চলত এক বৃহৎ অভিযান চলায়। এই অভিযানৰ ফলত অঞ্চলটোৰ পৰা অবৈধ কাঠমিল জব্দ কৰা হৈছে।

ধুবুৰী জিলাৰ অভিভাৱক মন্ত্ৰী অশোক সিংঘলে ২৮ জুন তাৰিখে ধুবুৰী চহৰৰ ১৩ নং ৱাৰ্ডত এক ঐতিহাসিক পথৰ নামাকৰণ কৰে। আজি পুৱা ৮ বজাত ১৩ নং ৱাৰ্ডৰ কালীমন্দিৰৰ ওচৰত থকা পুৰণি এ এম কো ৰোডৰ নাম সলনি কৰি ড° শ্যামা প্ৰসাদ মুখাৰ্জী পথ নামেৰে নতুন ফলক উন্মোচন কৰা হয়। এই সন্দৰ্ভত অভিভাৱক মন্ত্ৰী অশোক সিংঘলে কয় যে, চহৰখনৰ এটা উল্লেখযোগ্য পথ শ্যামা প্ৰসাদ মুখাৰ্জীৰ নামেৰে নামকৰণ কৰা হৈছে। নামকৰণ অনুষ্ঠানত অতিথি হিচাপে ধুবুৰী পৌৰসভাৰ পৌৰপতি দেবময় সান্নাল, ধুবুৰী পৌৰসভাৰ কাৰ্যবাহী বিষয়া, ধুবুৰী টাউন মণ্ডলৰ সভাপতি, ধুবুৰীৰ ১,২,৩,১৩,১১ আৰু ১৪ নং ৱাৰ্ডৰ কমিচনাৰসকল, জেষ্ঠ বিজেপি সদস্য পিয়ুষ কান্তি দত্ত, এছ চি মৰ্চাৰ সভাপতি, ও বি চি টাউন মণ্ডলৰ সভাপতি সহিতে বহু স্থানীয় ৰাইজ উপস্থিত আছিল।

দুদিনীয়া কাৰ্যসূচীৰে ধুবুৰী জিলাত উপস্থিত হৈ অভিভাৱক মন্ত্ৰী অশোক সিংহলে আৱৰ্ত ভৱনত জিলা প্ৰশাসন আৰু আৰক্ষী অধীক্ষকৰ কাৰ্যালয়ৰ সৈতে এক গুৰুত্বপূৰ্ণ পৰ্যালোচনা সভা অনুষ্ঠিত কৰে। এই আলোচনাৰ অন্তত মন্ত্ৰীগৰাকীয়ে সাংবাদিকৰ আগত কেইবাটাও মন্তব্য প্ৰকাশ কৰে। তেওঁ স্পষ্ট কৰি কয় যে মুখ্যমন্ত্ৰীয়ে তেওঁক ধুবুৰীৰ উন্নয়নৰ বাট মুকলি কৰাৰ দায়িত্ব দিছে। মন্ত্ৰী অশোক সিংহলে লগতে কয় যে আমি সকলোৱে মিলি ধুবুৰী জিলাখনক আগবঢ়াই নিয়াৰ বাবে চেষ্টা কৰিম, যিদৰে অঞ্চলটোৰ জনসাধাৰণ নিজেই আগুৱাই গৈছে। ভাৰত-বাংলা সীমান্তৱৰ্তী এই পিছপৰা অঞ্চলটোৰ সন্দৰ্ভত মন্ত্ৰীগৰাকীয়ে কয় যে ভাৰতক নেতৃত্ব দিয়া শক্তিশালী নেতা নৰেন্দ্ৰ মোডী আৰু অসমক প্ৰতিনিধিত্ব কৰা অসমৰ মুখ্যমন্ত্ৰী হিমন্ত বিশ্ব শৰ্মা যথেষ্ট শক্তিশালী। মন্ত্ৰী অশোক সিংহলে দৃঢ়তাৰে কয় যে এই দুয়োগৰাকী নেতাৰ নেতৃত্বত অসমে ক্ষিপ্ৰ গতিৰে আগবাঢ়ি যোৱাৰ লগতে ধুবুৰী জিলাখনেও উন্নয়নৰ পথত দ্ৰুতগতিত আগুৱাই যাব।

