वाशीम जिल्ह्यातील मंगरुळपीर येथील मौजे मानोली ते मोतसावंगा रोडवर राज्य उत्पादन शुल्क विभागाच्या भरारी पथकाने मोठी कारवाई करत एका चारचाकी वाहनासह गोवा राज्यात निर्मित आणि महाराष्ट्र राज्यात विक्रीस प्रतिबंधित असलेला विदेशी मद्याचा मोठा साठा जप्त केला आहे. या कारवाईदरम्यान दोन आरोपींना अटक करण्यात आली आहे. अटक करण्यात आलेल्या आरोपींमध्ये दिगंबर रमेश पवार (वय ३७ वर्षे, रा. भिलडोंगर, ता. मानोरा, जि. वाशीम, ह.मु. शिवाजी नगर, वाशीम) आणि प्रवीण भगवानदास वर्मा (वय ५० वर्षे, रा. सोनखास, ता. मंगरुळपीर, जि. वाशीम) यांचा समावेश आहे. काही इसम चारचाकी वाहनातून बेकायदेशीरपणे मद्याची अवैध वाहतूक करत असल्याची गोपनीय माहिती भरारी पथकाला मिळाली होती. या माहितीच्या आधारे महाराष्ट्र दारूबंदी कायदा १९४९ अंतर्गत सापळा रचून ही कारवाई करण्यात आली. ही कारवाई राज्य उत्पादन शुल्क आयुक्त डॉ. राजेश देशमुख, सह आयुक्त प्रसाद सुर्वे, अमरावती विभागाचे विभागीय उप आयुक्त डॉ. पराग नवलकर तसेच वाशीमच्या अधीक्षक श्रीमती सिमा झावरे यांच्या मार्गदर्शनाखाली पार पडली.

के.के. रिपोर्टर

Spa रिसोड, वाशिम, महाराष्ट्र•

1 hr ago

वाशीम जिल्ह्यातील मंगरुळपीर येथील मौजे मानोली ते मोतसावंगा रोडवर राज्य उत्पादन शुल्क विभागाच्या भरारी पथकाने मोठी कारवाई करत एका चारचाकी वाहनासह गोवा राज्यात निर्मित आणि महाराष्ट्र राज्यात विक्रीस प्रतिबंधित असलेला विदेशी मद्याचा मोठा साठा जप्त केला आहे. या कारवाईदरम्यान दोन आरोपींना अटक करण्यात आली आहे. अटक करण्यात आलेल्या आरोपींमध्ये दिगंबर रमेश पवार (वय ३७ वर्षे, रा. भिलडोंगर, ता. मानोरा, जि. वाशीम, ह.मु. शिवाजी नगर, वाशीम) आणि प्रवीण भगवानदास वर्मा (वय ५० वर्षे, रा. सोनखास, ता. मंगरुळपीर, जि. वाशीम) यांचा समावेश आहे. काही इसम चारचाकी वाहनातून बेकायदेशीरपणे मद्याची अवैध वाहतूक करत असल्याची गोपनीय माहिती भरारी पथकाला मिळाली होती. या माहितीच्या आधारे महाराष्ट्र दारूबंदी कायदा १९४९ अंतर्गत सापळा रचून ही कारवाई करण्यात आली. ही कारवाई राज्य उत्पादन शुल्क आयुक्त डॉ. राजेश देशमुख, सह आयुक्त प्रसाद सुर्वे, अमरावती विभागाचे विभागीय उप आयुक्त डॉ. पराग नवलकर तसेच वाशीमच्या अधीक्षक श्रीमती सिमा झावरे यांच्या मार्गदर्शनाखाली पार पडली.