কেবিনেট মন্ত্ৰী তথা ধুবুৰীৰ অভিভাৱক মন্ত্ৰী অশোক সিংহাল দুদিনীয়া কাৰ্যসূচীৰে ধুবুৰীত উপস্থিত হৈছে। তেওঁ ধুবুৰী আৱৰ্ত ভৱনত জিলা প্ৰশাসন আৰু আৰক্ষী অধীক্ষকৰ কাৰ্যালয়ত আৰক্ষী প্ৰশাসনৰ সৈতে এক গুৰুত্বপূৰ্ণ পৰ্যালোচনা সভাত অংশ লয়। এই ভ্ৰমণকালত মন্ত্ৰী অশোক সিংহালে সংবাদ মাধ্যমৰ আগত কেইবাটাও বিস্ফোৰক মন্তব্য প্ৰকাশ কৰে।

মুছলপুৰত বিটিচি প্ৰধান হাগ্ৰামা মহিলাৰীৰ কনভয় দেখা গৈছে। এখন সভা সামৰি উভতি অহাৰ পথত এই দৃশ্য দেখা পোৱা গৈছিল।

বাক্সা জিলাৰ অদালবাৰীত ৰাষ্ট্ৰীয় প্ৰতিষেধক প্ৰদানৰ জিলা পৰ্যায়ৰ শুভ উদ্বোধনী অনুষ্ঠান সম্পন্ন হৈছে। এই অনুষ্ঠানত বিধায়ক মনেশ্বৰ ব্ৰহ্ম আৰু বিটিচিৰ ই এম আগাষ্টুছ টিগ্গা উপস্থিত আছিল।

ৰঙিয়াত সংঘটিত ধাৰাবাহিক চুৰিকাণ্ডই জনসাধাৰণক আতংকিত কৰি তোলাৰ লগতে আৰক্ষীৰ বাবেও এক মূৰৰ কামোৰণি হৈ পৰিছে। পূৰ্বৰ চাঞ্চল্যকৰ চুৰি কাণ্ডসমূহৰ ঢৌ মাৰ নৌযাওঁতেই যোৱানিশা পুনৰ ৰঙিয়াৰ ৫ নং ৱাৰ্ডৰ লেঞ্চকাৰ্ডৰ সমীপৰ ৰেনু শইকীয়া ডেকা নামৰ এগৰাকী মহিলাৰ ঘৰত চোৰে “চাফাই অভিযান” চলায়। ঘৰত কোনো নথকাৰ সুযোগ লৈ চোৰৰ দলে ৰডেৰে তলা ভাঙি ঘৰৰ ভিতৰত প্ৰৱেশ কৰে। ইয়াৰ পিছতে তেওঁলোকে পাচ লক্ষাধিক মূল্যৰ সোণৰ আ-অলংকাৰ, প্ৰায় ৬০ হাজাৰ টকা নগদ ধনৰ লগতে বহু মূল্যৱান কাপোৰ লুট কৰি নিৰ্বিঘ্নে পলায়ন কৰিবলৈ সক্ষম হয়। পিছত ঘৰৰ গৰাকী উপস্থিত হৈহে এই ঘটনাৰ বিষয়ে অৱগত হয়। এই সন্দৰ্ভত ৰঙিয়া আৰক্ষী থানাত খবৰ দিয়াত আৰক্ষীৰ এটা দল ঘটনাস্থলীত উপস্থিত হৈ তদন্ত আৰম্ভ কৰে যদিও এই পৰ্যন্ত এই চুৰিকাণ্ডত জড়িত কাকো আটক কৰিবলৈ সক্ষম হোৱা নাই।

জাপানৰ প্ৰধানমন্ত্ৰীৰ অসম ভ্ৰমণ বাতিল সন্দৰ্ভত লুৰীণজ্যোতি গগৈয়ে অসম চৰকাৰলৈ প্ৰশ্ন উত্থাপন কৰি উদ্বেগ প্ৰকাশ কৰিছে। তেওঁৰ মতে, জুবিন গাৰ্গৰ ছবি মছি পেলোৱাক লৈ হোৱা প্ৰতিবাদৰ বাবে জাপানৰ প্ৰধানমন্ত্ৰীৰ অসম ভ্ৰমণ বাতিল কৰা হৈছিল। গগৈয়ে এই বিষয়ত দিল্লীৰ সৈতে তুলনা কৰিছে, য'ত 'ককৰোচ জনতা পাৰ্টী'য়ে প্ৰতিবাদ কৰি থকাৰ পিছতো জাপানৰ প্ৰধানমন্ত্ৰী দিল্লীলৈ আহিব। এই পটভূমিত, অসমত সামান্য প্ৰতিবাদৰ বাবেই ভ্ৰমণ বাতিল হোৱাটোৱে অসম চৰকাৰৰ ওপৰত প্ৰশ্ন উত্থাপন কৰিছে।